ന്യൂഡൽഹി: വിവേക് വിഹാർ പൊലീസ് സ്റ്റേഷന് എതിർവശത്തുള്ള തുറന്ന മൈതാനത്ത് പുലർച്ചെയുണ്ടായ തീ പിടിത്തത്തിൽ പതിനാല് കാറുകൾക്ക് തീപിടിച്ചു. പുലർച്ചെ 2.25 ന് അഗ്നിശമന സേനക്ക് തീപിടിത്തത്തെക്കുറിച്ചുള്ള വിവരം ലഭിച്ചതായും ഉടൻ തന്നെ അഗ്നിശമന സേനയുടെ മൂന്ന് വാഹനങ്ങൾ സ്ഥലത്തെത്തി രക്ഷാപ്രവർത്തനം നടത്തിയതായും ഉദ്യോഗസ്ഥർ അറിയിച്ചു.
പഴയകാറുകൾ വാങ്ങി വിൽപ്പന നടത്തുന്ന സ്ഥലത്താണ് തീ പിടിത്തം ഉണ്ടായത്. പുലച്ചെ മൂന്ന് മണിയോടെ തീ നിയന്ത്രണ വിധേയമാക്കി. സംഭവത്തിൽ ആളപായമില്ലെന്നും തീ പിടിത്തത്തിന്‍റെ കാരണം വ്യക്തമായിട്ടില്ലെന്നും ഉദ്യോഗസ്ഥർ പറഞ്ഞു.
