മിസോറാമില്‍ വീണ്ടും ഭൂചലനം

റിക്‌ടർ സ്കെയിലിൽ 4.5 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്ന് നാഷണൽ സെന്‍റർ ഫോർ സീസ്മോളജി അറിയിച്ചു.

ഐസ്വാൾ: മിസോറാമിലെ ചമ്പായിൽ ഭൂചലനം അനുഭവപ്പെട്ടു. റിക്‌ടർ സ്കെയിലിൽ 4.5 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്ന് നാഷണൽ സെന്‍റർ ഫോർ സീസ്മോളജി അറിയിച്ചു. വ്യാഴാഴ്ച പുലർച്ചെ 1:14 നാണ് ഭൂചലനം ഉണ്ടായത്. ചൊവ്വാഴ്ച റിക്ടർ സ്കെയിലിൽ 4.1 തീവ്രത രേഖപ്പെടുത്തിയ ഭൂചലനം ചമ്പായിയുടെ 31 കിലോമീറ്റർ തെക്ക്-പടിഞ്ഞാറ് മേഖലയിൽ അനുഭവപ്പെട്ടിരുന്നു. മിസോറാമിൽ തുടർച്ചയായുണ്ടാകുന്ന ഭൂചലനങ്ങൾ സംസ്ഥാനത്തെ നടുക്കിയതായി മിസോറം മുഖ്യമന്ത്രി സോറാംതംഗ പറഞ്ഞു.