ಭಾರತದ ಬಾಹ್ಯಾಕಾಶ ವಿಷನ್ 2047 ಕುರಿತ ಮುನ್ನೋಟ ಹಂಚಿಕೊಂಡ ಇಸ್ರೋ ಮುಖ್ಯಸ್ಥ ಡಾ.ಎಸ್​.ಸೋಮನಾಥ್​

India Space Vision 2047: ಭಾರತವು ಲ್ಯಾಂಡರ್ ತಂತ್ರಜ್ಞಾನದಲ್ಲಿ ಗಮನಾರ್ಹ ಸುಧಾರಣೆಗಳನ್ನು ಮಾಡುತ್ತಿದೆ. ಭಾರತೀಯ ಬಾಹ್ಯಾಕಾಶ ನಿಲ್ದಾಣವನ್ನು ಚಂದ್ರನ ಮೇಲೆ ಅನ್ವೇಷಣೆಗೆ ಉಡಾವಣಾ ಕೇಂದ್ರವನ್ನಾಗಿ ಮಾಡಲು ಸಿದ್ಧತೆ ನಡೆಸುತ್ತಿದೆ ಎಂದು ಇಸ್ರೋ ಮುಖ್ಯಸ್ಥರು ಹೇಳಿದರು.

India Space Vision 2047: ಭಾರತವು ಶೀಘ್ರದಲ್ಲೇ ಲ್ಯಾಂಡರ್ ತಂತ್ರಜ್ಞಾನವನ್ನು ಕರಗತ ಮಾಡಿಕೊಳ್ಳಲಿದೆ ಮತ್ತು ಭಾರತೀಯ ಬಾಹ್ಯಾಕಾಶ ನಿಲ್ದಾಣವನ್ನು ಚಂದ್ರನ ಮೇಲೆ ಅನ್ವೇಷಣೆಗೆ ಉಡಾವಣಾ ಕೇಂದ್ರವನ್ನಾಗಿ ಮಾಡಲು ಸಿದ್ಧತೆ ನಡೆಯುತ್ತಿವೆ ಎಂದು ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋ ಅಧ್ಯಕ್ಷ ಡಾ.ಎಸ್.ಸೋಮನಾಥ್ ಹೇಳಿದ್ದಾರೆ.

ಭಾರತದ ಬಾಹ್ಯಾಕಾಶ ಯೋಜನೆ ಬಗ್ಗೆ ಹೇಳಿದ್ದು ಹೀಗೆ: ನವದೆಹಲಿಯ ರಂಗಭವನದಲ್ಲಿ ಆಲ್ ಇಂಡಿಯಾ ರೇಡಿಯೋ ಆಯೋಜಿಸಿದ್ದ ಪ್ರತಿಷ್ಠಿತ ಸರ್ದಾರ್ ಪಟೇಲ್ ಸ್ಮಾರಕ ಉಪನ್ಯಾಸ 2024 ರಲ್ಲಿ 'ಭಾರತೀಯ ಬಾಹ್ಯಾಕಾಶ ಪ್ರಯಾಣ: ಹೊಸ ಗಡಿಗಳನ್ನು ಅನ್ವೇಷಿಸುವುದು' ಎಂಬ ವಿಷಯದ ಕುರಿತು ಉಪನ್ಯಾಸ ನೀಡಿದರು. ತಮ್ಮ ಉಪನ್ಯಾಸದಲ್ಲಿ ಖ್ಯಾತ ವಿಜ್ಞಾನಿ ಸೋಮನಾಥ್ ಅವರು ಭಾರತದ ಬಾಹ್ಯಾಕಾಶ ವಿಷನ್ 2047 ಕುರಿತು ಮಾಹಿತಿ ನೀಡಿದರು. ಅವರು ಚಂದ್ರನ ಮೇಲೆ ಇಳಿಯುವ ಭಾರತೀಯ ಮಿಷನ್ ಬಗ್ಗೆ ವಿವರವಾಗಿ ಮಾತನಾಡಿದರು.

Must not miss!!

Listen to #SardarPatelMemorialLecture2024 delivered by @isro Chairman, Dr S Somanath

On the National Network of #Akashvani

🔴30th October at 9.30 pm 🟠31st October at 11 am
🟡31st October at 9.30 PM#SPML2024 #Sardar150 @MIB_India | @GauravDwivedi95 pic.twitter.com/kS8xooem1h

— Akashvani आकाशवाणी (@AkashvaniAIR) October 28, 2024

ಚಂದ್ರನ ಮೇಲೆ ಉಡಾವಣಾ ಕೇಂದ್ರ ನಿರ್ಮಾಣ: "ಇಸ್ರೋ ಲ್ಯಾಂಡರ್ ತಂತ್ರಜ್ಞಾನದಲ್ಲಿ ಗಮನಾರ್ಹ ಸುಧಾರಣೆಗಳನ್ನು ಮಾಡಿದೆ" ಎಂದ ಡಾ. ಸೋಮನಾಥ್ ಅವರು, ಭಾರತೀಯ ಬಾಹ್ಯಾಕಾಶ ನಿಲ್ದಾಣದ ಪರಿಕಲ್ಪನೆಯನ್ನು ಚಂದ್ರನ ಮೇಲೆ ಅನ್ವೇಷಣೆಗೆ ಉಡಾವಣಾ ಬಿಂದುವಾಗಿ ಪರಿಚಯಿಸಿದರು. ಮರುಬಳಕೆ ಮಾಡಬಹುದಾದ ರಾಕೆಟ್‌ಗಳ ಅಭಿವೃದ್ಧಿ ಮತ್ತು ಭವಿಷ್ಯದ ಅನ್ವೇಷಣೆಯ ಯೋಜನೆಗಳ ಕುರಿತು ಅವರು ವಿವರವಾಗಿ ಮಾತನಾಡಿದರು. ಚಂದ್ರ ಮತ್ತು ಮಂಗಳನ ಕಾರ್ಯಾಚರಣೆಗಳು ಯಶಸ್ವಿಯಾದ ಬಳಿಕ ಇದು ಶುಕ್ರವನ್ನು ಸುತ್ತುವ ಮತ್ತು ಮೇಲ್ಮೈ ಅಧ್ಯಯನ ಮಾಡುವ ಕಾರ್ಯಾಚರಣೆಗಳನ್ನು ಒಳಗೊಂಡಿದೆ ಎಂದು ಹೇಳಿದರು.

ಈ ಕಾರ್ಯಾಚರಣೆಗಳಿಗೆ ಸಿದ್ಧತೆ ನಡೆಸುತ್ತಿರುವ ಇಸ್ರೋ: ಬಾಹ್ಯಾಕಾಶ ಕಾರ್ಯಾಚರಣೆಗಳ ಹೊರತಾಗಿ, ನೈಸರ್ಗಿಕ ಸಂಪನ್ಮೂಲ ನಿರ್ವಹಣೆ, ಉಪಗ್ರಹ ಸಂವಹನ ಮತ್ತು ನ್ಯಾವಿಗೇಷನ್‌ನಲ್ಲಿ ದೇಶದ ಅಪ್ಲಿಕೇಶನ್​​​​​​​ನ ಅಗತ್ಯಗಳನ್ನು ಪೂರೈಸುವಲ್ಲಿ ಇಸ್ರೋ ಗಮನಹರಿಸುತ್ತದೆ ಎಂದು ಹೇಳಿದರು. ಮೊದಲಿನಿಂದಲೂ ಇಸ್ರೋ ಉಪಗ್ರಹಗಳ ತಯಾರಿಕೆ, ಬಾಹ್ಯಾಕಾಶ ಸಾರಿಗೆ ವ್ಯವಸ್ಥೆಗಳು ಮತ್ತು ಸಂಬಂಧಿತ ನೆಲದ ವಿಭಾಗಗಳಲ್ಲಿ ಸ್ಥಳೀಯ ಸಾಮರ್ಥ್ಯಗಳನ್ನು ಅಭಿವೃದ್ಧಿಪಡಿಸಿದೆ.

ಇಸ್ರೋ ಮುಖ್ಯಸ್ಥ ಸೋಮನಾಥ್ ಅವರು ಭಾರತದ ಬಾಹ್ಯಾಕಾಶ ಪ್ರಯಾಣವನ್ನು ಇದೇ ವೇಳೆ ಶ್ಲಾಘಿಸಿದರು ಮತ್ತು ಮಾನವೀಯತೆಯ ಸುಧಾರಣೆಗಾಗಿ ಬಾಹ್ಯಾಕಾಶ ತಂತ್ರಜ್ಞಾನವನ್ನು ಬಳಸಿಕೊಳ್ಳುವ ಅದಮ್ಯ ಮನೋಭಾವ ಮತ್ತು ಬದ್ಧತೆಯ ಪುರಾವೆ ಎಂದು ಕರೆದರು. ದೇಶದ ಬಾಹ್ಯಾಕಾಶ ಕಾರ್ಯಕ್ರಮವು ಬಾಹ್ಯಾಕಾಶ ತಂತ್ರಜ್ಞಾನವು ಸುರಕ್ಷಿತ ಮತ್ತು ಉತ್ತಮ ಗ್ರಹವನ್ನು ಉತ್ತೇಜಿಸುವ ಜಗತ್ತನ್ನು ಪ್ರೇರೇಪಿಸುತ್ತದೆ ಮತ್ತು ರೂಪಿಸುತ್ತದೆ ಎಂದು ಹೇಳಿದರು.

ಓದಿ: ಆತ್ಮನಿರ್ಭರ ಭಾರತಕ್ಕೆ ಹೊಸ ಭಾಷ್ಯ! ದೇಶದ ಮೊದಲ ಖಾಸಗಿ ಏರ್​ಕ್ರಾಫ್ಟ್​​ ತಯಾರಿಕಾ ಕಾರ್ಖಾನೆ ವಡೋದರದಲ್ಲಿ ಉದ್ಘಾಟನೆ