ചെന്നൈ: രാജ്യം കൊവിഡ് വ്യാപനത്തെ നേരിടുമ്പോൾ തമിഴ്‌നാട്ടില്‍ ഇന്ന് മാത്രം സ്ഥിരീകരിച്ചത് 57 പോസിറ്റീവ് കേസുകൾ. രാവിലെ ഏഴും വൈകിട്ടോടെ 50 കേസുകളുമാണ് റിപ്പോർട്ട് ചെയ്‌തത്. ഇതിൽ 45 പേർ ഡൽഹിയിൽ നടന്ന നിസാമുദ്ദീൻ സമ്മേളനത്തിൽ പങ്കെടുത്തവരും ശേഷിക്കുന്ന അഞ്ച് പേർ ഇവരുമായി സമ്പർക്കം പുലർത്തിയവരുമാണ്. ഇതോടെ സംസ്ഥാനത്ത് ആകെ ചികിത്സയിലുള്ളവരുടെ എണ്ണം 124 ആയി.
തമിഴ്‌നാട്ടിൽ നിന്നും 1,131 പേരാണ് നിസാമുദ്ദീൻ സമ്മേളനത്തിൽ പങ്കെടുത്തത്. ഇതിൽ 515 പേരെ തിരിച്ചറിഞ്ഞിട്ടുണ്ട്. ഇവർ നിരീക്ഷണത്തിലാണ്. ശേഷിക്കുന്നവരെ കണ്ടെത്താൻ പ്രയാസമേറെയാണെന്ന് ആരോഗ്യ വകുപ്പ് അറിയിച്ചു.
