മുംബൈ: മഹാരാഷ്‌ട്രയിലെ കൊവിഡ് സ്ഥിതി വിലയിരുത്തിയതിന് ശേഷം ലോക്ക് ഡൗൺ ആവശ്യമാണോയെന്ന് പരിശോധിക്കുമെന്ന് ഉപമുഖ്യമന്ത്രി അജിത് പവാർ. അടുത്ത പത്ത് ദിവസത്തെ സ്ഥിതിഗതികൾ അവലോകനം ചെയ്യുമെന്നും അജിത് പവാർ അറിയിച്ചു .
ദീപാവലി, ഗണേശ ചതുർഥി എന്നീ ദിവസങ്ങളിൽ സംസ്ഥാനത്ത് ധാരാളം പേർ ഒത്തുകൂടിയിരുന്നു. കൊവിഡ് കേസുകൾ കുറഞ്ഞതോടെ ആളുകൾ പ്രോട്ടോക്കോളുകൾ അവഗണിച്ച് തുടങ്ങി.
കൊവിഡിന്‍റെ രണ്ടാം തരംഗത്തെക്കുറിച്ച് വലിയ മുന്നറിയിപ്പുണ്ട്. സംസ്ഥാനത്തെ സ്‌കൂളുകൾ ശുചീകരിക്കുന്നതിനും തുറക്കുന്നതിനും ധാരാളം നിയന്ത്രണങ്ങൾ ഏർപ്പെടുത്തിയിട്ടുണ്ടെന്നും അദ്ദേഹം പറഞ്ഞു.
