ಬೆಂಗಳೂರು: ಮಾಜಿ ಯೋಧರಿಗಾಗಿ ಇಂದು ಜಾಲಹಳ್ಳಿಯ ವಾಯುಪಡೆ ನಿಲ್ದಾಣ (ಎಂಟಿ ಕಾಂಪ್ಲೆಕ್ಸ್) ಮತ್ತು ಜಾಲಹಳ್ಳಿ ಪೂರ್ವ (ಸಿಟಿಐ ಸಮೀಪ) ಪ್ರದೇಶದಲ್ಲಿ ರಕ್ಷಣಾ ಸಚಿವಾಲಯದ ಡೈರೆಕ್ಟರ್‌ ಜನರಲ್ ರಿಸೆಟ್ಲ್ಮೆಂಟ್ (ಡಿಜಿಆರ್) ಉದ್ಯೋಗ ಮೇಳ ಆಯೋಜಿಸಿದೆ.
ನಿವೃತ್ತ ಯೋಧರಿಗೆ ಎರಡನೇ ಅವಕಾಶ ಕಲ್ಪಿಸುವುದು ಮತ್ತು ಉದ್ಯೋಗದಾತರ ನಡುವೆ ಸಂಪರ್ಕ ಕಲ್ಪಿಸುವುದು ಈ ಮೇಳದ ಉದ್ದೇಶ.
ಮಾಜಿ ಸೈನಿಕರ ನೋಂದಣಿ ಬೆಳಿಗ್ಗೆ 7ರಿಂದ 10ರವರೆಗೆ ಸ್ಥಳದಲ್ಲಿಯೇ ನಡೆಯುತ್ತದೆ. ನೋಂದಾಯಿಸಲು, ಇಎಸ್ಎಂ ತಮ್ಮ ಇಎಸ್ಎಂ ಗುರುತಿನ ಚೀಟಿ ಹಾಗೂ ಇತ್ತೀಚಿನ ಸಿವಿ ಅಥವಾ ಸ್ವವಿವರ (ಬಯೋಡೇಟಾ) ಹೊಂದಿದ ಐದು ಪ್ರತಿಗಳನ್ನು ಛಾಯಾಚಿತ್ರದೊಂದಿಗೆ ತರಬೇಕು.
ಉದ್ಯೋಗಾಕಾಂಕ್ಷಿ ಇಎಸ್ಎಂಗಳು ಬಹುಬಗೆಯ ಉದ್ಯೋಗಾವಕಾಶಗಳು ಮತ್ತು ಅಡತಡೆರಹಿತ ನೇಮಕ ಪ್ರಕ್ರಿಯೆಗಳನ್ನು ಪಡೆಯುತ್ತಾರೆ. ವಿವಿಧ ಕಾರ್ಪೊರೇಟ್‌ ಸಂಸ್ಥೆಗಳು ಸಂದರ್ಶನ/ಪರಿಶೀಲನೆ ಮತ್ತು ನಂತರ ಹಿರಿಯ ಮೇಲ್ವಿಚಾರಕರು, ಮಧ್ಯಮ/ಹಿರಿಯ ಮಟ್ಟದ ವ್ಯವಸ್ಥಾಪಕರಿಂದ ಹಿಡಿದು ಕಾರ್ಯತಂತ್ರದ ಯೋಜಕರು ಮತ್ತು ಯೋಜನಾ ನಿರ್ದೇಶಕರವರೆಗಿನ ನೇಮಕಾತಿಗಳಲ್ಲಿ ಇಎಸ್ಎಂ ಅನ್ನು ಬಳಸಿಕೊಳ್ಳಲಿದ್ದಾರೆ ಎಂದು ಸೇನಾ ಪ್ರಕಟಣೆ ತಿಳಿಸಿದೆ.
ಕಂಪನಿ/ಕಾರ್ಪೋರೇಟ್ ಸಂಸ್ಥೆಗಳು/ಉದ್ಯೋಗದಾತರು ಆನ್ಲೈನ್ ಮೂಲಕ ನೋಂದಣಿ ಮಾಡಿಕೊಂಡು ತಮ್ಮ ಸ್ಟಾಲ್ಗಳನ್ನು www.dgrindia.gov.inನಲ್ಲಿ ಕಾಯ್ದಿರಿಸಬಹುದು. ಪ್ರಶ್ನೆಗಳಿದ್ದರೆ, ಜಂಟಿ ನಿರ್ದೇಶಕರು (ಎಸ್ ಇ ಮತ್ತು ಸಿಐ), ಡೈರೆಕ್ಟರ್‌ ಜನರಲ್ ರಿಸೆಟ್ಲ್ಮೆಂಟ್, ವೆಸ್ಟ್ ಬ್ಲಾಕ್ IV, ಆರ್.ಕೆ.ಪುರಂ, ನವದೆಹಲಿ 110066 ಅಥವಾ ದೂರವಾಣಿ ಸಂಖ್ಯೆ 011- 20862542 ಅಥವಾ seopadgr@desw.gov.in, drzspne@desw.gov.in ಇ-ಮೇಲ್ ವಿಳಾಸಕ್ಕೆ ಕಳುಹಿಸಬಹುದು ಎಂದು ತಿಳಿಸಲಾಗಿದೆ.
