അമരാവതി : ആന്ധ്രാപ്രദേശിൽ 67 പുതിയ കൊവിഡ് കേസുകൾ റിപ്പോർട്ട് ചെയ്‌തു. ഇതോടെ സംസ്ഥാനത്തെ ആകെ കൊവിഡ് കേസുകളുടെ എണ്ണം 111 ആയി. രോഗം സ്ഥിരീകരിച്ച 67 പേരിൽ ഭൂരിഭാഗം പേരും നിസാമുദ്ദീൻ മത സമ്മേളനത്തിൽ പങ്കെടുത്തിരുന്നു. സംസ്ഥാനത്ത് 11 ജില്ലകളിലാണ് ഇതുവരെ കൊവിഡ് കേസുകൾ റിപ്പോർട്ട് ചെയ്‌തത്. നിസാമുദ്ദീൻ മത സമ്മേളനത്തിൽ പങ്കെടുത്ത ആളുകളും കുടുംബാംഗങ്ങളും മെഡിക്കൽ പരിശോധനക്ക് തയ്യാറാകണമെന്ന് മുഖ്യമന്ത്രി വൈ.എസ്. ജഗൻ മോഹൻ റെഡ്ഡി പറഞ്ഞു.
ഗുണ്ടൂരിലാണ് കൂടുതൽ കൊവിഡ് കേസുകൾ റിപ്പോർട്ട് ചെയ്‌തത്. ഗുണ്ടൂരിൽ 20, കടപ്പ, കൃഷ്‌ണ, പ്രകാശം എന്നീ ജില്ലകളിലായി 15 കേസുകളും വെസ്റ്റ് ഗോദാവരിയിൽ 14 കേസുകളും റിപ്പോർട്ട് ചെയ്‌തു. വിശാഖപ്പട്ടണത്ത് 11 കേസുകളുമാണ് റിപ്പോർട്ട് ചെയ്‌തത്.
