വാഷിങ്ടണ്‍: പ്രധാനമന്ത്രി നരേന്ദ്ര മോദിയും അമേരിക്കൻ പ്രസിഡന്‍റ് ജോ ബൈഡനും ചർച്ച നടത്തി. ഇന്ത്യയും അമേരിക്കയും തമ്മിലുള്ള പങ്കാളിത്തം ശക്തിപ്പെടുത്തുന്നതിൽ ഇരുവരും ധാരണയിൽ എത്തുകയും ചെയ്തു.
ചൈനയുമായുള്ള ഇരു രാജ്യങ്ങളുടെയും ബന്ധത്തിലുള്ള വിള്ളലിനെ തുടർന്നാണ് പങ്കാളിത്തം ശക്തിപ്പെടുത്താൻ തീരുമാനിച്ചിരിക്കുന്നത്. തിങ്കളാഴ്‌ചയാണ് ഇരുവരും ചർച്ച നടത്തിയത്. കിഴക്കൻ ലഡാക്കിലെ അതിർത്തിയിൽ ചൈനയുമായി ഒൻപത് മാസക്കാലം നീണ്ട സൈനിക പോരാട്ടത്തിലാണ് ഇന്ത്യ. ഇരുവരും ചർച്ച നടത്തിയതായി വൈറ്റ് ഹൗസ് പ്രസ്താവനയിലൂടെ അറിയിച്ചു.
