ಭಜರಂಗಿ, ಅಂಜನಿಪುತ್ರ, ಭೀಮ, ವೇದ ಸಿನಿಮಾಗಳ ಖ್ಯಾತಿಯ ನಿರ್ದೇಶಕ ಎ.ಹರ್ಷ ಅವರು ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಬೇಡಿಕೆ ಹೊಂದಿದ್ದಾರೆ. ಕನ್ನಡದಲ್ಲಿ ಸುಮಾರು 10 ಸಿನಿಮಾಗಳನ್ನು ನಿರ್ದೇಶಿಸಿರುವ ಇವರು ಸದ್ಯ ಬಾಲಿವುಡ್ ಪ್ರವೇಶಿಸಿದ್ದಾರೆ. ನಟ ಶಿವರಾಜ್ಕುಮಾರ್ ಅವರ ಹೆಚ್ಚು ಸಿನಿಮಾಗಳಿಗೆ ಆ್ಯಕ್ಷನ್ ಕಟ್ ಹೇಳಿರುವ ಹರ್ಷ ಅವರೀಗ ಬಾಲಿವುಡ್ ಸೂಪರ್ ಸ್ಟಾರ್ ಟೈಗರ್ ಶ್ರಾಫ್ ಅವರ ಸಿನಿಮಾವನ್ನು ನಿರ್ದೇಶಿಸುತ್ತಿದ್ದಾರೆ. ಈ ಮೂಲಕ ತಮ್ಮ ಮಾರುಕಟ್ಟೆಯನ್ನು ವಿಸ್ತರಿಸಿಕೊಂಡಿದ್ದಾರೆ.
ಬಾಲಿವುಡ್ನ ಬಹುಬೇಡಿಕೆ ನಟ ಟೈಗರ್ ಶ್ರಾಫ್ ಅವರು ತಮ್ಮ ಸೂಪರ್ ಹಿಟ್ 'ಬಾಘಿ' ಫ್ರ್ಯಾಂಚೈಸ್‌ನ ನಾಲ್ಕನೇ ಭಾಗವನ್ನಿಂದು ಅಧಿಕೃತವಾಗಿ ಘೋಷಿಸಿದ್ದಾರೆ. ಸಿನಿಮಾ ಬಿಡುಗಡೆ ದಿನಾಂಕವನ್ನೂ ಅನೌನ್ಸ್ ಮಾಡಲಾಗಿದೆ. ಕನ್ನಡದ ಜನಪ್ರಿಯ ನಿರ್ದೇಶಕ ಎ.ಹರ್ಷ ನಿರ್ದೇಶನದ ಬಾಘಿ 4 ಆ್ಯಕ್ಷನ್-ಥ್ರಿಲ್ಲರ್ನ ಹೊಸ ಸ್ವರೂಪವನ್ನು ಒದಗಿಸುವ ಭರವಸೆ ನೀಡಿದೆ. ಇಂದು ರಿಲೀಸ್ ಆಗಿರುವ ಪೋಸ್ಟರ್ ಕೂಡಾ ಸಿನಿಪ್ರಿಯರ ಗಮನ ಸೆಳೆಯುವಲ್ಲಿ ಯಶ ಕಂಡಿದೆ. ಚಿತ್ರತಂಡ ಸಂಪೂರ್ಣ ಬಾಲಿವುಡ್ನವರಾಗಿದ್ದು, ಕನ್ನಡದ ಜನಪ್ರಿಯ ನಿರ್ದೇಶಕ ಎ.ಹರ್ಷ ನಿರ್ದೇಶಿಸುತ್ತಿದ್ದಾರೆ.
ನಿರ್ದೇಶಕ ಎ.ಹರ್ಷ ಇಂದು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಚಿತ್ರದ ಮೊದಲ ನೋಟವನ್ನು ಹಂಚಿಕೊಂಡಿದ್ದಾರೆ. ಗಾಢ ಮತ್ತು ರಕ್ತಸಿಕ್ತ ನೋಟದಲ್ಲಿ ನಾಯಕ ನಟ ಟೈಗರ್ ಶ್ರಾಫ್ ಕಾಣಿಸಿಕೊಂಡಿದ್ದಾರೆ. ರಕ್ತಸಿಕ್ತ ಟಾಯ್ಲೆಟ್ ಸೀಟ್ ಮೇಲೆ ಕುಳಿತು, ಚಾಕು ಮತ್ತು ಮದ್ಯದ ಬಾಟಲಿಯನ್ನಿಡಿದಿದ್ದಾರೆ. ಸುತ್ತಲಿನ ಗೋಡೆ ಮತ್ತು ನೆಲ ಕೂಡಾ ರಕ್ತಸಿಕ್ತವಾಗಿದೆ. ನೆಲದ ಮೇಲೆ ಮೃತ ದೇಹಗಳನ್ನು ಕಾಣಬಹುದು. ಕ್ರೂರ ನೋಟದಲ್ಲಿ ಟೈಗರ್ ಕಾಣಿಸಿಕೊಂಡಿದ್ದು, ದಿಸ್ ಟೈಮ್ ಹಿ ಈಸ್ ನಾಟ್ ದಿ ಸೇಮ್ ಎಂದು ಸಹ ಬರೆಯಲಾಗಿದೆ. ಹಾಗಾಗಿಮ ಈ ಬಾರಿ ಅವರ ಪಾತ್ರ ಹೇಗಿರಬಹುದು ಎಂಬ ಕುತೂಹಲದಲ್ಲಿ ಪ್ರೇಕ್ಷಕರಿದ್ದಾರೆ.
ಇದನ್ನೂ ಓದಿ: 'ಮಂಜು ನಂಬಿಕೆಗೆ ಅರ್ಹರಲ್ಲ, ಗೌತಮಿ ಫೇಕ್': ವೈಲ್ಡ್ಕಾರ್ಡ್ ಸ್ಪರ್ಧಿಗಳಿಂದ ನೇರನುಡಿ; ಅನುಷಾ ಎಲಿಮಿನೇಟ್
ಬಾಲಿವುಡ್ನ ಖ್ಯಾತ ನಿರ್ಮಾಪಕ ಸಾಜಿದ್ ನಾಡಿಯಾಡ್ವಾಲಾ ನಿರ್ಮಾಣದ 'ಬಾಘಿ' ಪ್ರ್ಯಾಂಚೈಸ್ 2016ರ ತೆಲುಗು ಸಿನಿಮಾ 'ವರ್ಷಮ್‌'ನ ಭಾಗಶಃ ರೀಮೇಕ್ ಆಗಿ ಮತ್ತು 'ದಿ ರೈಡ್: ರಿಡೆಂಪ್ಶನ್‌'ನಿಂದ ಪ್ರೇರಿತವಾದ ಆ್ಯಕ್ಷನ್-ಪ್ಯಾಕ್ಡ್ ಕ್ಲೈಮ್ಯಾಕ್ಸ್‌ನೊಂದಿಗೆ ಪ್ರಾರಂಭವಾಯಿತು. ಸಬ್ಬೀರ್ ಖಾನ್ ನಿರ್ದೇಶನದ ಮೊದಲ ಭಾಗದಲ್ಲಿ ಟೈಗರ್ ಶ್ರಾಫ್ ಜೊತೆಗೆ ಶ್ರದ್ಧಾ ಕಪೂರ್ ಮತ್ತು ಸುಧೀರ್ ಬಾಬು ಕಾಣಿಸಿಕೊಂಡಿದ್ದರು. ಅಹ್ಮದ್ ಖಾನ್ ನಿರ್ದೇಶನದಲ್ಲಿ ಬಂದ ಮುಂದಿನ ಭಾಗಗಳಲ್ಲಿ ಟೈಗರ್ ಜೊತೆ ದಿಶಾ ಪಟಾನಿ (ಬಾಘಿ 2) ಮತ್ತು ರಿತೇಶ್ ದೇಶ್‌ಮುಖ್ (ಬಾಘಿ 3) ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: 'ಅಧಿಕಾರ ಬೇಡ, ಆದರೆ ರಾಜಕೀಯಕ್ಕೆ ಸಿದ್ಧತೆ ನಡೆಯುತ್ತಿದೆ': ಬೆದರಿಕೆಗಳು ಬಂದಿವೆ ಎಂದ ನಟ ಚೇತನ್ ಅಹಿಂಸಾ
2014ರಲ್ಲಿ ಹೀರೋಪಂತಿ ಸಿನಿಮಾ ಮೂಲಕ ಬಾಲಿವುಡ್ ಪ್ರವೇಶಿಸಿದ ಹೆಸರಾಂತ ನಟ ಜಾಕಿ ಶ್ರಾಫ್ ಪುತ್ರ ಟೈಗರ್ ಶ್ರಾಫ್ ಅವರು 'ಬಾಘಿ' ಪ್ರ್ಯಾಂಚೈಸ್, ವಾರ್, ಗಣ್ಪತ್ ಮತ್ತು ಬಡೇ ಮಿಯಾನ್ ಚೋಟೆ ಮಿಯಾನ್ ಚಿತ್ರಗಳ ಮೂಲಕ ಆ್ಯಕ್ಷನ್ ಸ್ಟಾರ್ ಬಾಲಿವುಡ್ನಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ. ಇದೀಗ ಕನ್ನಡ ನಿರ್ದೇಶಕ ಹರ್ಷ ಅವರ ನಿರ್ದೇಶನದಲ್ಲಿ 'ಬಾಘಿ'ಯ ನಾಲ್ಕನೇ ಭಾಗ ಮೂಡಿಬರುತ್ತಿದ್ದು, ಅದ್ಭುತ ಆ್ಯಕ್ಷನ್ ಸಿನಿಮೀಯ ಅನುಭವವನ್ನು ಸಿನಿಪ್ರಿಯರು ನಿರೀಕ್ಷಿಸಿದ್ದಾರೆ.
