ಬೆಂಗಳೂರು: ರಾಜ್ಯದಲ್ಲಿ ಶುಕ್ರವಾರ 454 ಮಂದಿಯಲ್ಲಿ ಡೆಂಗ್ಯೂ ದೃಢವಾಗಿದ್ದು, ಈ ಮೂಲಕ ಸೋಂಕಿತರ ಸಂಖ್ಯೆ 16,492ಕ್ಕೆ ಏರಿಕೆಯಾಗಿದೆ. ಪ್ರಸ್ತುತ 3,224 ಪ್ರಕರಣಗಳು ಸಕ್ರಿಯವಾಗಿವೆ. 2,652 ಮಂದಿ ಮನೆ, 572 ಮಂದಿ ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಅವರಲ್ಲಿ 13 ಮಂದಿ ಐಸಿಯುನಲ್ಲಿದ್ದಾರೆ. ಪ್ರಸ್ತುತ 10 ಮಂದಿ ಡೆಂಗೆಯಿಂದ ಮೃತಪಟ್ಟಿದ್ದು, ಮರಣ ಪ್ರಮಾಣ ಶೇ.0.06ರಷ್ಟಿದೆ.
ಬಿಬಿಎಂಪಿ 210, ಬೆಂಗಳೂರು ನಗರ 35, ದಕ್ಷಿಣ ಕನ್ನಡ 27, ಹಾವೇರಿ 26, ವಿಜಯಪುರ, ಬಾಗಲಕೋಟೆ 20, ಕಲಬುರಗಿ 17, ಚಿತ್ರದುರ್ಗ 15, ಹಾಸನ 13, ಕೋಲಾರ 11, ಧಾರವಾಡ 10, ದಾವಣಗೆರೆ 8, ಕೊಪ್ಪಳ 7, ವಿಜಯನಗರ 6, ಬೀದರ್, ಉಡುಪಿ, ಚಿಕ್ಕಮಗಳೂರು, ಗದಗದಲ್ಲಿ ತಲಾ 4, ಯಾದಗಿರಿ, ಉತ್ತರ ಕನ್ನಡ, ಕೊಡಗು ಜಿಲ್ಲೆಯಲ್ಲಿ ತಲಾ ಒಂದು ಪ್ರಕರಣ ವರದಿಯಾಗಿವೆ.
