ಹೈದರಾಬಾದ್: ಮೈಕ್ರೋಸಾಫ್ಟ್ ಮಂಗಳವಾರ ಹೊಸ ಹಗುರವಾದ ಕೃತಕ ಬುದ್ಧಿಮತ್ತೆ ಮಾದರಿಯನ್ನು ಅನಾವರಣಗೊಳಿಸಿದೆ. ಕಡಿಮೆ ವೆಚ್ಚದ ಈ ಎಐ ಮಾದರಿಯು ಹೆಚ್ಚಿನ ಗ್ರಾಹಕರನ್ನು ಆಕರ್ಷಿಸುವ ಭರವಸೆಯಲ್ಲಿದೆ. ಫಿ-3 ಮಿನಿ (Phi-3 mini) ಎಂದು ಕರೆಯಲ್ಪಡುವ ಹೊಸ ಮಾದರಿಯು ಮೈಕ್ರೋಸಾಫ್ಟ್ ಮುಂದಿನ ದಿನಗಳಲ್ಲಿ ಪ್ರಾರಂಭಿಸಲು ಯೋಜಿಸಿರುವ ಮೂರು ಸಣ್ಣ ಭಾಷಾ ಮಾದರಿ (ಎಸ್ಎಲ್ಎಂ)ಗಳಲ್ಲಿ ಮೊದಲನೆಯದಾಗಿದೆ.
"ಫಿ-3 ತುಂಬಾ ಅಗ್ಗವಾಗಿದೆ ಮತ್ತು ಇದೇ ರೀತಿಯ ಸಾಮರ್ಥ್ಯಗಳನ್ನು ಹೊಂದಿರುವ ಇತರ ಮಾದರಿಗಳಿಗೆ ಹೋಲಿಸಿದರೆ ಇದರ ವೆಚ್ಚ 10 ಪಟ್ಟು ಕಡಿಮೆಯಾಗಲಿದೆ" ಎಂದು ಮೈಕ್ರೋಸಾಫ್ಟ್ನ ಜೆನ್ ಎಐ ಸಂಶೋಧನೆಯ ಉಪಾಧ್ಯಕ್ಷ ಸೆಬಾಸ್ಟಿಯನ್ ಬುಬೆಕ್ ಹೇಳಿದರು.
ಫಿ -3 ಮಿನಿ 3.8 ಬಿಲಿಯನ್ ಸಾಮರ್ಥ್ಯ ಹೊಂದಿದ್ದು, ಜಿಪಿಟಿ -4ನಂತಹ ದೊಡ್ಡ ಭಾಷಾ ಮಾದರಿಗಳಿಗಿಂತ ಚಿಕ್ಕದಾದ ಡೇಟಾಸೆಟ್ನಲ್ಲಿ ತರಬೇತಿ ಪಡೆದಿದೆ ಮತ್ತು ಅಜೂರ್ ಮತ್ತು ಹಗ್ಗಿಂಗ್ ಫೇಸ್ ಮತ್ತು ಒಲ್ಲಾಮಾದಲ್ಲಿ ಲಭ್ಯವಿದೆ. ಭವಿಷ್ಯದಲ್ಲಿ, ಮೈಕ್ರೋಸಾಫ್ಟ್ ಫಿ -3 ಸ್ಮಾಲ್ (7 ಬಿ ಮತ್ತು 14 ಬಿ ನಿಯತಾಂಕಗಳೊಂದಿಗೆ) ಮತ್ತು ಫಿ -3 ಮೀಡಿಯಂ (14 ಬಿ ಯೊಂದಿಗೆ) ಅನ್ನು ಪ್ರಾರಂಭಿಸಲು ಯೋಜಿಸಿದೆ. ನಿಯತಾಂಕಗಳು ಒಂದು ಮಾದರಿಯು ಗ್ರಹಿಸಬಹುದಾದ ಸಂಕೀರ್ಣ ಸೂಚನೆಗಳ ಸಂಖ್ಯೆಯನ್ನು ಸೂಚಿಸುತ್ತವೆ.
ಇದು ಮೈಕ್ರೋಸಾಫ್ಟ್ ಅಜುರ್ ಎಐ ಮಾದರಿ ಕ್ಯಾಟಲಾಗ್ ಮತ್ತು ಯಂತ್ರ ಕಲಿಕೆ ಮಾದರಿಗಳ ವೇದಿಕೆಯಾದ ಹಗ್ಗಿಂಗ್ ಫೇಸ್ ಮತ್ತು ಹಗುರವಾದ ಚೌಕಟ್ಟಾದ ಒಲ್ಲಾಮಾದಲ್ಲಿ ಲಭ್ಯವಿರುತ್ತದೆ. ಇದು ಸ್ಟ್ಯಾಂಡರ್ಡ್ ಎಪಿಐ ಇಂಟರ್ಫೇಸ್ನೊಂದಿಗೆ ಎನ್ವಿಡಿಯಾ ಎನ್ಐಎಂ ಮೈಕ್ರೋಸರ್ವೀಸ್ ಆಗಿಯೂ ಲಭ್ಯವಿರುತ್ತದೆ. ಇದನ್ನು ಎಲ್ಲಿಯಾದರೂ ನಿಯೋಜಿಸಬಹುದು ಎಂದು ಕಂಪನಿ ತಿಳಿಸಿದೆ.
"ದೊಡ್ಡದರಿಂದ ಸಣ್ಣದಕ್ಕೆ ಬದಲಾವಣೆ ಮಾಡುವುದು ನಮ್ಮ ಗುರಿಯಲ್ಲ. ಆದರೆ ಗ್ರಾಹಕರು ತಮ್ಮ ಅಗತ್ಯಗಳಿಗೆ ಉತ್ತಮ ಮಾದರಿ ಯಾವುದು ಎಂಬುದರ ಬಗ್ಗೆ ತಿಳಿದುಕೊಳ್ಳುವಂಥ ಏಕರೂಪದ ವರ್ಗದ ಮಾದರಿಗಳಿಂದ ಹಲವಾರು ಮಾದರಿಗಳ ಪೋರ್ಟ್ಫೋಲಿಯೊಗೆ ಬದಲಾವಣೆ ಮಾಡುವುದು ನಮ್ಮ ಉದ್ದೇಶವಾಗಿದೆ." ಎಂದು ಮೈಕ್ರೋಸಾಫ್ಟ್ನ ಜನರೇಟಿವ್ ಎಐನ ಪ್ರಧಾನ ಉತ್ಪನ್ನ ವ್ಯವಸ್ಥಾಪಕಿ ಸೋನಾಲಿ ಯಾದವ್ ಹೇಳಿದರು.
ದೊಡ್ಡ ಎಐ ಮಾದರಿಗಳಿಗೆ ಹೋಲಿಸಿದರೆ, ಸಣ್ಣ ಎಐ ಮಾದರಿಗಳು ಫೋನ್ಗಳು ಮತ್ತು ಲ್ಯಾಪ್ಟಾಪ್ಗಳಂತಹ ವೈಯಕ್ತಿಕ ಸಾಧನಗಳಲ್ಲಿ ಬಳಸಲು ಅಗ್ಗವಾಗಿರುತ್ತವೆ. ಗುಣಮಟ್ಟ ಮತ್ತು ವೆಚ್ಚದಲ್ಲಿ ಹೆಚ್ಚಿನ ಆಯ್ಕೆಯನ್ನು ನೀಡಲು ಶೀಘ್ರದಲ್ಲೇ ಫಿ -3 ಸರಣಿಯಲ್ಲಿ ಹೆಚ್ಚುವರಿ ಮಾದರಿಗಳು ಬರಲಿವೆ ಎಂದು ಮೈಕ್ರೋಸಾಫ್ಟ್ ಘೋಷಿಸಿದೆ.
ಇದನ್ನೂ ಓದಿ : ಭಾರತದಲ್ಲಿ 93 ಕೋಟಿ ದಾಟಿದ ಇಂಟರ್ನೆಟ್ ಬಳಕೆದಾರರ ಸಂಖ್ಯೆ: ಟ್ರಾಯ್ - Internet Users In India
