ಕಾಲಿವುಡ್ ಸ್ಟಾರ್ ಹೀರೋ, ಮ್ಯೂಸಿಕ್ ಡೈರೆಕ್ಟರ್ ಹಿಪ್ ಹಾಪ್ ಆದಿ ಹಾಗೂ ಅನಿಖಾ ಸುರೇಂದ್ರನ್ ಅಭಿನಯದ ಲೇಟೆಸ್ಟ್ ಸ್ಪೋರ್ಟ್ಸ್ ಡ್ರಾಮಾ 'ಪಿ.ಟಿ ಸರ್'. ಭಾವನಾತ್ಮಕ, ಮನರಂಜನಾ ಅಂಶಗಳ ಕಥಾಹಂದರವುಳ್ಳ ಈ ಚಿತ್ರ ಮೇ 24 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ಭಾರಿ ನಿರೀಕ್ಷೆಗಳ ನಡುವೆ ತೆರೆಗಪ್ಪಳಿಸಿದ ಈ ಸಿನಿಮಾ ಮಿಶ್ರ ಪ್ರತಿಕ್ರಿಯೆ ಸ್ವೀಕರಿಸಿದೆ. ಇದೀಗ ಈ ಸಿನಿಮಾ ಒಟಿಟಿಗೆ ಸೈಲೆಂಟಾಗಿ ಎಂಟ್ರಿ ಕೊಟ್ಟಿದ್ದು, ಹೆಚ್ಚಿನವರ ಗಮನ ಸೆಳೆದಿದೆ. ಅಮೆಜಾನ್ ಪ್ರೈಮ್ನಲ್ಲಿ 'ಪಿ.ಟಿ ಸರ್' ಸಿನಿಮಾ ತಮಿಳಿನಲ್ಲಿ ಸ್ಟ್ರೀಮ್ ಆಗುತ್ತಿದೆ.
ಚಿತ್ರಮಂದಿರಗಳಲ್ಲಿ ಮಿಶ್ರ ಪ್ರತಿಕ್ರಿಯೆ ಪಡೆದರೂ, ಐ.ಎಂ.ಡಿ.ಬಿ ಚಿತ್ರಕ್ಕೆ 10ರಲ್ಲಿ 7.6 ರೇಟಿಂಗ್ ನೀಡಿದೆ. ಹಾಗಾಗಿ ಸಿನಿಪ್ರಿಯರು ಈ ಚಿತ್ರದ ಬಗ್ಗೆ ಆಸಕ್ತಿ ತೋರಿದ್ದಾರೆ. ಒಟಿಟಿಯಲ್ಲಿನ ಕ್ರೇಜ್ ಆಧರಿಸಿ, ತೆಲುಗಿನ ಜೊತೆ ಇತರೆ ಭಾಷೆಗಳಲ್ಲೂ ತೆರೆ ಕಾಣುವ ಸಾಧ್ಯತೆ ಇದೆ.
ಇದನ್ನೂ ಓದಿ: ಮುಂಗಾರಿನ ಜಿಟಿ ಜಿಟಿ ಮಳೆಗೆ ಟೀ, ಬಜ್ಜಿ; ಜೊತೆಗಿಂದಿಷ್ಟು ಸಿನಿಮಾ! - Rainy Season Feel Good Movies
