Redmi 14C 5G: Xiaomi ಉಪ-ಬ್ರ್ಯಾಂಡ್ ರೆಡ್ಮಿ ಭಾರತೀಯ ಮಾರುಕಟ್ಟೆಯಲ್ಲಿ ಹೊಸ 5G ಸ್ಮಾರ್ಟ್‌ಫೋನ್ ರಿಲೀಸ್ ಮಾಡಿದೆ. ಚೀನಾದ ಸ್ಮಾರ್ಟ್‌ಫೋನ್ ಕಂಪನಿ Xiaomi ಬಜೆಟ್ ಶ್ರೇಣಿಯಲ್ಲಿ ರೆಡ್ಮಿ 14ಸಿ 5ಜಿ ಸ್ಮಾರ್ಟ್‌ಫೋನ್ ಅನ್ನು ದೇಶಿಯ ಮಾರುಕಟ್ಟೆಗೆ ಪರಿಚಯಿಸಿದೆ. ಇದರ ಬೆಲೆ 10 ಸಾವಿರ ರೂಪಾಯಿ.
ರೆಡ್ಮಿ 13ಸಿ ಅಪ್ಡೇಟೇಡ್ ಆವೃತ್ತಿಯಾಗಿದೆ. ಇದರಲ್ಲಿ ಬಳಕೆದಾರರು ಹೊಸ ವಿನ್ಯಾಸ, ಬಿಗ್ ಸ್ಕ್ರೀನ್ ಮತ್ತು ಬ್ಯಾಟರಿ, ವೇಗದ ಪ್ರೊಸೆಸರ್ ಸೇರಿದಂತೆ ಹಲವು ವೈಶಿಷ್ಟ್ಯಗಳನ್ನು ಪಡೆಯಬಹುದು.
ಡಿಸ್ಪ್ಲೇ: Redmi 14C 5G ಸ್ಮಾರ್ಟ್‌ಫೋನ್ 6.88-ಇಂಚಿನ HD ಪ್ಲಸ್ ಪಂಚ್-ಹೋಲ್ ಡಿಸ್ಪ್ಲೇ ಹೊಂದಿದೆ. ರಿಫ್ರೆಶ್ ರೇಟ್ 120Hz. ಫೋನ್‌ನ ಹಿಂಭಾಗ ಗ್ಲಾಸ್ ಬ್ಯಾಕ್ ಡಿಸೈನ್ ಹೊಂದಿದೆ.
ಪ್ರೊಸೆಸರ್: Qualcomm Snapdragon 4 Gen 2 ಚಿಪ್‌ಸೆಟ್ ಹೊಂದಿದೆ.
ಸಾಫ್ಟ್‌ವೇರ್: ಆಂಡ್ರಾಯ್ಡ್ 14 ಆಧಾರಿತ Xiaomi HyperOS.
ಕ್ಯಾಮೆರಾ: 50MP ರಿಯರ್ ಕ್ಯಾಮೆರಾ ಮತ್ತು 2MP ಸೆಕೆಂಡರಿ ಕ್ಯಾಮೆರಾ ಹೊಂದಿದೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ 8MP ಫ್ರಂಟ್ ಕ್ಯಾಮೆರಾ ಹೊಂದಿದೆ.
ಬ್ಯಾಟರಿ: 5160mAh ಬ್ಯಾಟರಿ ಹೊಂದಿದೆ. 18W ಸ್ಪೀಡ್ ಚಾರ್ಜಿಂಗ್ ಸಪೋರ್ಟ್ ಜೊತೆ ಬರುತ್ತದೆ. ಫೋನ್ ಬಾಕ್ಸ್‌ನಲ್ಲಿ ನೀವು 33W ಸ್ಪೀಡ್ ಚಾರ್ಜರ್ ಪಡೆಯುತ್ತೀರಿ.
ಇತರ ವೈಶಿಷ್ಟ್ಯಗಳು: ಇತರ ವೈಶಿಷ್ಟ್ಯಗಳಲ್ಲಿ IP52 ರೇಟಿಂಗ್ ಗಮನಾರ್ಹ. ಇದು ವಾಟರ್ ಡ್ರಾಪ್ಸ್ ಮತ್ತು ಡಸ್ಟ್ನಿಂದ ಫೋನ್ ಅನ್ನು ರಕ್ಷಿಸಲು ಸಹಾಯ ಮಾಡುತ್ತದೆ. ಈ ಶ್ರೇಣಿಯ ಫೋನ್‌ಗಳಲ್ಲಿ ಈ ವೈಶಿಷ್ಟ್ಯ ವಿರಳ. ಇದಲ್ಲದೆ, 3.5mm ಹೆಡ್‌ಫೋನ್ ಜ್ಯಾಕ್ ಮತ್ತು USB ಟೈಪ್-ಸಿ ಪೋರ್ಟ್‌ನಂತಹ ಕನೆಕ್ಟಿಂಗ್ ವೈಶಿಷ್ಟ್ಯಗಳೂ ಇವೆ.
ವೆರಿಯಂಟ್ಸ್: 4GB + 64GB, 4GB + 128GB ಮತ್ತು 6GB + 128GB ಎಂಬ ಮೂರು ರೂಪಾಂತರಗಳಲ್ಲಿ ಫೋನ್ ತಂದಿದೆ.
ಬೆಲೆ:
4GB + 64GB ರೂಪಾಂತರ ಬೆಲೆ: ₹9,999
4GB + 128GB ವೇರಿಯಂಟ್ ಬೆಲೆ: ₹10,999
6GB + 128GB ರೂಪಾಂತರ ಬೆಲೆ: ₹11,999
ಇದನ್ನೂ ಓದಿ: ಸ್ಪಡೆಕ್ಸ್ ಮಿಷನ್: ಇಂದು ನಡೆಯಬೇಕಾಗಿದ್ದ ಡಾಕಿಂಗ್ ಪ್ರಕ್ರಿಯೆ ಮುಂದೂಡಿದ ಇಸ್ರೋ
