ന്യൂഡല്‍ഹി: 2020 ഡല്‍ഹി നിയമസഭാ തെരഞ്ഞെടുപ്പിനുള്ള പ്രചാരണ പരിപാടികള്‍ ആരംഭിച്ച് ആം ആദ്മി പാര്‍ട്ടി. 'അച്ചേ ബീത്തേ പാഞ്ച് സാല്‍ ലഗേ രഹോ കെജ്‌രിവാള്‍' എന്ന മുദ്രാവാക്യമുയര്‍ത്തിയാണ് ഇത്തവണത്തെ പ്രചാരണം. ഡല്‍ഹിയില്‍ നടന്ന ചടങ്ങില്‍ മുദ്രാവാക്യം ഔദ്യോഗികമായി പുറത്തുവിട്ടു.
"കഴിഞ്ഞ അഞ്ച് വര്‍ഷം കെജ്‌രിവാള്‍ നന്നായി ഭരിച്ചു, കെജ്‌രിവാള്‍ തുടരട്ടെ" എന്ന മുദ്രാവാക്യം പാര്‍ട്ടി എംഎല്‍എമാരുടെ സാന്നിധ്യത്തില്‍ ഡല്‍ഹി ഉപമുഖ്യമന്ത്രി മനീഷ് സിസോദിയയാണ് പുറത്തുവിട്ടത്. 2015ല്‍ നടന്ന തെരഞ്ഞെടുപ്പില്‍ ആകെയുള്ള 70 സീറ്റുകളില്‍ 67 സീറ്റുകള്‍ സ്വന്തമാക്കിയാണ് അരവിന്ദ് കെജ്‌രിവാള്‍ സര്‍ക്കാര്‍ അധികാരത്തിലെത്തിയത്.
