ന്യൂഡല്‍ഹി: ബിജെപി സഖ്യകക്ഷികളെ ബഹുമാനിക്കുന്നില്ലെന്ന് ഐ.സി.സി നേതാവ് ശക്തിസിങ്. ഒരിക്കല്‍ അവരുമായി ചേര്‍ന്ന് പ്രവര്‍ത്തിച്ച പാര്‍ട്ടികളെ അവര്‍ ഇല്ലാതാക്കുകയാണ്. ബിഹാറിലെ കോണ്‍ഗ്രസിന്‍റെ ചുമതലയുള്ള ശക്തി സിങ് ഗോഹിൽ ആരോപിച്ചു. മഹാഗത്ബന്ധന്‍റെ ഭാഗമായ ആരെങ്കിലും ബി.ജെ.പിയില്‍ ചേര്‍ന്നാല്‍ തെറ്റ് ഉടന്‍ മനസിലാകുമെന്നും അദ്ദേഹം ഇ.ടി.വി ഭാരതിനോട് പറഞ്ഞു.
സഖ്യകക്ഷികളെ ബി.ജെ.പി ഒരിക്കലും സംരക്ഷിച്ചിട്ടില്ല. പി.ഡി.പി നേതാവ് മെഹബൂബ മുക്തി ഇതിന് ഉദാഹരണമാണ്. രാഷ്ട്രീയ ലക്ഷ്യങ്ങള്‍ക്ക് വേണ്ടി അവരെ ഉപയോഗിച്ച ബി.ജെ.പി അവരെ ഉപേക്ഷിച്ച മട്ടാണ്. കേന്ദ്ര നയങ്ങള്‍ക്കെതിരെ സംസാരിക്കുന്ന നിതീഷ് കുമാറിനോടും ജെ.ഡി.യുവിനോടും ഇതേ സമീപനമാകും ബി.ജെ.പി സ്വീകരിക്കുകയെന്നും അദ്ദേഹം പറഞ്ഞു. മഹാഗത്ബന്ധന്‍റെ ഭാഗമായി നിതീഷിനെ സ്വീകരിക്കുമോ എന്ന ചോദ്യത്തിന് അത്തരത്തില്‍ ഒരു ചര്‍ച്ച നിലവില്‍ ഇല്ലെന്നായിരുന്നു പ്രതികരണം. അത്തരമൊരും സാഹചര്യമുണ്ടായാല്‍ എല്ലാ ഘടകങ്ങളും ചര്‍ച്ച ചെയ്താകും തീരുമാനം എടുക്കുകയെന്നും അദ്ദേഹം കൂട്ടിച്ചേര്‍ത്തു.
