3 ಕ್ಯಾಮೆರಾ, ಅದ್ಭುತ ಫೀಚರ್ಸ್​: ಭಾರತ ಸೇರಿ ಜಾಗತಿಕ​ ಮಾರುಕಟ್ಟೆಗೆ ಬರ್ತಿದೆ ನಥಿಂಗ್​ ನ್ಯೂ ಮಾಡೆಲ್

Nothing Phone 3a Series Launch: ಮುಂದಿನ ತಿಂಗಳು ನಥಿಂಗ್ ಕಂಪನಿಯ ಹೊಚ್ಚ ಹೊಸ​ ಸ್ಮಾರ್ಟ್‌ಫೋನ್​ ಭಾರತ ಸೇರಿದಂತೆ ಜಗತ್ತಿನೆಲ್ಲೆಡೆ ಬಿಡುಗಡೆಯಾಗಲಿದೆ.

Nothing Phone 3a Series Launch: ನಥಿಂಗ್ ಫೋನ್ 3ಎ ಸೀರಿಸ್​ ಮಾರ್ಚ್ 4ರಂದು ಭಾರತ ಸೇರಿದಂತೆ ವಿಶ್ವದಾದ್ಯಂತ ಲೋಕಾರ್ಪಣೆಗೊಳ್ಳಲಿದೆ. ಕಂಪನಿಯು ಈ ಸೀರಿಸ್​ನಲ್ಲಿ 'ನಥಿಂಗ್ ಫೋನ್ 3ಎ' ಮತ್ತು 'ನಥಿಂಗ್ ಫೋನ್ 3ಎ ಪ್ರೊ' ಎಂಬ ಎರಡು ಫೋನ್‌ಗಳನ್ನು ಪರಿಚಯಿಸಬಹುದು.

ಕಂಪನಿ ಕೆಲವು ವಾರಗಳ ಹಿಂದೆ ಈ 'ನಥಿಂಗ್ ಫೋನ್ 3ಎ' ಸೀರಿಸ್​ ಬಿಡುಗಡೆಯನ್ನು ಘೋಷಿಸಿತ್ತು. ಈ ವೇಳೆ ತನ್ನ ಕ್ಯಾಮೆರಾ ಡಿಸೈನ್​ ಬಹಿರಂಗಪಡಿಸಿತ್ತು. ಇದೀಗ ಮುಂಬರುವ ಫೋನ್ ಸೀರಿಸ್​ ಡಿಸೈನ್​ ಅನ್ನು ಅಧಿಕೃತವಾಗಿ ಬಹಿರಂಗಪಡಿಸಿದೆ.

Meet Phone (3a) Series. First hands-on experience with NEO Gamma.@1x_tech pic.twitter.com/U7vuinDVR7

— Nothing (@nothing) February 24, 2025

ಫೋನ್ 3ಎ ಸೀರಿಸ್​ ಟೀಸರ್: ನಥಿಂಗ್​ ತನ್ನ ಹೊಸ ಸೀರಿಸ್​ನ ಟೀಸರ್ ಅನ್ನು ಅದರ ಅಧಿಕೃತ ಸಾಮಾಜಿಕ ಮಾಧ್ಯಮ ವೇದಿಕೆ ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದೆ. ಈ ಪೋಸ್ಟ್ ಫೋನಿನ ರಿಯರ್​ ಡಿಸೈನ್​ ಅನ್ನು ಬಹಿರಂಗಪಡಿಸುತ್ತದೆ. ಫೋನ್‌ನ ಹಿಂಭಾಗದ ಮಧ್ಯದಲ್ಲಿ ವೃತ್ತಾಕಾರದ ಕ್ಯಾಮೆರಾ ಮಾಡ್ಯೂಲ್ ಅನ್ನು ಕಾಣಬಹುದು. ನಥಿಂಗ್​ ಹಳೆಯ ಮಾದರಿಯ ಫೋನ್‌ಗಳಲ್ಲಿರುವಂತೆ ಮೂರು ಗ್ಲಿಫ್ ಎಲ್‌ಇಡಿಗಳೊಂದಿಗೆ ಬರುತ್ತಿದೆ.

ಕ್ಯಾಮೆರಾ ಮಾಡ್ಯೂಲ್‌ನಲ್ಲಿ ಮೂರು ಕ್ಯಾಮೆರಾ ಸೆನ್ಸರ್‌ಗಳಿವೆ. ಇದು ಪೆರಿಸ್ಕೋಪ್ ಲೆನ್ಸ್ ಹೊಂದಿರುವ ಕ್ಯಾಮೆರಾ ಸೆನ್ಸಾರ್​ ಜೊತೆ ಬರುತ್ತಿದೆ. ಫೋನ್‌ನ ಹಿಂಭಾಗದಲ್ಲಿ LED ಫ್ಲ್ಯಾಷ್ ಯುನಿಟ್​ ಇದೆ. ಇವುಗಳ ಜೊತೆಗೆ ಈ ಫೋನಿನ ಬಲಭಾಗದಲ್ಲಿ ವಾಲ್ಯೂಮ್ ರಾಕರ್ ಮತ್ತು ಪವರ್ ಬಟನ್ ಕಾಣಬಹುದು. ಕಂಪನಿ ತನ್ನ ಅಧಿಕೃತ ವಿಡಿಯೋವೊಂದರಲ್ಲಿ, 'ನಥಿಂಗ್ ಫೋನ್ 3ಎ' ಸೀರಿಸ್​ನ ಗ್ಲಾಸ್​ನ ಬ್ಯಾಕ್​ ಪ್ಯಾನೆಲ್​ ಜೊತೆ ಬರಲಿದೆ ಎಂದು ದೃಢಪಡಿಸಿದೆ.

ನಥಿಂಗ್ ಫೋನ್ 3ಎ ಸರಣಿಯ ವಿಶೇಷತೆಗಳು: 'ನಥಿಂಗ್ ಫೋನ್ 3ಎ' ಸೀರಿಸ್​ನ ಟೀಸರ್ ಪ್ರಕಾರ, ಕಂಪನಿಯು ಈ ಸೀರಿಸ್​ನ ಉನ್ನತ-ಮಟ್ಟದ ಮಾದರಿಯಾದ 'ನಥಿಂಗ್ ಫೋನ್ 3ಎ ಪ್ರೊ' ಮಾದರಿಯಲ್ಲಿ ಮಾತ್ರ ಪೆರಿಸ್ಕೋಪ್ ಕ್ಯಾಮೆರಾವನ್ನು ಒದಗಿಸುವ ಸಾಧ್ಯತೆಯಿದೆ. ಫೋನ್ ರಿಯರ್​ನಲ್ಲಿ 50MP ಪ್ರೈಮೇರಿ ಸೆನ್ಸಾರ್​ ಹೊಂದಿರುತ್ತದೆ ಎಂದು ಕಂಪನಿ ಈಗಾಗಲೇ ಬಹಿರಂಗಪಡಿಸಿದೆ. ಇದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್‌ನೊಂದಿಗೆ ಬರುತ್ತದೆ.

ಫೋನ್‌ನ ಸೆಕೆಂಡ್​ ರಿಯರ್​ ಕ್ಯಾಮೆರಾ 8MP ಅಲ್ಟ್ರಾ-ವೈಡ್ ಆ್ಯಂಗಲ್ ಲೆನ್ಸ್‌ನೊಂದಿಗೆ ಬರುತ್ತದೆ. ಇದರ ಮೂರನೇ ಕ್ಯಾಮೆರಾ 50MP ಸೋನಿ ಪೆರಿಸ್ಕೋಪ್ ಲೆನ್ಸ್‌ನೊಂದಿಗೆ OIS ಬೆಂಬಲದೊಂದಿಗೆ ಬರುತ್ತದೆ. ಇವುಗಳ ಜೊತೆಗೆ ಕಂಪನಿ ಸೆಲ್ಫಿಗಳು ಮತ್ತು ವಿಡಿಯೋ ಕಾಲ್​ಗಾಗಿ ಈ ಫೋನ್‌ನಲ್ಲಿ 50MP ಫ್ರಂಟ್​ ಕ್ಯಾಮೆರಾ ಸಹ ನೀಡಬಹುದು.

Phone (3a) Series.

Where technical intricacy meets purity. The essence of Nothing. pic.twitter.com/02UEwkgROl

— Nothing (@nothing) February 24, 2025

ಈ ಸೀರಿಸ್​ ಮೂಲ ಮಾದರಿ ‘ನಥಿಂಗ್ ಫೋನ್ 3ಎ’ನಲ್ಲಿ ಕಂಪನಿಯು ಮೂರು ರಿಯರ್​ ಕ್ಯಾಮೆರಾಗಳನ್ನು ನೀಡಲಿದೆ ಎಂದು ತೋರುತ್ತದೆ. ಈ ಸೀರಿಸ್​ನ ಎರಡೂ ಮಾದರಿಗಳು ಪ್ರೊಸೆಸರ್‌ಗಾಗಿ ಸ್ನಾಪ್‌ಡ್ರಾಗನ್ 7s Gen 3 SoC ಚಿಪ್‌ಸೆಟ್ ಒಳಗೊಂಡಿರಬಹುದು. ಈ ಎರಡೂ ಫೋನ್ ಮಾದರಿಗಳು ನಥಿಂಗ್ಸ್ ನಥಿಂಗ್ ಓಎಸ್ 3 ನಲ್ಲಿ ಕಾರ್ಯನಿರ್ವಹಿಸಬಹುದು. ಇದು ಬಹುಶಃ ಗೂಗಲ್‌ನ ಇತ್ತೀಚಿನ ಆಪರೇಟಿಂಗ್ ಸಿಸ್ಟಮ್ 'ಆಂಡ್ರಾಯ್ಡ್ 15' ಅನ್ನು ಆಧರಿಸಿದೆ.

ಇದನ್ನೂ ಓದಿ: ಸೂರ್ಯನಿಗೆ PUNCH?​ ಹೊಸ ಯೋಜನೆಯೊಂದಿಗೆ ಸಜ್ಜಾದ ನಾಸಾ: ಏನಿದರ ಪ್ರಯೋಜನ?