ന്യൂഡൽഹി: ഇന്ത്യൻ ക്രിക്കറ്റ് താരം വിരാട് കോലിയോടൊപ്പമുള്ള മനോഹരമായ ചിത്രം ഭാര്യ അനുഷ്‌ക ശർമ്മ കഴിഞ്ഞ ദിവസം തന്‍റെ ഇൻസ്റ്റഗ്രാം അക്കൗണ്ടിലൂടെ പുറത്തുവിട്ടിരുന്നു. നിമിഷങ്ങൾക്കുള്ളിൽ ആരാധകർ ഏറ്റെടുത്ത ചിത്രത്തിന് 24 ലക്ഷത്തിലധികം ലൈക്കുകളാണ് ഇതിനകം ലഭിച്ചത്. കൂടാതെ ബോളിവുഡ് താരങ്ങളായ രണ്‍വീർ സിങ്, സരീൻ ഖാൻ, കരണ്‍ വാഹി എന്നിവരും നിർമാതാവ് സോയ അക്തറും പോസ്റ്റിന് കമന്‍റുകളുമായെത്തി.
'ഇതുപോലുള്ള മനോഹരമായ സ്ഥലങ്ങളിൽ അല്ലെങ്കിൽ ഹോട്ടലിലെ ബയോ ബബിളിൽ പോലും ഈ വ്യക്തിയുമായി സഹകരിക്കുമ്പോൾ ലോകം കൂടുതൽ തിളക്കമുള്ളതും ആവേശകരവും രസകരവും വളരെ മികച്ചതുമാണെന്ന് തോന്നുന്നു. നിങ്ങളെ മിസ് ചെയ്യുന്നു', അനുഷ്‌ക ഫോട്ടോയ്‌ക്ക് താഴെ കുറിച്ചു.
- " class="align-text-top noRightClick twitterSection" data="
">
അനുഷ്‌ക ശർമ്മ ഇപ്പോൾ ലണ്ടനിൽ തന്‍റെ ഏറ്റവും പുതിയ ചിത്രമായ ചക്‌ദ എക്‌സ്‌പ്രസിന്‍റെ ചിത്രീകരണത്തിരക്കിലാണ്. ഇന്ത്യൻ ക്രിക്കറ്റ് താരം ജുലൻ ഗോസ്വാമിയുടെ ജീവിതത്തെ ആസ്‌പദമാക്കിയുള്ള ഒരു സ്‌പോർട്‌സ് ബയോപിക് ചിത്രമാണിത്. നെറ്റ്‌ഫ്‌ളിക്‌സിലൂടെ പുറത്തെത്തുന്ന ചിത്രത്തിന്‍റെ റിലീസ് തീയതി പ്രഖ്യാപിച്ചിട്ടില്ല.
അതേസമയം ഓസ്‌ട്രേലിയക്കെതിരായ ടി20 പരമ്പരക്കായുള്ള പരിശീലനത്തിനായി മൊഹാലിയിലാണ് വിരാട് കോലി. സെപ്‌റ്റംബർ 20നാണ് മൂന്ന് ടി20 മത്സരങ്ങൾ ഉൾപ്പെട്ട പരമ്പര ആരംഭിക്കുക. രണ്ടാം മത്സരം സെപ്‌റ്റംബർ 23ന് നാഗ്‌പൂരിലും, അവസാന മത്സരം 25ന് ഹൈദരാബാദിലും നടക്കും.
