കൊവിഡ്; രാജ്യത്ത് ഇതുവരെ പരിശോധിച്ചത് ഒരു കോടി സാമ്പിളുകൾ

രോഗം ഭേദമായവരുടെ എണ്ണം ചൊവ്വാഴ്ച 4,39,947 ആയി.

ന്യൂഡല്‍ഹി: ആരോഗ്യ, കുടുംബക്ഷേമ മന്ത്രാലയത്തിന്‍റെ കണക്കനുസരിച്ച് രാജ്യത്ത് പരിശോധനയ്ക്കയച്ച സാമ്പിളുകളുടെ എണ്ണം ഒരു കോടിയായി. രോഗം ഭേദമായവരുടെ എണ്ണം ചൊവ്വാഴ്ച 4,39,947 ആയി. സജീവമായ കേസുകളേക്കാൾ 1,80,390 കൂടുതലാണ് രോഗം ഭേദമായവരുടെ എണ്ണം. ഇതോടെ ഇന്ത്യയുടെ രോഗമുക്തി നിരക്ക് 61.13% ആയി ഉയർന്നു.

കഴിഞ്ഞ 24 മണിക്കൂറിനിടയിൽ 22,252 കേസുകൾ കൂടി റിപ്പോർട്ട് ചെയ്തതോടെ ഇന്ത്യയിലെ കൊവിഡ് കേസുകളുടെ എണ്ണം ഏഴ് ലക്ഷം കടന്നു. 467 കൊവിഡ് മരണങ്ങൾ കൂടി റിപ്പോർട്ട് ചെയ്തതോടെ കൊവിഡ് മരണസംഖ്യ 20,160 ആയി.