അമിത് ഷായുടെ ബംഗാൾ സന്ദർശനം; ഇന്ന് ബോൾപൂരിൽ റോഡ്ഷോ നടത്തും

ഞായറാഴ്ച രാവിലെ 11 മണിക്ക് ശാന്തിനികേതനിലെ വിശ്വഭാരതി സർവകലാശാല സന്ദർശിച്ച് ഗുരുദേവ് ​​രബീന്ദ്രനാഥ് ടാഗോറിന് രബീന്ദ്രഭവനിൽ ആദരാഞ്ജലി അർപ്പിക്കും.

കൊൽക്കത്ത: രണ്ട് ദിവസത്തെ പശ്ചിമ ബംഗാൾ സന്ദർശനത്തിനായെത്തിയ കേന്ദ്ര ആഭ്യന്തരമന്ത്രി അമിത് ഷാ ശാന്തിനികേതനിലെ വിശ്വഭാരതി സർവകലാശാല സന്ദർശിച്ച ശേഷം ബോൾപൂരിൽ റോഡ്ഷോ നടത്തും. ഞായറാഴ്ച രാവിലെ 11 മണിക്ക് ശാന്തിനികേതനിലെ വിശ്വഭാരതി സർവകലാശാല സന്ദർശിച്ച് ഗുരുദേവ് ​​രബീന്ദ്രനാഥ് ടാഗോറിന് രബീന്ദ്രഭവനിൽ ആദരാഞ്ജലി അർപ്പിക്കും. ശേഷം യൂണിവേഴ്‌സിറ്റി ക്യാമ്പസിലെ സംഗീത ഭവൻ സന്ദർശിക്കും. ഉച്ചയ്ക്ക് വിശ്വഭാരതി സർവകലാശാലയിലെ ബംഗ്ലാദേശ് ബിൽഡിംഗ് ഓഡിറ്റോറിയത്തിൽ അദ്ദേഹം പ്രസംഗിക്കും. തുടർന്ന് ഉച്ചയ്ക്ക് 12.50ന് പരുൽദംഗയിലെ ശ്യാംബതിയിൽ നാടോടി ഗായകന്‍റെ കുടുംബത്തോടൊപ്പം ഉച്ചഭക്ഷണം കഴിക്കും. ഉച്ചകഴിഞ്ഞ് 2 മണിക്ക് സ്റ്റേഡിയം റോഡിലെ ഹനുമാൻ ക്ഷേത്രത്തിൽ നിന്ന് ബോൾപൂരിലേക്ക് റോഡ്‌ഷോ നടത്തും. വൈകുന്നേരം 4.45 ന് ബിർഭുമിലെ ഷാ മോഹർ കോട്ടേജ് റിസോർട്ടിൽ പത്രസമ്മേളനത്തിൽ സംസാരിക്കും.