ಬಳ್ಳಾರಿ: ಚಿತ್ರದುರ್ಗದ ರೇಣುಕಾಸ್ವಾಮಿ ಕೊಲೆ ಕೇಸ್ನಲ್ಲಿ ಬಂಧನಕ್ಕೊಳಗಾಗಿರುವ ಎ2 ಆರೋಪಿ ದರ್ಶನ್ ಅವರನ್ನು ಇಂದು ಬಳ್ಳಾರಿ ಸೆಂಟ್ರಲ್ ಜೈಲಿನಲ್ಲಿ ಸಂಗೀತ ನಿರ್ದೇಶಕ ವಿ. ಹರಿಕೃಷ್ಣ ಮತ್ತು ನಿರ್ಮಾಪಕಿ ಶೈಲಜಾ ನಾಗ್ ಭೇಟಿ ಆಗಿದ್ದರು. ಚಿತ್ರರಂಗದ ಸ್ನೇಹಿತರ ಭೇಟಿಗಾಗಿ ಹೈ ಸೆಕ್ಯೂರಿಟಿ ಸೆಲ್ಗೆ ತೆರಳುವ ವೇಳೆ ''ಡಿ ಬಾಸ್'' ಅಂತಾ ಜೈಲಿನ ಹೊರಗೆ ಜಮಾಯಿಸಿದ್ದ ಅಭಿಮಾನಿಗಳಿಂದ ಘೋಷಣೆ ಕೂಗಿದರು. ಆ ಸಂದರ್ಭ ನಟ ಎದೆ ಮುಟ್ಟಿ, ಸ್ಮೈಲ್ ಕೊಟ್ಟರು.
ಹರಿಕೃಷ್ಣ, ಶೈಲಜಾ ನಾಗ್, ರಾಹುಲ್ ಸೇರಿ ಒಟ್ಟು ಐವರು ದರ್ಶನ್ ಭೇಟಿಗಾಗಿ ಇಂದು ಬಳ್ಳಾರಿ ಜೈಲಿಗೆ ಭೇಟಿ ಕೊಟ್ಟಿದ್ದಾರೆ. ಸಂಗೀತ ನಿರ್ದೇಶಕರು ದರ್ಶನ್ಗಾಗಿ ಡ್ರೈ ಫ್ರೂಟ್ಸ್, ಬೇಕರಿ ತಿನಿಸು, ಬಟ್ಟೆ ತಂದಿದ್ದರು. ಜೈಲು ಸಿಬ್ಬಂದಿ ಬ್ಯಾಗ್ ಚೆಕ್ ಮಾಡಿ ಬಳಿಕ ಒಳಗೆ ಬಿಟ್ಟ ನಂತರ, ಹೈ ಸೆಕ್ಯೂರಿಟಿ ಸೆಲ್ನಿಂದ ವಿಸಿಟರ್ ಕೊಠಡಿಗೆ ದರ್ಶನ್ ಆಗಮಿಸಿ, ಈ ಐವರನ್ನು ಭೇಟಿ ಮಾಡಿದರು.
ಹೈ ಸೆಕ್ಯುರಿಟಿ ಸೆಲ್ನಿಂದ ಸಂದರ್ಶಕರ ಕೊಠಡಿಗೆ ಬರುವಾಗ 'ಡಿ ಬಾಸ್', 'ಡಿ ಬಾಸ್' ಅಂತಾ ಅಭಿಮಾನಿಗಳು ಕೂಗತೊಡಗಿದರು. ಅಭಿಮಾನಿಗಳ ಜೈಕಾರಕ್ಕೆ ಸ್ಮೈಲ್ ಕೊಟ್ಟ ದರ್ಶನ್ ನಾನು ನಿಮ್ಮೊಂದಿಗೆ ಇದ್ದೇನೆ, ನೀವು ನನ್ನ ಹೃದಯದಲ್ಲಿದ್ದೀರಿ ಎಂದು ಎದೆ ಮುಟ್ಟಿ ಸಿಗ್ನಲ್ ಕೊಟ್ಟರು. ಈ ದೃಶ್ಯಗಳು ವ್ಯಾಪಕವಾಗಿ ವೈರಲ್ ಆಗಿವೆ.
ಇದನ್ನೂ ಓದಿ: ರತನ್ ಟಾಟಾ ನಿಧನ: ಶಿವಣ್ಣ, ರಿಷಬ್ ಶೆಟ್ಟಿ, ಉಪ್ಪಿ ಸೇರಿದಂತೆ ಸಿನಿಗಣ್ಯರಿಂದ ಸಂತಾಪ
ದರ್ಶನ್ ಭೇಟಿ ಬಳಿಕ ಜೈಲಿನಿಂದ ಮೊದಲು ಹರಿಕೃಷ್ಣ ಮತ್ತು ಶೈಲಜಾನಾಗ್ ಹೊರಬಂದರು. ನಂತರ ಸ್ನೇಹಿತರಾದ ಅರವಿಂದ್, ಆಕಾಶ್, ಫ್ರಭು ಜೊತೆ ಮಾತುಕತೆ ನಡೆಸಿದರು.
ಇದನ್ನೂ ಓದಿ: ರೇಣುಕಾಸ್ವಾಮಿ ಕೊಲೆ ಪ್ರಕರಣ: ದರ್ಶನ್, ಪವಿತ್ರಾ ಗೌಡಗೆ ಇಂದೂ ಸಿಗಲಿಲ್ಲ ಜಾಮೀನು
