ಬೆಂಗಳೂರು: ಪತಿ ವಾಟ್ಸ್ಆ್ಯಪ್ನಲ್ಲಿ ಡಿಯರ್ ಅಂತ ಮೆಸೇಜ್ ಹಾಕಬೇಡ ಎಂದಿದ್ದಕ್ಕೆ ಪತ್ನಿ ಮನೆ ಬಿಟ್ಟು ಹೋಗಿರುವ ಘಟನೆ ನಗರದಲ್ಲಿ ನಡೆದಿದೆ.
ಮಹಾಲಕ್ಷ್ಮೀ ಲೇಔಟ್ ಠಾಣಾ ವ್ಯಾಪ್ತಿಯ ಮೈಕೋ ಲೇಔಟ್ನಲ್ಲಿ ದಿಲೀಪ್ ಕುಮಾರ್ ಮತ್ತು ರಶ್ಮಿ ದಂಪತಿ ಮಕ್ಕಳೊಂದಿಗೆ ವಾಸವಾಗಿದ್ದರು. ಜೂ. 4 ರಂದು ಮನೆಯಲ್ಲಿರುವಾಗ ಪತ್ನಿ ಮೊಬೈಲ್ನಲ್ಲಿ ಗುಡ್ ಮಾರ್ನಿಂಗ್ ಡಿಯರ್ ಎಂಬ ಮೆಸೇಜ್ ಇತ್ತು. ಇದನ್ನು ನೋಡಿದ ಪತಿ ದಿಲೀಪ್ ಕುಮಾರ್, ಡಿಯರ್ ಅಂತ ಮೆಸೇಜ್ ಹಾಕಬೇಡ. ಸರ್ ಅಥವಾ ಅಣ್ಣ ಅಂತ ಮೆಸೇಜ್ ಕಳಿಸು ಎಂದು ಪತ್ನಿಗೆ ಸೂಚಿಸಿದ್ದರು.
ಇದರಿಂದ ಕೆರಳಿದ ಪತ್ನಿ ವಾಗ್ವಾದ ನಡೆಸಿದ್ದರು. ಬಳಿಕ ಪತಿ, ಪತ್ನಿಯನ್ನು ಸಮಾಧಾನಪಡಿಸಿದ್ದರು. ಆದರೆ ಪತ್ನಿ ಅದೇ ದಿನ ಮಧ್ಯಾಹ್ನ ಫೋನ್ ಸ್ವಿಚ್ಢ್ ಆಫ್ ಮಾಡಿಕೊಂಡು ಮನೆ ಬಿಟ್ಟು ತೆರಳಿದ್ದರು. ಪತ್ನಿಯ ಪತ್ತೆಗೆ ಪತಿ ಎಷ್ಟೇ ಹುಡುಕಾಟ ನಡೆಸಿದರೂ ಪತ್ತೆಯಾಗಿರಲಿಲ್ಲ. ಈ ಹಿನ್ನೆಲೆಯಲ್ಲಿ ದಿಲೀಪ್ ಮಹಾಲಕ್ಷ್ಮೀ ಲೇಔಟ್ ಪೊಲೀಸ್ ಠಾಣೆಯಲ್ಲಿ ಮಿಸ್ಸಿಂಗ್ ಪ್ರಕರಣ ದಾಖಲಿಸಿದ್ದಾರೆ. ಪತ್ನಿ ಹುಡುಕಿಕೊಡಿ ಎಂದು ಪೊಲೀಸರಿಗೆ ಮೊರೆಯಿಟ್ಟಿದ್ದಾರೆ.
