ന്യൂഡൽഹി: ബലാത്സംഗക്കേസിൽ വിചാരണ നേരിടുന്ന രമീന്ദർ സിങ്ങിന് ഡൽഹി ഹൈക്കോടതി ഇടക്കാല ജാമ്യം അനുവദിച്ചു. 45 ദിവസത്തെ ജാമ്യമാണ് അനുവദിച്ചിട്ടുള്ളത്. 1.5 ലക്ഷം രൂപ വ്യക്തിഗത ബോണ്ടായി കെട്ടിവെച്ചതിനെ തുടർന്നാണ് ജസ്റ്റിസ് സുരേഷ് കുമാർ കൈറ്റ് ഇയാൾക്ക് ഇടക്കാല ജാമ്യം അനുവദിച്ചത്.
2012 ൽ ഇയാൽ സ്‌കോട്ട്‌ലൻഡിൽ ആയിരുന്നപ്പോൽ ബലാത്സംഗം ചെയ്യാൻ ശ്രമിച്ചു എന്നതാണ് കേസ്. 2015 ഏപ്രിൽ 6 മുതൽ ജയിലിലാണ്. കേസുമായി ബന്ധപ്പെട്ട് ഇയാളെ യുകെയിലേക്ക് കൈമാറാൻ ഇരിക്കെയാണ് ജാമ്യം അനുവദിച്ചത്. കോടതിയുടെ അനുവാദമില്ലാതെ രാജ്യം വിടരുതെന്ന വ്യവസ്ഥയിലാണ് ജാമ്യം അനുവദിച്ചത്.
