ಆಟೋಮೊಬೈಲ್​ ಜೊತೆಗಿನ ಸಭೆ ಯಶಸ್ವಿ- ವಾಹನ ಖರೀದಿದಾರರಿಗೆ ಕೇಂದ್ರದಿಂದ ಶುಭ ಸುದ್ದಿ - DISCOUNT ON VEHICLES

ಈ ಹಬ್ಬದ ಸೀಸನ್​ನಲ್ಲಿ ನೀವು ಹೊಸ ವಾಹನವನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ಬಂಪರ್ ರಿಯಾಯಿತಿಗಳನ್ನು ಪಡೆಯಲಿದ್ದೀರಿ. ಎಸ್‌ಐಎಎಂ ಜೊತೆಗಿನ ಸಭೆಯ ನಂತರ ಕೇಂದ್ರ ಸಚಿವ ನಿತಿನ್ ಗಡ್ಕರಿ, ಹಳೆಯ ವಾಹನಗಳನ್ನು ಹೊಸ ವಾಹನಗಳೊಂದಿಗೆ ಸ್ಕ್ರ್ಯಾಪ್ ನೀತಿಯಡಿ ಬದಲಿಸಲು ಗ್ರಾಹಕರಿಗೆ ಶೇಕಡಾ 3 ರಷ್ಟು ರಿಯಾಯಿತಿ ನೀಡಲಾಗುವುದು ಎಂದು ಹೇಳಿದ್ದಾರೆ.

ನವದೆಹಲಿ: ಸ್ಕ್ರ್ಯಾಪಿಂಗ್ ಪ್ರಮಾಣಪತ್ರಕ್ಕೆ ಬದಲಾಗಿ ಹೊಸ ಕಾರುಗಳನ್ನು ಖರೀದಿಸುವ ಗ್ರಾಹಕರಿಗೆ ರಿಯಾಯಿತಿ ನೀಡಲು ಕೇಂದ್ರ ಸರ್ಕಾರ ಮತ್ತು ಆಟೋಮೊಬೈಲ್ ಉದ್ಯಮವು ಒಪ್ಪಿಕೊಂಡಿವೆ. ಈ ಕ್ರಮವು ಹಬ್ಬದ ಸೀಸನ್‌ಗೂ ಮುನ್ನ ಗ್ರಾಹಕರಿಗೆ ಪರಿಹಾರ ನೀಡುವ ನಿರೀಕ್ಷೆಯಿದೆ. ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವ ನಿತಿನ್ ಗಡ್ಕರಿ ಅವರು ಸೊಸೈಟಿ ಆಫ್ ಇಂಡಿಯನ್ ಆಟೋಮೊಬೈಲ್ ಮ್ಯಾನುಫ್ಯಾಕ್ಚರರ್ಸ್ (SIAM) ಸಿಇಒಗಳ ನಿಯೋಗದೊಂದಿಗೆ ಸಭೆ ನಡೆಸಿದರು.

📍𝑩𝒉𝒂𝒓𝒂𝒕 𝑴𝒂𝒏𝒅𝒂𝒑𝒂𝒎, 𝑵𝒆𝒘 𝑫𝒆𝒍𝒉𝒊

Chaired a highly productive session of the SIAM CEO’s Delegation Meeting at Bharat Mandapam today, where we addressed various critical issues facing the automobile industry.

I am pleased to report that, in response to my… pic.twitter.com/9n4aUdgoby

— Nitin Gadkari (@nitin_gadkari) August 27, 2024

ಮಾರುತಿ ಸುಜುಕಿ, ಟಾಟಾ ಮೋಟಾರ್ಸ್, ಹ್ಯುಂಡೈ, ಕಿಯಾ, ಟೊಯೋಟಾ ಮತ್ತು ಇತರ ಕಂಪನಿಗಳು ಸ್ಕ್ರ್ಯಾಪ್ಡ್ ವಾಹನಕ್ಕೆ ಬದಲಾಗಿ ಹೊಸ ಕಾರನ್ನು ಖರೀದಿಸಲು 1.5% ಅಥವಾ ರೂ 20,000 ರಷ್ಟು ರಿಯಾಯಿತಿ ನೀಡುತ್ತವೆ. ಆದರೆ Mercedes-Benz ಇಂಡಿಯಾ ಈಗಿರುವ ಕೊಡುಗೆಗಳ ಜೊತೆಗೆ 25,000 ರೂಪಾಯಿಗಳ ಫ್ಲಾಟ್ ರಿಯಾಯಿತಿಯನ್ನು ನೀಡುವ ಮೂಲಕ ಒಂದು ಹೆಜ್ಜೆ ಮುಂದೆ ಹೋಗಿದೆ.

ಮಾರುತಿಯ ಆರ್‌ಎಂಜೆ ಮೋಟಾರ್ಸ್ ಡೀಲರ್‌ಶಿಪ್‌ನಲ್ಲಿ ನಾವು ಈ ಬಗ್ಗೆ ಮಾತನಾಡಿದ್ದೇವೆ. ಸ್ಕ್ರ್ಯಾಪ್ ಪ್ರಮಾಣಪತ್ರದಿಂದ ಸ್ವೀಕರಿಸಿದ ಪ್ರಸ್ತಾಪವನ್ನು ಅವರು ಖಚಿತಪಡಿಸಿದ್ದಾರೆ. ಹೊಸ ಕಾರು ಖರೀದಿಸುವಾಗ ಗ್ರಾಹಕರು ಸ್ಕ್ರ್ಯಾಪ್ ಪ್ರಮಾಣಪತ್ರದಿಂದ ಗರಿಷ್ಠ 25 ಸಾವಿರ ರೂ.ವರೆಗೆ ಲಾಭ ಪಡೆಯುತ್ತಾರೆ ಎಂದು ಕೇಂದ್ರ ಸಚಿವ ನಿತಿನ್​ ಗಡ್ಕರಿ ಹೇಳಿದರು.

ಮತ್ತೊಂದೆಡೆ, ಟಾಟಾ ಮೋಟಾರ್ಸ್, ವೋಲ್ವೋ ಐಷರ್ ಕಮರ್ಷಿಯಲ್ ವೆಹಿಕಲ್ಸ್, ಅಶೋಕ್ ಲೇಲ್ಯಾಂಡ್, ಮಹೀಂದ್ರಾ ಆ್ಯಂಡ್​ ಮಹೀಂದ್ರಾ, ಫೋರ್ಸ್ ಮೋಟಾರ್ಸ್, ಇಸುಜು ಮೋಟಾರ್ಸ್ ಮತ್ತು ಎಸ್‌ಎಂಎಲ್ ಇಸುಜು ಸೇರಿದಂತೆ ವಾಣಿಜ್ಯ ವಾಹನ ತಯಾರಕರು 3.5 ಟನ್‌ಗಳಿಗಿಂತ ಹೆಚ್ಚಿನ ಸ್ಕ್ರ್ಯಾಪ್ಡ್ ವಾಣಿಜ್ಯ ಕಾರ್ಗೋ ವಾಹನಗಳಿಗೆ ಎಕ್ಸ್-ಶೋರೂಮ್ ಬೆಲೆಯ ಶೇ3ರಷ್ಟು ರಿಯಾಯಿತಿ ನೀಡಲು ಮುಂದಾಗಿದ್ದಾರೆ. 3.5 ಟನ್‌ಗಿಂತ ಕಡಿಮೆ ತೂಕದ ವಾಹನಗಳಿಗೆ ಶೇ.1.5ರಷ್ಟು ರಿಯಾಯಿತಿ ನೀಡಲಾಗುವುದು. ಹೆಚ್ಚುವರಿಯಾಗಿ, ಭಾರಿ ಮತ್ತು ಹಗುರವಾದ ವಾಣಿಜ್ಯ ವಾಹನಗಳನ್ನು ಸ್ಕ್ರ್ಯಾಪ್ ಮಾಡಲು ಠೇವಣಿಯ ವ್ಯಾಪಾರ ಪ್ರಮಾಣಪತ್ರಗಳನ್ನು ಬಳಸುವ ಖರೀದಿದಾರರು ಕ್ರಮವಾಗಿ ಶೇ 2.75 ಮತ್ತು ಶೇ 1.25 ರಷ್ಟು ರಿಯಾಯಿತಿಯನ್ನು ಪಡೆಯುತ್ತಾರೆ.

ಏನಿದು ವಾಹನ ಸ್ಕ್ರ್ಯಾಪಿಂಗ್ ನೀತಿ ?: ವಾಹನ ಸ್ಕ್ರ್ಯಾಪಿಂಗ್ ನೀತಿಯ ಉದ್ದೇಶವು ಹಳೆಯ ಮತ್ತು ಮಾಲಿನ್ಯಕಾರಕ ವಾಹನಗಳನ್ನು ಹಂತಹಂತವಾಗಿ ತೆಗೆದುಹಾಕುವ ಯೋಜನೆಯಾಗಿದೆ. ಈ ಯೋಜನೆಯನ್ನು ಏಪ್ರಿಲ್ 1, 2022 ರಿಂದ ಜಾರಿಗೆ ತರಲಾಗಿದೆ. ಈಗ ಈ ನೀತಿಯೊಂದಿಗೆ, ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಹಳೆಯ ವಾಹನವನ್ನು ಸ್ಕ್ರ್ಯಾಪ್ ಮಾಡಿದ ನಂತರ ಖರೀದಿಸಿದ ಹೊಸ ವಾಹನಗಳಿಗೆ ರಿಯಾಯಿತಿ ನೀಡುತ್ತವೆ. ನಿತಿನ್ ಗಡ್ಕರಿ ಅವರು, ಪ್ರತಿ ನಗರ ಕೇಂದ್ರದಿಂದ 150 ಕಿಲೋಮೀಟರ್ ವ್ಯಾಪ್ತಿಯಲ್ಲಿ ಆಟೋಮೊಬೈಲ್ ಸ್ಕ್ರ್ಯಾಪಿಂಗ್ ಸೌಲಭ್ಯವನ್ನು ಅಭಿವೃದ್ಧಿಪಡಿಸಲು ಯೋಜಿಸಲಾಗಿದೆ ಎಂದು ಹೇಳಿದ್ದಾರೆ.

ಓದಿ: ಯಾವುದೇ ಬಟ್ಟೆ ತೊಟ್ಟರೂ ಮಹಿಳೆಯರತ್ತ ಅನುಚಿತ ನೋಟ; ಪುರುಷರ ಮನಸ್ಥಿತಿ ಕುರಿತು ಐಐಐಟಿ ಹೈದರಾಬಾದ್​ ಅಧ್ಯಯನ - STUDY SEXUAL OBJECTIFICATION