263 ഇന്ത്യക്കാരെ ഇറ്റലിയിൽ നിന്ന് രക്ഷപ്പെടുത്തി

ഇറ്റലിയിൽ നിന്നും തിരിച്ചെത്തിയ ഇവരെ ഇന്തോ-ടിബറ്റൻ ബോർഡർ പൊലീസ് ക്യാമ്പിലെ ക്വാറന്‍റൈനിലേക്കാണ് അയച്ചത്.

ന്യൂഡൽഹി: കൊവിഡ് 19 മൂലം ഇറ്റലിയിൽ കുടുങ്ങിക്കിടന്ന 263 ഇന്ത്യക്കാരെ തിരിച്ചെത്തിച്ചു. സ്പെഷ്യൽ വിമാനത്തിൽ ഡൽഹിയിലെത്തിച്ച ഇവരെ ഇന്തോ-ടിബറ്റൻ ബോർഡർ പൊലീസ് ക്യാമ്പിലെ ക്വാറന്‍റൈനിലേക്ക് അയച്ചു. ഇമിഗ്രേഷനും തെർമൽ സ്ക്രീനിങ്ങിനും ശേഷമാണ് ഇവരെ തെക്ക്-പടിഞ്ഞാറൻ ഡൽഹിയിലെ ചാവ്‌ല പ്രദേശത്തെ ക്വാറന്‍റൈനിലേക്ക് മാറ്റുക. റോമിൽ നിന്ന് തിരികെയെത്തിയ 215 ഇന്ത്യക്കാർ മാർച്ച് 15 മുതൽ ഐറ്റിബിപി ക്വാറന്‍റൈനിലേക്ക് മാറ്റിയിരുന്നു.