Realme C75: Realme ತನ್ನ ಹೊಸ 'C75' ಸ್ಮಾರ್ಟ್ಫೋನ್ ಅನ್ನು ಬಿಡುಗಡೆ ಮಾಡಿದೆ. ಕಂಪನಿಯು ಈ ಮೊಬೈಲ್ ಅನ್ನು ವಿಯೆಟ್ನಾಂನಲ್ಲಿ ಎರಡು ಬಣ್ಣದ ಆಯ್ಕೆಗಳಲ್ಲಿ ಪರಿಚಯಿಸಿದೆ. ಫೋನ್ 6.72 ಇಂಚಿನ IPS LCD ಹೊಂದಿದ್ದು, ಇದು MediaTek Helio G92 Max ಪ್ರೊಸೆಸರ್‌ನಿಂದ ಚಾಲಿತವಾಗಿದೆ. Realme ಶೀಘ್ರದಲ್ಲೇ ಇದನ್ನು ಜಾಗತಿಕ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡುವ ಸಾಧ್ಯತೆಯಿದೆ. Realme C75 ಮೊಬೈಲ್ ಬೆಲೆ, ವೈಶಿಷ್ಟ್ಯಗಳು ಮತ್ತು ವಿಶೇಷತೆಗಳ ಕುರಿತು ಹೆಚ್ಚಿನ ವಿವರಗಳು ಇಲ್ಲಿವೆ..
Realme C75 ವೈಶಿಷ್ಟ್ಯಗಳು: ಈ ಹೊಸ 'Realme C75' ಮೊಬೈಲ್ 6.72-ಇಂಚಿನ IPS LCD ಯನ್ನು ಹೊಂದಿದೆ. ಇದು ಪೂರ್ಣ HD ಪ್ಲಸ್ ರೆಸಲ್ಯೂಶನ್, 90Hz ರಿಫ್ರೆಶ್ ರೇಟ್ನ್ನು ಹೊಂದಿದೆ. ಈ ಸ್ಮಾರ್ಟ್ಫೋನ್ ಮೀಡಿಯಾ ಟೆಕ್ ಹೆಲಿಯೊ ಜಿ92 ಮ್ಯಾಕ್ಸ್ ಚಿಪ್‌ಸೆಟ್ ಅನ್ನು ಒಳಗೊಂಡಿದೆ. ಈ ಫೋನ್ ಸಾಲಿಡ್ ಬಿಡ್ ಕ್ವಾಲಿಟಿಯೊಂದಿಗೆ ಸೂಪರ್ ಆಗಿ ಕಾಣುತ್ತದೆ. ಇದು ಆರ್ಮೋರ್‌ಶೆಲ್ ಟೆಂಪರ್ಡ್ ಗ್ಲಾಸ್ ಸ್ಕ್ರೀನ್‌ನೊಂದಿಗೆ Impact-Absorbing ಡಿಸೈನ್ ಹೊಂದಿದೆ. ಇದು ಕೆಳಗೆ ಬಿದ್ದರೂ ಸಹ ಇದಕ್ಕೆ ಅಷ್ಟು ಸುಲಭವಾಗಿ ಹಾನಿಯಾಗುವುದಿಲ್ಲ ಎಂದು Realme ಹೇಳಿದೆ. ಫೋನ್ ವಾಟರ್ ಮತ್ತು ಡಸ್ಟ್ ಪ್ರೊಟೆಕ್ಷನ್ಗಾಗಿ IP69 ರೇಟಿಂಗ್‌ನೊಂದಿಗೆ ಬರುತ್ತದೆ. ಇದಲ್ಲದೆ, ಅದರ ಮಿಲಿಟರಿ-ಗ್ರೇಡ್ ಶಾಕ್ ರೆಸಿಸ್ಟೆನ್ಸ್ MIL-STD-810H ಪ್ರಮಾಣೀಕರಣವು ಫೋನ್‌ಗೆ ಹೆಚ್ಚುವರಿ ಬಾಳಿಕೆ ನೀಡುತ್ತದೆ.
45W ಫಾಸ್ಟ್ ಚಾರ್ಜಿಂಗ್: 'Realme C75' ಮೊಬೈಲ್‌ನ ಕ್ಯಾಮೆರಾ ಸೆಟಪ್ ಅನ್ನು ನೋಡಿದಾಗ, ಇದು ಹಿಂಭಾಗದಲ್ಲಿ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮರಾವನ್ನು ಹೊಂದಿದ್ದು, ಮುಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮರಾವನ್ನು ನೀಡಲಾಗಿದೆ. ಸ್ಮಾರ್ಟ್ಫೋನ್ Android 14 ಆಧಾರಿತ Realme UI 5.0 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಫೋನ್ 6,000mAh ಬ್ಯಾಟರಿಯನ್ನು ಹೊಂದಿದೆ. ಇದು 45W ವೇಗದ ಚಾರ್ಜಿಂಗ್ ಅನ್ನು ಸಪೋರ್ಟ್ ಮಾಡುತ್ತದೆ. ಇದು ರಿವರ್ಸ್ ಚಾರ್ಜಿಂಗ್ ಅನ್ನು ಸಹ ಬೆಂಬಲಿಸುತ್ತದೆ. ಹಾಗಾಗಿ ಇದು ಪವರ್ ಬ್ಯಾಂಕ್ ಆಗಿ ಕೆಲಸ ಮಾಡುತ್ತದೆ. ಈ ಫೋನ್‌ನಿಂದ ನೀವು ಇತರ ಸಾಧನಗಳನ್ನು ಚಾರ್ಜ್ ಮಾಡಬಹುದಾಗಿದೆ.
ಬೆಲೆ ಮತ್ತು ಕಲರ್: ಈ ಸ್ಮಾರ್ಟ್ಫೋನ್ಗಳು ಎರಡು ರೀತಿಯ ಕಲರ್ಗಳನ್ನು ಹೊಂದಿದ್ದು, ಒಂದು ಲೈಟಿಂಗ್ ಗೋಲ್ಡ್, ಇನ್ನೊಂದು ಬ್ಲ್ಯಾಕ್ ಸ್ಮಾರ್ಟ್ ನೈಟ್ ಕಲರ್ ಹೊಂದಿದೆ. ಈ ಫೋನ್ಗಳ ಬೆಲೆಗಳ ವಿವರ ಈ ಕೆಳಗೆ ನೀಡಲಾಗಿದೆ.
- 8GB RAM + 256GB ರೂಪಾಂತರ ಬೆಲೆ: VND 6,490,000 (ರೂ. 21,600 ಅಂದಾಜು)
- 8GB RAM + 512GB ಆವೃತ್ತಿ ಬೆಲೆ: VND 7,490,000 (ರೂ. 24,900 ಅಂದಾಜು)
ಓದಿ: ಆಧಾರ್ ಅಪ್ಡೇಟ್‌ಗೆ ಗಡುವು ವಿಸ್ತರಣೆ: 6 ಹಂತಗಳಲ್ಲಿ ಫ್ರೀಯಾಗಿ ಅಪ್ಡೇಟ್ ಮಾಡಿ
