ನೆಲಮಂಗಲ: ಟ್ರ್ಯಾಕ್ಟರ್ ಮೇಲೆ ಕುಳಿತಿದ್ದ ನಾಲ್ಕು ವರ್ಷದ ಬಾಲಕ ಆಯತಪ್ಪಿ ರೋಟರಿ ಟಿಲ್ಲರ್ಗೆ ಬಿದ್ದು ಸಾವನ್ನಪ್ಪಿರುವ ಘಟನೆ ನೆಲಮಂಗಲ ತಾಲೂಕಿನ ಸೊಳ್ಳೆಗುಟ್ಟೆ ಗ್ರಾಮದಲ್ಲಿ ನಡೆದಿದೆ.
ತಾಲೂಕಿನ ಬಾವಿಕೆರೆ ಗ್ರಾಮದ ರೈತ ಭರತ್ ಮತ್ತು ಚೈತ್ರಾ ದಂಪತಿಯ ನಾಲ್ಕು ವರ್ಷದ ಮಗ ನಂದನ್ ಸಾವನ್ನಪ್ಪಿದ್ದಾನೆ. ರೈತ ಭರತ್ ತಮ್ಮ ಜಮೀನಿನಲ್ಲಿ ಉಳುಮೆ ಮಾಡಲು ಟ್ರ್ಯಾಕ್ಟರ್ ಕರೆಸಿದ್ದರು. ಉಳುಮೆ ಮಾಡುವಾಗ ಟ್ರ್ಯಾಕ್ಟರ್ ಮೇಲೆ ತಮ್ಮ ಮಗನನ್ನ ಕುರಿಸಿದ್ದರು. ಈ ವೇಳೆ ಬಾಲಕ ಆಯತಪ್ಪಿ ಟ್ರ್ಯಾಕ್ಟರ್ನಿಂದ ರೋಟರಿ ಟಿಲ್ಲರ್ ಮೇಲೆ ಬಿದ್ದಿದ್ದರಿಂದ ಘಟನೆ ನಡೆದಿದೆ.
ಸ್ಥಳಕ್ಕೆ ಎಎಸ್ಪಿ ನಾಗರಾಜ್ ಸೇರಿದಂತೆ ಪೊಲೀಸ್ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಟ್ರ್ಯಾಕ್ಟರ್ ವಶಕ್ಕೆ ಪಡೆದು, ಚಾಲಕನಿಂದ ಮಾಹಿತಿ ಕಲೆ ಹಾಕಲಾಗಿದೆ. ದಾಬಸ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
