ಹೈದರಾಬಾದ್: ಕೃತಕ ಬುದ್ಧಿಮತ್ತೆ ಎಂಬುದು ಕಂಪ್ಯೂಟರ್ ವಿಜ್ಞಾನ ಕ್ಷೇತ್ರದಲ್ಲಿ ಉದಯೋನ್ಮುಖ ಕ್ಷೇತ್ರವಾಗಿದ್ದು, ಇದು ಕಂಪ್ಯೂಟರ್ ಸಾಫ್ಟ್ವೇರ್ ಮೂಲಕ ಮಾನವನ ಬುದ್ದಿವಂತಿಕೆಯನ್ನು ಅನುಕರಿಸುವ ತಂತ್ರವಾಗಿದೆ. ಎಐ ಮೂಲಕ ವೇಗವಾಗಿ ಡೇಟಾ ಪ್ರಕ್ರಿಯೆಗೊಳಿಸಬಹುದು. ಇದರಿಂದ ಮಾನವನ ಬುದ್ಧಿವಂತಿಕಗೆ ಅಗತ್ಯವಾಗಿರುವ ಕಾರ್ಯವನ್ನು ನಿರ್ವಹಿಸಬಹುದಾಗಿದೆ. ಇದು ಅನಿರೀಕ್ಷಿತ ಸಾಮರ್ಥ್ಯ ಮತ್ತು ಸವಾಲಿನ ಬಾಗಿಲನ್ನು ತೆರೆಯುತ್ತದೆ. ಇದು ಉತ್ಪಾದಕತೆ ವೃದ್ಧಿಸಿ, ಆರೋಗ್ಯ ಸೇವೆ ಸುಧಾರಣೆ ಮತ್ತು ಶಿಕ್ಷಣ ಲಭ್ಯತೆಯನ್ನು ಹೆಚ್ಚಿಸುತ್ತದೆ. ಇದರ ಜೊತೆಗೆ ಕಾಡುವ ಪ್ರಮುಖ ನೈತಿಕ ಪ್ರಶ್ನೆ ಎಂದರೆ ಖಾಸಗಿತನ, ಮಾನವ ಹಕ್ಕು ಮತ್ತು ಉದ್ಯೋಗ ನಷ್ಟದ ಸಮಸ್ಯೆಗಳು ಎದುರಾಗುವಿಕೆ.
DALLE ಮೂಲಕ ಪಠ್ಯದ ವಿವರಣೆ ಆಧಾರದ ಮೇಲೆ ಎಐ ಸಮುದ್ರ ತೀರದ ಚಿತ್ರವನ್ನು ರಚಿಸಲಾಗಿದೆ. ಇದರ ಸಂಪೂರ್ಣ ಚಿತ್ರ ಅಂತಿಮವಾಗುವವರೆಗೆ ನನ್ನ ಮಗ ರಾಹುಲ್ ಅದರೊಂದಿಗೆ ಸಂವಹನ ನಡೆಸುತ್ತೇಲೆ ಇದ್ದ, ಈ ಸಮುದ್ರತೀರ ನೋಡಿದಾಕ್ಷಣ ಎಲ್ಲೋ ನೋಡಿದ ಪರಿಚಯವಾಯಿತು. ಇದು ದಕ್ಷಿಣ ಕೇರಳದ ಕೊಲ್ಲಂನ ತಂಗಸ್ಸೆರಿ ಸಮುದ್ರ ತೀರ. ನನ್ನ ಆರಂಭದ ವಿಜ್ಞಾನ ವೃತ್ತಿಯಲ್ಲಿ ಕೇರಳದ ಕರಾವಳಿ ತೀರವನ್ನು ಸುತ್ತಿದ್ದೆ. ಈ ಮೂಲಕ ಅದರ ಲ್ಯಾಂಡ್ಮಾರ್ಕ್ಗಳು ನನಗೆ ಪರಿಚಯವಿತ್ತು.
ವೆಬ್ಸೈಟ್ DALLE ನೈಜ ಚಿತ್ರ ಮತ್ತು ಕಲೆಗಳನ್ನು ನೈಸರ್ಗಿಕ ಭಾಷೆಯ ವಿವರಣೆ ಮೂಲಕ ನೀಡುತ್ತದೆ. ಇದರ ಫಲಿತಾಂಶವೂ ನನ್ನಲ್ಲಿ ಅಚ್ಚರಿ ಮೂಡಿಸುವ ಜೊತೆಗೆ ನಮ್ಮ ಜೀವನದಲ್ಲಿ ಎಐ ಮೂಲಕ ಎಷ್ಟು ಅಭೂತಪೂರ್ವವಾಗಿ ವಿಕಸನಗೊಳ್ಳುತ್ತಿದೆ ಎಂಬುದನ್ನು ಚಿಂತಿಸುವಂತೆ ಮಾಡಿತು.
ಟಾಲ್‌ಸ್ಟಾಯ್ ಮತ್ತು ದೋಸ್ಟೋವ್ಸ್ಕಿಯಂತಹ ಕಲಾವಿದರ ಪ್ರತಿಭೆ ಮೇಲೆ ಈ ಎಐಗಳು ಅತಿಕ್ರಮಣ ಮಾಡುತ್ತಿವೆಯೇ ಎನ್ನಿಸುತ್ತದೆ. ಮಾನವ ಮತ್ತು ಎಐ ನಡುವಿನ ಪ್ರಮುಖ ವ್ಯತ್ಯಾಸವೆಂದರೆ ಎಐ ಕೇವಲ ಸಂಕುಚಿತ ಬುದ್ಧಿವಂತಿಕೆ ಹೊಂದಿದೆ. ಸಾಮಾನ್ಯ ಬುದ್ಧಿವಂತಿಕೆ ಹೊಂದಿರುವ ಮಾನವರು ಎಐ ಗಿಂತ ವೇಗವಾಗಿ ಹೊಸ ವಿಷಯಗಳನ್ನು ಅರ್ಥಮಾಡಿಕೊಳ್ಳಬಹುದು ಮತ್ತು ಕಲಿಯಬಹುದಾಗಿದೆ
ಎರಡನೇಯದಾಗಿ ಈ ಎಐಗಳು ಭಾವನಾತ್ಮಕ ಬುದ್ಧಿವಂತಿಕೆ, ಸಹಾನುಭೂತಿ ಮತ್ತು ಪರಸ್ಪರ ಪ್ರತಿಕ್ರಿಯಿಸುವ ಸಾಮರ್ಥ್ಯ ಕೊರತೆ ಹೊಂದಿದೆ. ಇವು ಕೃತಕ ಬುದ್ಧಿವಂತೆ ಸೃಷ್ಟಿಗೆ ಮತ್ತು ನೈಜತೆಗೆ ಅಗತ್ಯವಾಗಿದೆ. ಎಐ ಅಭಿವೃದ್ಧಿಪಡಿಸಿದ ಸಮುದ್ರತೀರದ ಚಿತ್ರವನ್ನು ಕ್ರಿಯಾತ್ಮಕ ಕೆಲಸ ಎಂದು ಹೇಳಲು ಸಾಧ್ಯವಿಲ್ಲ. ಇದನ್ನು ನಮ್ಮ ಅಣತಿಯ ಸಮರ್ಪಣೆ ಮೇರೆಗೆ ಅಭಿವೃದ್ಧಿ ಮಾಡಲಾಗಿದೆ.
ಆದಾಗ್ಯೂ ಎಐನ ಮಿಮಿಕ್ ಸಾಮರ್ಥ್ಯಗಳಿಂದ ಚಲನಚಿತ್ರ ಸ್ಕ್ರಿಪ್ಟ್ಗಳು ಮತ್ತು ನಟನೆಯಂತಹ ಸೃಜನಶೀಲ ಕ್ಷೇತ್ರಗಳಲ್ಲಿ ಸವಾಲುಗಳನ್ನು ಎದುರಿಸಬಹುದು. ಓಪನ್ ಎಐ ಚಾಟ್ಜಿಪಿಟಿಯನ್ನು ಬಿಡುಗಡೆ ಮಾಡಿದಾಗ ಇದು ಅನೇಕ ಬಗೆಯ ಸಂಪೂರ್ಣ ಪ್ರಬಂಧಗಳನ್ನು ಅಭಿವೃದ್ಧಿ ಮಾಡಿತು. ಅಲ್ಲದೇ ಎಐಗಳು ಯಾವುದೇ ಪರಿಹಾರ ನೀಡದೇ ನಟರು ಮತ್ತು ಬರಹಗಾರರು, ಹಾಲಿವುಡ್ ಸ್ಟುಡಿಯೋಗಳು ಮತ್ತು ಸ್ಟ್ರೀಮಿಂಗ್ ಸೇವೆಗಳ ನೀಡಿದ ಹಿನ್ನೆಲೆ ಟೀಕೆಗೆ ಒಳಪಡಿತ್ತು. ಈ ತಾಣಗಳು ನಟರ ಒಂದೇ ರೀತಿಯ ವಸ್ತುಗಳ ಅಸ್ತಿತ್ವದಲ್ಲಿರುವ ಅಂಶಗಳ ಆಧಾರದ ಮೇಲೆ ನಟರ ಹೋಲಿಕೆಗಳ ಡಿಜಿಟಲ್ ಪ್ರತಿಕೃತಿಗಳನ್ನು ರಚಿಸಿತು.
ಆದಾಗ್ಯೂ ಎಐಗಳು ಒರಿಜಿನಲ್ ಟಿವಿ ಶೋ ಅಥವಾ ಸಿನಿಮಾಗಳನ್ನು ನಿರ್ಮಾಣ ಮಾಡಲು ಸಾಧ್ಯವಿಲ್ಲ. ಎಐ ಸ್ಕ್ರಿಪ್ಟ್ಗಳು ನಟ ಪ್ರತಿಕೃತಿ ಅಥವಾ ಸರಳ ಭಾಷಾ ಸೂಚನೆ ಆಧಾರದ ಮೇಲೆ ಸ್ಕ್ರಿಪ್ಟ್ ರಚಿಸಬಹುದು. ಇದು ಭವಿಷ್ಯದಲ್ಲಿ ಹಾಲಿವುಡ್ ಕಾರ್ಮಿಕರ ಮೇಲೆ ಹೊಡೆತ ನೀಡಬಹುದು, ಅಲ್ಲದೇ ಅವರ ಜೀವನೋಪಯದ ಮೇಲೆ ಪರಿಣಾಮ ಬೀರಬಹುದು. ಜಗತ್ತಿನ್ನೆಲ್ಲೆಡೆ ಎಐ ಸಾಂಪ್ರದಾಯಿಕ ಉದ್ಯೋಗಿಗಳ ಮೇಲೆ ಬೆದರಿಕೆ ಹಾಕುವ ಸಾಧ್ಯತೆ ಇದೆ.
ಎಲ್ಲವನ್ನೂ ಮಾಡಬಹುದು ಆದರೆ, ಲಕ್ಷಾಂತರ ಉದ್ಯೋಗಗಳಿಗೆ ಕತ್ತರಿ ಹಾಕುತ್ತೆ: ಈ ಸಂಬಂಧ ಅಂತಾರಾಷ್ಟ್ರೀಯ ಹಣಕಾಸು ನಿಧಿಯ ಉಪ ವಿಭಾಗದ ಮುಖ್ಯಸ್ಥ ಜಿಯೋವಾನಿ ತಮ್ಮ ಬ್ಲಾಗ್ನಲ್ಲಿ ಈ ರೀತಿ ಬರೆಯುತ್ತಾರೆ. ಎಐ ಉತ್ಪಾದಕತೆಯನ್ನು ಹೆಚ್ಚಿಸಬಹುದು. ಆರ್ಥಿಕ ಬೆಳವಣಿಗೆಯನ್ನು ಹೆಚ್ಚಿಸಬಹುದು. ಕೆಲವು ಪ್ರದೇಶಗಳಲ್ಲಿ ಉತ್ಪಾದಕತೆಯನ್ನು ಹೆಚ್ಚಿಸಿ ಆಮೂಲಕ ಆದಾಯವನ್ನೂ ಹೆಚ್ಚಿಸಬಹುದು. ಆದಾಗ್ಯೂ, ಇದು ಲಕ್ಷಾಂತರ ಉದ್ಯೋಗಗಳನ್ನು ಪರಿಣಾಮ ಬೀರಿ, ಅಸಮಾನತೆಗೆ ಕಾರಣವಾಗಬಹುದು ಎನ್ನುತ್ತಾರೆ ಜಿಯೋವಾನಿ.
ಅವರ ಅಧ್ಯಯನದಲ್ಲಿ ಇದು ಶೇ 22 ರಿಂದ 18ರಷ್ಟು ಉದ್ಯೋಗ ಲಭ್ಯತೆ ಮೇಲೆ ಪರಿಣಾಮ ಬೀರಲಿದೆ. ಇದರ ಅಸಮಾನತೆ ವಿಶಾಲವಾಗಿದೆ. ಇದು ಹೊಸ ರೀತಿಯ ಉದ್ಯೋಗ ಮತ್ತು ಹೊಸ ಉದ್ಯಮ ಸೃಷ್ಟಿಗೆ ಕಾರಣವಾಗುತ್ತದೆ. ಪ್ರಮುಖ ಪ್ರಶ್ನೆ ಎಂದರೆ ಇದಕ್ಕೆ ರಾಷ್ಟ್ರಗಳು ಸಿದ್ಧವಾಗಿವೆಯಾ ಎಂಬುದು ಕೂಡಾ ಮುಖ್ಯ.
ಎಐ ಸಂಭವನೀಯ ಅಪಾಯ ಅರಿತು, ಸಾಮಾಜಿಕ ಸುರಕ್ಷತಾ ಜಾಲಗಳನ್ನು ಅಭಿವೃದ್ಧಿಪಡಿಸುವ ವಿಧಾನ ಪತ್ತೆ ಮಾಡುವುದು. ಈ ಸಂಬಂಧ ಕಾರ್ಮಿಕರನ್ನು ಸಜ್ಜುಗೊಳಿಸುವುದು ಅಗತ್ಯ. ಈ ಸಂಬಂಧ ಸಂದರ್ಶನದಲ್ಲಿ ಮಾತನಾಡಿರುವ ಇತಿಹಾಸಗಾರ ಯುವಲ್ ಹರಾರಿ, ಎಐ ಸಾಮೂಹಿಕ ವಿನಾಶದ ಸಾಮಾಜಿಕ ಅಸ್ತ್ರ ಎಂದಿದ್ದಾರೆ. ಇದು ಪ್ರಜಾಪ್ರಭುತ್ವ, ಮಾನವ ಅನ್ಯೋನ್ಯತೆ, ನಿರೂಪಣೆ ನಿಯಂತ್ರಣ ಮತ್ತು ಸಾಮಾಜಿಕ ಒಗ್ಗಟ್ಟಿನ ಮೇಲೆ ಪ್ರಭಾವ ಬೀರುವ ಭೀತಿ ಇದೆ.
ಎಐ ಕುರಿತ ಸವಾಲಿನ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಬ್ರೆಮ್ಮರ್, ಮನುಷ್ಯರು ತಮ್ಮ ಶಕ್ತಿಗಳನ್ನು ಯಂತ್ರಗಳಿಗೆ ನೀಡುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳು ಬಳಕೆದಾರರ ಸಂವಹನವನ್ನು ಗರಿಷ್ಠಗೊಳಿಸಲು, ಜನರನ್ನು ಸೆಳೆಯಲು ಎಐ ಬಾಟ್ಗಳನ್ನು ಬಳಸುತ್ತದೆ. ಇವು ನಂಬಿಕೆ ಮತ್ತು ಸಂವಹನವನ್ನು ನಾಶಮಾಡುತ್ತದೆ. ಈ ನಿಟ್ಟಿನಲ್ಲಿ ಸಾರ್ವಜನಿಕ ಸುರಕ್ಷತೆ ಪರಿಶೀಲನೆ ಮಾಡಬೇಕಿದೆ. ಈ ನಿಟ್ಟಿನಲ್ಲಿ ನಿಯಂತ್ರಿಸಲು ನಿಯಂತ್ರಕ ಸಂಸ್ಥೆ ಹೊಂದುವುದು ಅಗತ್ಯವಾಗಿದೆ ಎಂದು ಎಚ್ಚರಿಸಿದ್ದಾರೆ.
ಲೇಖಕರು: ಸಿಪಿ ರಾಜೇಂದ್ರನ್
ಇದನ್ನೂ ಓದಿ: ವಿಶ್ವಸಂಸ್ಥೆಯ ಎಐ ಸಲಹಾ ಮಂಡಳಿಯಲ್ಲಿ ಸ್ಥಾನ ಪಡೆದ ಮೂವರು ಭಾರತೀಯರು
