ಚಿಕಾಗೋ: ಕೃತಕ ಬುದ್ಧಿಮತ್ತೆಯು (AI) ಇಂದು ಅತಿ ಮುಖ್ಯ ತಂತ್ರಜ್ಞಾನವಾಗಿದೆ. ನಮ್ಮ ಸಾಧನಗಳಲ್ಲಿ ಇದನ್ನು ಪ್ರಮುಖವಾಗಿ ಬಳಸುತ್ತೇವೆ. ಈ ತಂತ್ರಾಂಶವನ್ನು ಬಳಸಲು ಒಬ್ಬ ಏಜೆಂಟ್ ನೀಡಿದರೆ ಹೇಗಿರುತ್ತದೆ.?
ಹೌದು, ಐಟಿ ದೈತ್ಯ ಮೈಕ್ರೋಸಾಫ್ಟ್ AI ಏಜೆಂಟ್ ನೀಡಲು ಮುಂದಾಗಿದೆ. ಈ ಏಜೆಂಟ್ ಮೂಲಕ ಬಳಕೆದಾರರು ಸುಲಭವಾಗಿ ಮಾಹಿತಿಯನ್ನು ಪಡೆದುಕೊಳ್ಳಲು ಸಾಧ್ಯ. ಈ ಏಜೆಂಟ್ ಯಾವಾಗ ಬಳಕೆದಾರರಿಗೆ ಲಭ್ಯವಾಗುತ್ತದೆ ಎಂಬ ಬಗ್ಗೆ ಮೈಕ್ರೋಸಾಫ್ಟ್ ಮಾಹಿತಿ ನೀಡಿಲ್ಲ.
ಮೈಕ್ರೋಸಾಫ್ಟ್ ಸಿಇಒ ಸತ್ಯ ನಾಡೆಲ್ಲಾ ಅವರು ಮಂಗಳವಾರ ಚಿಕಾಗೋದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮಾತನಾಡಿ, ಗ್ರಾಹಕರಿಗೆ ಇನ್ನಷ್ಟು ಅತ್ಯುತ್ತಮ ಸೇವೆ ನೀಡಲು ಸಂಸ್ಥೆಯು ಹೊಸ ವಿಧಾನ ಪರಿಚಯಿಸಲಿದೆ. ನಮ್ಮ ಕೆಲಸ ಮತ್ತು ಜೀವನದಲ್ಲಿ AI ಹೇಗೆ ವರ್ತಿಸಬೇಕು ಎಂಬುದನ್ನು ಈ ಸಾಧನ ಸೂಚಿಸುತ್ತದೆ ಎಂದು ಹೇಳಿದ್ದಾರೆ.
ಈಗಾಗಲೆ ಹಲವು AI ಡೆವಲಪರ್‌ಗಳು ಜನರ ಪರವಾಗಿ ಹೆಚ್ಚು ಉಪಯುಕ್ತವಾದ ಕೆಲಸಗಳನ್ನು ಮಾಡಬಹುದಾದ AI ಏಜೆಂಟ್‌ಗಳನ್ನು ಪರಿಚಯಿಸುತ್ತಿವೆ. ಜನರೇಟಿವ್ AI ಚಾಟ್‌ಬಾಟ್‌ಗಳ ಮುಂದಿನ ಹಂತವನ್ನು ನೀಡುತ್ತಿವೆ. ಮೈಕ್ರೋಸಾಫ್ಟ್ ಕೂಡ ಈ ಏಜೆಂಟ್ ಅನ್ನು ನೀಡಲಿದೆ ಎಂದು ಅವರು ಮಾಹಿತಿ ಹಂಚಿಕೊಂಡಿದ್ದಾರೆ.
ಮೈಕ್ರೋಸಾಫ್ಟ್ ಸಂಸ್ಥೆಯು ಕಳೆದ ತಿಂಗಳು ಎಐ ಏಜೆಂಟ್ ನೀಡುವ ಬಗ್ಗೆ ಘೋಷಿಸಿತ್ತು. ಪ್ರತಿ ಐಟಿ ಸಂಸ್ಥೆಗಳು ಏಜೆಂಟ್‌ಗಳನ್ನು ಹೊಂದುತ್ತಿವೆ. ಸರಳವಾದ ಪ್ರಾಂಪ್ಟ್ ಮತ್ತು ಪ್ರತಿಕ್ರಿಯೆಯಿಂದ ಸಂಪೂರ್ಣ ಸ್ವಾಯತ್ತತೆ ನೀಡಲು ನಮ್ಮ ಸಂಸ್ಥೆಯು ತಯಾರಿ ನಡೆಸುತ್ತಿದೆ ಎಂದು ಹೇಳಿತ್ತು.
ಏನಿದು ಎಐ ಏಜೆಂಟ್?: ಎಐ ಏಜೆಂಟ್ ಎಂಬುದು ಆಪರೇಟರ್ ಆಗಿದ್ದು, ಅದು ಕಂಪ್ಯೂಟರ್ನಲ್ಲಿ ಕಾರ್ಯ ನಿರ್ವಹಿಸಲಿದೆ. ಅದರ ಆಪರೇಟ್ ಗೊತ್ತಿರುವ ಬಳಕೆದಾರರು, ಅದಕ್ಕೆ ಸೂಚನೆ ನೀಡಿದಲ್ಲಿ ಅದು ತನ್ನಿಂದ ತಾನೇ ಕಾರ್ಯ ನಿರ್ವಹಿಸುತ್ತದೆ. ಇದೊಂದು ರೀತಿಯಲ್ಲಿ ಚಿಕ್ಕದಾದ AI ಎಂದು ಹೇಳಬಹುದು.
ಈ ಎಐ ಏಜೆಂಟ್ ಕೇವಲ ಬ್ರೌಸರ್ ನಿಯಂತ್ರಿಸುವುದಲ್ಲದೇ, ನಿಮ್ಮ ಕಂಪ್ಯೂಟರ್ ಅನ್ನು ಕೂಡ ಕಂಟ್ರೋಲ್ನಲ್ಲಿ ಇಟ್ಟುಕೊಳ್ಳಲಿದೆ. ನಿಮ್ಮ ಕಂಪ್ಯೂಟರ್ನಲ್ಲಿ ನಿಮಗಾಗಿ ಆಪರೇಟ್ ಮಾಬಹುದಾದ ಪೋಗ್ರಾಂ (ಏಜೆಂಟ್) ಅನ್ನು ಮೈಕ್ರೋಸಾಫ್ಟ್ ಅಭಿವೃದ್ಧಿಪಡಿಸುತ್ತಿದೆ.
ಇದು ಅಸ್ತಿತ್ವಕ್ಕೆ ಬಂದ ಬಳಿಕ ಕಂಪ್ಯೂಟರ್ನಲ್ಲಿ ಎಲ್ಲಾ ಕೆಲಸದ ಅಪ್ಲಿಕೇಶನ್ಗಳನ್ನ ತೆರೆಯುವುದು, ಅವುಗಳನ್ನು ಸ್ಕ್ರೀನ್ ಮೇಲೆ ತೋರಿಸಿ ಕಂಪ್ಯೂಟರ್ ಮತ್ತು ನಿಮ್ಮೊಂದಿಗೆ ಆ ಏಜೆಂಟ್ ಸಂವಹನ ನಡೆಸುತ್ತದೆ. ನೀವು ನೀಡಿದ ಟಾಸ್ಕ್ ಆಧಾರದ ಮೇಲೆ ನಿಮ್ಮೆಲ್ಲ ಕೆಲಸವನ್ನು ಕಂಪ್ಯೂಟರ್ನಲ್ಲಿ AI ಏಜೆಂಟ್ ಮಾಡುತ್ತದೆ.
ಆದರೆ, AI ಏಜೆಂಟ್ ನಿರ್ಮಿಸುವ ಮತ್ತು ಅದನ್ನು ಜಾರಿಗೆ ತರುವ ಪ್ರಕ್ರಿಯೆ ವೆಚ್ಚದಾಯಕ ಎಂಬುದು ಹೂಡಿಕೆದಾರರ ಅಭಿಪ್ರಾಯ. ಇದು ತಂತ್ರಜ್ಞಾನದ ವಿಪರೀತ ಹೆಜ್ಜೆ ಎಂದು ಅವರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಕ್ರೋಮ್ಒಎಸ್ ಅನ್ನು ಆಂಡ್ರಾಯ್ಡ್ ಆಗಿ ಬದಲಾಯಿಸುತ್ತಿರುವ ಗೂಗಲ್
