ഗുവഹത്തി: സുബാൻസിരിയിൽ നിയന്ത്രണ രേഖയ്ക്ക് സമീപത്ത് നിന്ന് കാണാതായ അഞ്ചു പേരെ കണ്ടെത്തിയെന്ന് ഇന്ത്യൻ സേന. സേനയുടെ തുടർച്ചയായ ശ്രമത്തിലൂടെയാണ് ഇവരെ കണ്ടെത്തിയതെന്നും സെപ്‌റ്റംബർ അഞ്ചിനാണ് വേട്ടക്കാരായ അഞ്ചു പേർ അശ്രദ്ധമായി മറുവശത്തേക്ക് കടന്നതെന്നും തേജ്‌പൂരിലെ പിആർഒ ഡിഫൻസ് ലഫ്റ്റനന്‍റ് കേണൽ ഹർഷ് വർധൻ പാണ്ഡെ പറഞ്ഞു.
കാണാതായ ഇന്ത്യക്കാരെ കണ്ടെത്തിയിട്ടുണ്ടെന്ന് സെപ്‌റ്റംബർ എട്ടിന് ചൈനീസ് സൈന്യം സ്ഥിരീകരിച്ചിരുന്നു. ഇവരെ തിരികെയെത്തിക്കാനുള്ള നടപടികൾ ചൈനീസ് സൈന്യവുമായി ഏകോപിപ്പിക്കുകയാണെന്നും ഇവരുടെ സുരക്ഷിതമായ തിരിച്ചുവരവ് പ്രതിരോധ മന്ത്രി രാജ്‌നാഥ് സിങ് ഉറപ്പുവരുത്തണമെന്നും അദ്ദേഹം അഭ്യർഥിച്ചു.
