WhatsApp New Feature: ವಾಟ್ಸಾಪ್ ಬಳಕೆದಾರರಿಗೆ ಸಿಹಿ ಸುದ್ದಿ. ಜನಪ್ರಿಯ ಇನ್ಸ್ಟಂಟ್ ಮೆಸೇಜಿಂಗ್ ಆ್ಯಪ್ ವಾಟ್ಸಾಪ್ ಮತ್ತೊಂದು ಹೊಸ ವೈಶಿಷ್ಟ್ಯವನ್ನು ತಂದಿದೆ. 'ಟೈಪಿಂಗ್ ಇಂಡಿಕೇಟರ್' ಎಂಬ ಈ ಫೀಚರ್ ಬಳಕೆದಾರರಿಗೆ ರಿಯಲ್ ಟೈಂ ಚಾಟ್ ಅನ್ನು ಹೆಚ್ಚು ಸುಲಭಗೊಳಿಸುತ್ತದೆ. ವಿಶೇಷವಾಗಿ ಈ ವೈಶಿಷ್ಟ್ಯದ ಸಹಾಯದಿಂದ ಗ್ರೂಪ್ ಚಾಟ್ನಲ್ಲಿ ಯಾವುದೇ ಗೊಂದಲ ಇರುವುದಿಲ್ಲ. ಕಂಪನಿಯು ಈ ಅಪ್ಡೇಟ್ ಬಗ್ಗೆ ಇತ್ತೀಚೆಗೆ ಮಾಹಿತಿ ನೀಡಿದೆ.
ಟೈಪಿಂಗ್ ಇಂಡಿಕೇಟರ್ ಎಂದರೇನು? ಮೆಟಾ-ಮಾಲೀಕತ್ವದ ವಾಟ್ಸಾಪ್ ಈ ಅಪ್ಡೇಟ್ ಬಗ್ಗೆ ಹೇಳಿಕೆಯನ್ನು ಬಿಡುಗಡೆ ಮಾಡಿದೆ. ಇದರ ಪ್ರಕಾರ.. ಇನ್ನು ಮುಂದೆ ವಾಟ್ಸಪ್ನಲ್ಲಿ ಮೆಸೇಜ್ ಟೈಪ್ ಮಾಡುವಾಗ ಟೈಪಿಂಗ್ ಇಂಡಿಕೇಟರ್ ವೈಶಿಷ್ಟ್ಯವು '...' ಎಂಬ ವಿಜುವಲ್ ಇಂಡಿಕೇಟರ್ ಜೊತೆಗೆ ಕಾಣಿಸಿಕೊಳ್ಳುತ್ತದೆ. ಅದು ಟೈಪಿಂಗ್ ಮಾಡುತ್ತಿರುವ ಬಳಕೆದಾರರ ಪ್ರೊಫೈಲ್ ಇಮೇಜ್‌ನೊಂದಿಗೆ ಚಾಟ್ ಸ್ಕ್ರೀನ್ನ ಕೆಳಗೆ ಕಾಣಿಸಿಕೊಳ್ಳುತ್ತದೆ ಎಂದು ಕಂಪನಿ ತಿಳಿಸಿದೆ.
ಈ ಫೀಚರ್ನಿಂದ ಏನು ಉಪಯೋಗ? ಈ ಫೀಚರ್ ಮೂಲಕ ಸಕ್ರಿಯವಾಗಿ ಚಾಟ್ ಮಾಡುವ ವ್ಯಕ್ತಿ ಯಾವಾಗ ಟೈಪ್ ಮಾಡುತ್ತಿದ್ದಾನೆ ಎಂಬುದನ್ನು ಬಳಕೆದಾರರು ಸುಲಭವಾಗಿ ತಿಳಿದುಕೊಳ್ಳಬಹುದು. ಅಂದರೆ ಈಗ ಯಾರಾದರೂ ಸಂದೇಶವನ್ನು ಟೈಪ್ ಮಾಡುತ್ತಿದ್ದರೆ.. ವಿಜುವಲ್ ಇಂಡಿಕೇಟರ್ ಜೊತೆಗೆ ಟೈಪಿಂಗ್ ಇಂಡಿಕೇಟರ್ ಕೂಡ ಚಾಟ್ ಪರದೆಯಲ್ಲಿ ಕಾಣಿಸಿಕೊಳ್ಳುತ್ತದೆ. ಇದರೊಂದಿಗೆ, ಬಳಕೆದಾರರು ಯಾರು ಸಂದೇಶವನ್ನು ಟೈಪ್ ಮಾಡುತ್ತಿದ್ದಾರೆ ಎಂಬುದನ್ನು ಸುಲಭವಾಗಿ ತಿಳಿದುಕೊಳ್ಳಬಹುದು. ಹೀಗಾಗಿ ಇತರರು ಸಹ ಸುಲಭವಾಗಿ ಚಾಟ್ ಮಾಡಬಹುದಾಗಿದೆ.
ಈ ವೈಶಿಷ್ಟ್ಯವು ಬಳಕೆದಾರರ ಪ್ರೊಫೈಲ್ ಇಮೇಜ್ ಅನ್ನು ಸಹ ತೋರಿಸುತ್ತದೆ. ಇದು ಗ್ರೂಪ್ ಚಾಟ್ ಬಳಕೆದಾರರಿಗೆ ವಿಶೇಷವಾಗಿ ಉಪಯುಕ್ತವಾಗಿದೆ. ಇದರೊಂದಿಗೆ ಗ್ರೂಪ್ ಚಾಟ್ನಲ್ಲಿ ಒಂದೇ ಬಾರಿಗೆ ಎಷ್ಟು ಮಂದಿ ಚಾಟ್ ಮಾಡಿದರೂ ಗೊಂದಲ ಇರುವುದಿಲ್ಲ. ಮೊದಲು ಸಕ್ರಿಯ ಚಾಟ್ನಲ್ಲಿ ಯಾರು ಟೈಪ್ ಮಾಡುತ್ತಿದ್ದಾರೆ ಎಂದು ತಿಳಿಯಲು ಮೇಲಿನ ಬ್ಯಾನರ್‌ನಲ್ಲಿ 'ಟೈಪಿಂಗ್' ಮಾತ್ರ ಗೋಚರಿಸುತ್ತಿತ್ತು.
ಯಾರಿಗೆ ಲಭ್ಯ? ಈ ವೈಶಿಷ್ಟ್ಯದ ಮೊದಲ ಅಪ್ಡೇಟ್ ಅನ್ನು ಅಕ್ಟೋಬರ್ ತಿಂಗಳಲ್ಲಿ ಮಾಡಲಾಗಿತ್ತು. ಆ ಸಮಯದಲ್ಲಿ ಇದು ಆಯ್ದ ಬೀಟಾ ಪರೀಕ್ಷಕರಿಗೆ ಮಾತ್ರ ಲಭ್ಯವಿತ್ತು. ಆದರೂ ಈ 'ಟೈಪಿಂಗ್ ಇಂಡಿಕೇಟರ್' ವೈಶಿಷ್ಟ್ಯವು ಈಗ ಎಲ್ಲಾ iOS ಮತ್ತು Android ಬಳಕೆದಾರರಿಗೆ ವಾಟ್ಸಾಪ್ನಲ್ಲಿ ಲಭ್ಯವಿದೆ ಎಂದು ಕಂಪನಿಯು ಘೋಷಿಸಿದೆ.
ಓದಿ: ಡಿಸ್ಪ್ಲೇ ಗ್ರೀನ್ ಲೈನ್ ಸಮಸ್ಯೆ: ಲೈಫ್ಟೈಂ ವಾರೆಂಟಿ ಘೋಷಿಸಿದ ಒನ್ಪ್ಲಸ್
