ന്യൂഡൽഹി: 52 കേന്ദ്ര സായുധ പൊലീസ് സേന (സി‌എ‌പി‌എഫ്) സൈനികരിൽ ഇരുപത്തിയഞ്ച് പേർ ജൂലൈയിൽ കൊവിഡ് ബാധിച്ച് മരിച്ചു. പാരാ മിലിട്ടറി ഉദ്യോഗസ്ഥരിൽ 13,000 പേർക്കാണ് ഇതുവരെ കൊവിഡ് സ്ഥിരീകരിച്ചത്.
ഓഗസ്റ്റ് ഒന്ന് വരെ 52 സി‌എ‌പി‌എഫ് സൈനികർ കൊവിഡ് ബാധിച്ച് മരിച്ചതായി റിപ്പോർട്ട്. 6,889 പേരാണ് ഇതുവരെ കൊവിഡ് മുക്തരായത്. ഓഗസ്റ്റ് ഒന്ന് വരെ റിപ്പോർട്ട് ചെയ്ത 12,973 കേസുകളിൽ 6,032 സജീവ കൊവിഡ് കേസുകളാണ് ഉള്ളത്.
ഏപ്രിൽ മുതൽ ജൂൺ വരെ കൊവിഡ് ബാധിച്ച് ഒമ്പത് സെൻട്രൽ റിസർവ് പൊലീസ് ഫോഴ്‌സ് (സിആർപിഎഫ്) ഉദ്യോഗസ്ഥരാണ് മരിച്ചത്. ജൂലൈയിൽ ഒമ്പത് സൈനികർ കൊവിഡ് ബാധിച്ച് മരിച്ചു. സിആർപിഎഫ് സൈനികരിൽ 2,173 സജീവ കേസുകളും 1,974 രോഗമുക്തിയും ഉൾപ്പെടെ 4,165 കൊവിഡ് കേസുകളാണ് റിപ്പോർട്ട് ചെയ്തത്.
ബി‌എസ്‌എഫിൽ (ബോർഡർ സെക്യൂരിറ്റി ഫോഴ്‌സ്) റിപ്പോർട്ട് ചെയ്ത 4,030 കൊവിഡ് കേസുകളിൽ 2,204 പേർ രോഗ മുക്തരായി. 1,812 സജീവ കൊവിഡ് കേസുകളാണ് ബി‌എസ്‌എഫിൽ നിലവിലുള്ളത്. ഇതുവരെ 14 ബി‌എസ്‌എഫ് ജവാൻമാരാണ് കൊവിഡ് ബാധിച്ച് മരിച്ചത്. 14 പേരിൽ ഒമ്പത് പേർ ജൂലൈ മാസത്തിലാണ് മരിച്ചത്.
കേന്ദ്ര വ്യാവസായിക സുരക്ഷാ സേന (സിഐഎസ്എഫ്) ജവാൻമാരിൽ അഞ്ച് പേർ ജൂലൈയിൽ കൊവിഡ് മൂലം മരിച്ചു. ആകെ 1,997 കേസുകളാണ് സിഐഎസ്എഫിൽ റിപ്പോർട്ട് ചെയ്തത്, ഇതിൽ 1,367 പേർ രോഗമുക്തരായി.
ഇന്തോ-ടിബറ്റൻ ബോർഡർ പൊലീസിന്‍റെ (ഐടിബിപി) സ്ഥിതിഗതികൾ താരതമ്യേന മെച്ചപ്പെട്ടതാണ്. ജൂലൈയിൽ ഐടിബിപി കൊവിഡ് മരണങ്ങളൊന്നും റിപ്പോർട്ട് ചെയ്തിട്ടില്ല. ഇതുവരെ മൂന്ന് ജവാൻമാരാണ് കൊവിഡ് ബാധിച്ച് മരിച്ചത്. 909 സജീവ കേസുകൾ ഉൾപ്പെടെ 1,499 കേസുകളാണ് ഓഗസ്റ്റ് ഒന്ന് വരെ ഐടിബിപിയിൽ റിപ്പോർട്ട് ചെയ്തത്.
ജൂലൈയിൽ ഉണ്ടായ രണ്ട് മരണങ്ങൾ ഉൾപ്പെടെ നാല് ശാസ്ത്ര സീമ ബാൽ (എസ്എസ്ബി) ജവാൻമാരാണ് കൊവിഡ് ബാധിച്ച് മരിച്ചത്. എസ്എസ്ബിയിൽ ആകെ 762 കൊവിഡ് കേസുകളാണ് ഉള്ളത്. ആകെ കേസുകളിൽ 419 എണ്ണമാണ് സജീവ കൊവിഡ് കേസുകൾ.
നാഷണൽ സെക്യൂരിറ്റി ഗാർഡിലും (എൻ‌എസ്‌ജി) ദേശീയ ദുരന്ത പ്രതികരണ സേനയിലും (എൻ‌ഡി‌ആർ‌എഫ്) കൊവിഡ് മരണങ്ങൾ ഒന്നും റിപ്പോർട്ട് ചെയ്തിട്ടില്ല. എൻ‌എസ്‌ജിയിൽ 93 കൊവിഡ് കേസുകളും എൻ‌ഡി‌ആർ‌എഫിൽ 427 കെവിഡ് കേസുകളുമാണ് റിപ്പോർട്ട് ചെയ്തത്.
