2025 Jeep Meridian: ಜೀಪ್ ಇಂಡಿಯಾ ತನ್ನ 3 - ಸಾಲಿನ ಜೀಪ್ ಮೆರಿಡಿಯನ್ ಎಸ್‌ಯುವಿಯ ಮಿಡ್-ಲೈಫ್ ಅಪ್ಡೇಟ್ ಬಿಡುಗಡೆ ಮಾಡಿದೆ. ಇದನ್ನು 24.99 ಲಕ್ಷ ರೂ.(ಎಕ್ಸ್ ಶೋ ರೂಂ) ಆರಂಭಿಕ ಬೆಲೆಯಲ್ಲಿ ಮಾರುಕಟ್ಟೆಗೆ ಪರಿಚಯಿಸಿದೆ. ಅಪ್ಡೇಟ್ಡ್ ಜೀಪ್ ಮೆರಿಡಿಯನ್ ಅನ್ನು ಐದು ಮತ್ತು ಏಳು-ಆಸನಗಳ ಕಾನ್ಫಿಗರೇಶನ್‌ಗಳಲ್ಲಿ ನಾಲ್ಕು ರೂಪಾಂತರಗಳಲ್ಲಿ ಹೊರ ತಂದಿದೆ. ಅವುಗಳೆಂದರೆ ಲಾಂಗಿಟ್ಯೂಡ್, ಲಾಂಗಿಟ್ಯೂಡ್ ಪ್ಲಸ್, ಲಿಮಿಟೆಡ್ (O) ಮತ್ತು ಓವರ್‌ಲ್ಯಾಂಡ್.
ಹೇಗಿದೆ ಬಾಹ್ಯ ವಿನ್ಯಾಸ? : ನಾವು 2025 ಜೀಪ್ ಮೆರಿಡಿಯನ್‌ನ ಹೊರಭಾಗವನ್ನು ನೋಡೋದಾದರೆ, ಕಂಪನಿಯು ಇಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಿಲ್ಲ. ಇದು 7-ಸ್ಲ್ಯಾಟ್ ಗ್ರಿಲ್, DRL ಗಳೊಂದಿಗೆ ಸ್ಲಿಕ್ LED ಹೆಡ್‌ಲ್ಯಾಂಪ್‌ಗಳು, ರೂಪಾಂತರವನ್ನು ಅವಲಂಬಿಸಿ ವಿಭಿನ್ನ ಮಾದರಿಗಳಲ್ಲಿ 18-ಇಂಚಿನ ಅಲಾಯ್ ವ್ಹೀಲ್ಗಳು ಮತ್ತು ಸ್ಲಿಕ್ LED ಟೈಲ್‌ಲ್ಯಾಂಪ್‌ಗಳೊಂದಿಗೆ ಅದೇ ಆಕರ್ಷಕ ನೋಟ ಪಡೆಯುತ್ತದೆ.
2025 ಜೀಪ್ ಮೆರಿಡಿಯನ್ ವೈಶಿಷ್ಟ್ಯಗಳು: ಈ ಜೀಪ್ನ ವೈಶಿಷ್ಟ್ಯಗಳ ಕುರಿತು ಮಾತನಾಡೋದಾದರೆ, ಹೊಸ ಮೆರಿಡಿಯನ್ ಲೆವೆಲ್ 2 ADAS ಸೂಟ್ ಮತ್ತು ಹೆಚ್ಚಿನ ಸಂಪರ್ಕ ವೈಶಿಷ್ಟ್ಯಗಳನ್ನು ಒಳಗೊಂಡಂತೆ ಅನೇಕ ಹೊಸ ತಂತ್ರಜ್ಞಾನಗಳನ್ನು ಒದಗಿಸಲಾಗಿದೆ. ಈ ಕಾರು 10.1-ಇಂಚಿನ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು 10.2-ಇಂಚಿನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಪ್ಯಾನೆಲ್ ಜೊತೆಗೆ ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಕನೆಕ್ಟಿವಿಟಿ, ವೈರ್‌ಲೆಸ್ ಚಾರ್ಜರ್ ಮತ್ತು ಡ್ಯುಯಲ್-ಜೋನ್ ಕ್ಲೈಮೇಟ್ ಕಂಟ್ರೋಲ್ ಹೊಂದಿದೆ.
ಇದಲ್ಲದೇ, ಇದು ಪನೋರಮಿಕ್ ಸನ್‌ರೂಫ್ ಮತ್ತು ಫಾರ್ವಾಡ್ ವೆಂಟಿಲೇಟೆಡ್ ಫ್ರಂಟ್ ಸೀಟುಗಳನ್ನು ಹೊಂದಿದೆ. ಈಗ, ಪ್ರವೇಶ ಮಟ್ಟದ ಲಾಂಗಿಟ್ಯೂಡ್ ರೂಪಾಂತರವು ಐದು-ಆಸನಗಳ ರೂಪಾಂತರದಲ್ಲಿ ಮಾತ್ರ ಲಭ್ಯವಿದ್ದರೆ, ಎಲ್ಲಾ ಇತರ ರೂಪಾಂತರಗಳು ಏಳು-ಆಸನಗಳ ವಿನ್ಯಾಸವನ್ನು ಹೊಂದಿವೆ. ಗಮನಾರ್ಹವಾಗಿ, ಮೂಲ ರೂಪಾಂತರದಲ್ಲಿ ಫಾರ್ವಾಡ್ ವೆಂಟಿಲೇಟೆಡ್ ಫ್ರಂಟ್ ಸೀಟ್ಗಳು ಮತ್ತು ಸನ್‌ರೂಫ್‌ನಂತಹ ಕೆಲವು ವೈಶಿಷ್ಟ್ಯಗಳು ಲಭ್ಯವಿಲ್ಲ.
2025 Jeep Meridian ಬೆಲೆ:
| ಮಾಡೆಲ್ಗಳು | ಬೆಲೆ |
| Jeep Meridian Longitude (5-ಸೀಟರ್) | 24.99 ಲಕ್ಷ ರೂ. |
| Jeep Meridian Longitude Plus | 27.5 ಲಕ್ಷ ರೂ. |
| Jeep Meridian Limited (O) | 30.49 ಲಕ್ಷ ರೂ. |
| Jeep Meridian Overland | 36.49 ಲಕ್ಷ ರೂ. |
| ಎಲ್ಲವೂ ಎಕ್ಸ್ ಶೋ ರೂಂ ಬೆಲೆಗಳು | |
2025 ಜೀಪ್ ಮೆರಿಡಿಯನ್ ಪವರ್‌ಟ್ರೇನ್: ಹೊಸ ನವೀಕರಿಸಿದ ಜೀಪ್ ಮೆರಿಡಿಯನ್‌ನ ಪವರ್‌ಟ್ರೇನ್‌ನಲ್ಲಿ ಯಾವುದೇ ಬದಲಾವಣೆ ಇಲ್ಲ. ಅದೇ 2.0-ಲೀಟರ್ ಡೀಸೆಲ್ ಎಂಜಿನ್ ಅನ್ನು ಇದರಲ್ಲಿ ಅಳವಡಿಸಲಾಗಿದೆ. ಇದನ್ನು 6-ಸ್ಪೀಡ್ ಮ್ಯಾನುವಲ್ ಮತ್ತು 9-ಸ್ಪೀಡ್ ಆಟೋಮ್ಯಾಟಿಕ್ ಟಾರ್ಕ್ ಕನ್ವರ್ಟರ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ. ಈ ಎಂಜಿನ್ 168bhp ಪವರ್ ಮತ್ತು 350Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದಲ್ಲದೇ ಮೊದಲಿನಂತೆ 4x2 ಮತ್ತು 4x4 ಆವೃತ್ತಿಗಳಲ್ಲಿಯೂ ಲಭ್ಯವಿದೆ.
ಓದಿ: ದೇಶದಲ್ಲಿ ಮೊಟ್ಟ ಮೊದಲ ಬಾರಿಗೆ ಹೊಂಡಾ ಕಂಪನಿಯಿಂದ ಫ್ಲೆಕ್ಸ್ ಫ್ಯುಯಲ್ ಬೈಕ್ ಅನಾವರಣ: ಬೆಲೆ ಎಷ್ಟು ಗೊತ್ತಾ?
