ಬೆಂಗಳೂರು: ವಾರದಿಂದ ಮೋಡ ಕವಿದ ವಾತಾವರಣವಿದ್ದ ಬೆಂಗಳೂರಲ್ಲಿ ಸೋಮವಾರ ಭಾರೀ ಮಳೆಯಾಯಿತು. ಮಳೆ ರಾಜ್ಯಾದ್ಯಂತ ಇನ್ನೂ ಐದು ದಿನ ಮುಂದುವರಿಯಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.
ಕರಾವಳಿ ಸೇರಿ ಹಲವು ಜಿಲ್ಲೆಗಳಲ್ಲಿ ಅಬ್ಬರದ ಮಳೆಯಾಗಿದ್ದರೂ ಕೂಡಾ ನಗರದಲ್ಲಿ ಕಳೆದ ವಾರ ಧಾರಾಕಾರ ಮಳೆಯಾಗಿರಲಿಲ್ಲ. ತುಂತುರು ಮಳೆ ಸಿಂಪಡಿಸಿದಂತಿತ್ತು. ಆದರೆ ಸೋಮವಾರ ಸಂಜೆ ನಗರದ ಹಲವೆಡೆಗಳಲ್ಲಿ ವರುಣ ಆರ್ಭಟಿಸಿದ್ದಾನೆ.
ನಗರದ ಕಾರ್ಪೊರೇಷನ್, ಶಾಂತಿನಗರ, ವಿಲ್ಸನ್ ಗಾರ್ಡನ್, ಲಾಲ್ ಬಾಗ್, ಆರ್‌ಆರ್ ನಗರ, ಬಸವನಗುಡಿ, ಕಬ್ಬನ್‌ಪಾರ್ಕ್, ವಿ.ವಿ.ಪುರ, ಬನಶಂಕರಿ ಸೇರಿದಂತೆ ಹಲವೆಡೆ ಜೋರು ಮಳೆಯಾಗಿದೆ. ರಸ್ತೆಯಲ್ಲಿ ನೀರು ನಿಂತಿದ್ದರಿಂದ ವಾಹನ ಸವಾರರು ಪರದಾಡಿದರು.
