ന്യൂഡൽഹി: അഞ്ചാംഘട്ട ലോക്സഭ തെരഞ്ഞെടുപ്പിനുള്ള പരസ്യ പ്രചാരണം ഇന്ന് അവസാനിക്കും. 51 മണ്ഡലങ്ങളിലേക്കാണ് അഞ്ചാംഘട്ട തെരഞ്ഞെടുപ്പ് നടക്കുന്നത്. അമേഠിയും റായ്ബറേലിയും അടക്കമുള്ള മണ്ഡലങ്ങളാണ് മറ്റെന്നാള്‍ പോളിങ് ബൂത്തിലേക്ക് എത്തുന്നത്. രാഹുൽ ഗാന്ധിക്കെതിരെ സ്മൃതി ഇറാനി മത്സരിക്കുന്ന അമേഠിയിൽ കൊട്ടിക്കലാശത്തിന് ബിജെപി അധ്യക്ഷൻ അമിത് ഷാ ഇന്ന് റോഡ് ഷോയിൽ പങ്കെടുക്കും. പ്രിയങ്കാ ഗാന്ധി അമേഠിയിലും റായ് ബറേലിയിലും കേന്ദ്രീകരിച്ചാണ് അഞ്ചാം ഘട്ടത്തിൽ യുപിയിൽ പ്രചാരണം നടത്തുന്നത്. പ്രധാനമന്ത്രി നരേന്ദ്ര മോദി യുപിയിലും ബീഹാറിലും ഇന്ന് പ്രചാരണം നടത്തും.
അഞ്ചാംഘട്ട തെരഞ്ഞെടുപ്പ്; പരസ്യ പ്രചാരണം ഇന്ന് അവസാനിക്കും
യുപിയിൽ 14 ഉം രാജസ്ഥാനിൽ 12 ഉം ബംഗാളിലും മധ്യപ്രദേശിലും ഏഴ് സീറ്റ് വീതവും ബീഹാറിൽ അഞ്ചും ജാർഖണ്ഡിൽ നാലും കശ്മീരിൽ രണ്ടും സീറ്റുകളിലാണ് അഞ്ചാംഘട്ടത്തിൽ വോട്ടെടുപ്പ് നടക്കുന്നത്.
