ಬೆಂಗಳೂರು : ಇಲ್ಲಿನ ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಮಹಿಳಾ ಪ್ರೀಮಿಯರ್ ಲೀಗ್ 2024ರ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವುಮೆನ್ ವಿರುದ್ಧ ಗುಜರಾತ್ ಜೈಂಟ್ಸ್ ಸೋಲನುಭವಿಸಿದೆ. ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ ಕೆಳದುಕೊಂಡು 126 ರನ್ಗಳನ್ನು ಕಲೆಹಾಕಲಷ್ಟೇ ಗುಜರಾತ್ ಜೈಂಟ್ಸ್ ಶಕ್ತವಾಯಿತು. ಮುಂಬೈ ಇಂಡಿಯನ್ಸ್ 127 ರನ್ಗಳ ಗುರಿಯನ್ನು ಸುಲಭವಾಗಿ ಗೆದ್ದು ಬೀಗಿದೆ. ಮುಂಬೈ ಪರ ಶಬ್ನಿಮ್ ಇಸ್ಮಾಯಿಲ್ 3 ಮತ್ತು ಅಮೆಲಿಯಾ ಕೆರ್ 4 ವಿಕೆಟ್ ಪಡೆದು ಗುಜರಾತ್ಗೆ ಶಾಕ್ ನೀಡಿದರು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ಗಿಳಿದ ಗುಜರಾತ್ ಆರಂಭದಲ್ಲೇ ವೇದಾ ಕೃಷ್ಣಮೂರ್ತಿ (0) ಅವರ ವಿಕೆಟ್ ಕೆಳದುಕೊಂಡಿತ್ತು. ಮುಂಬೈ ಸ್ಟಾರ್ ವೇಗದ ಬೌಲರ್ ಶಬ್ನಿಮ್ ಇಸ್ಮಾಯಿಲ್ ಬೌಲಿಂಗ್ನಲ್ಲಿ ವೇದ ಶೂನ್ಯಗೆ ಔಟ್ ಆದರು. ನಂತರ ಕ್ರೀಸ್ಗೆ ಬಂದ ಹರ್ಲೀನ್ ಡಿಯೋಲ್ (8) ಕೂಡ ಒಂದು ಆರ್ಕಷಕ ಸಿಕ್ಸ್ ಸಿಡಿಸಿ ಶಬ್ನಿಮ್ ಇಸ್ಮಾಯಿಲ್ ಅವರಿಗೆ ವಿಕೆಟ್ ಒಪ್ಪಿಸಿದರು. ಇನ್ನೊಂದೆಡೆ ನಾಯಕಿ ಬೆತ್ ಮೂನಿ (24) ತಾಳ್ಮೆಯುಕ್ತ ಆಟವಾಡುವಾಗ ಮೂರನೇ ವಿಕೆಟ್ ಅನ್ನು ಶಬ್ನಿಮ್ ಇಸ್ಮಾಯಿಲ್ ಗೆ ನೀಡಿದರು.
ಇನ್ನುಳಿದಂತೆ ಗುಜರಾತ್ನ ಯಾವುದೇ ಆಟಗಾರ್ತಿಯರು ಕೂಡ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಂತು ಉತ್ತಮ ಪ್ರದರ್ಶನ ನೀಡಲಿಲ್ಲ. ನ್ಯಾಟ್ ಸ್ಕಿವರ್ ಬ್ರಂಟ್ ಬೌಲಿಂಗ್ನಲ್ಲಿ ಫೋಬೆ ಲಿಚ್ಫೀಲ್ಡ್ (7) ವಿಕೆಟ್ ನೀಡಿದರೆ, ದಯಾಳನ್ ಹೇಮಲತಾ (3) ಅವರ ವಿಕೆಟ್ ಅನ್ನು ಕೆರಿಬಿಯನ್ ಆಟಗಾರ್ತಿ ಹೇಲಿ ಮ್ಯಾಥ್ಯೂಸ್ ಉರಳಿಸಿದರು. ಕೊನೆಯಲ್ಲಿ ಆಶ್ಲೀ ಗಾರ್ಡ್ನರ್ (15), ಸ್ನೇಹ ರಾಣಾ (0), ತನುಜಾ ಕನ್ವರ್ (28), ಲೀ ತಹುಹು (0) ಈ ನಾಲ್ವರ ವಿಕೆಟ್ ಅನ್ನು ಅಮೆಲಿಯಾ ಕೆರ್ ಕಬಳಿಸಿ ಗುಜರಾತ್ ರನ್ ವೇಗಕ್ಕೆ ಬ್ರೇಕ್ ಹಾಕಿದರು. ಕ್ಯಾಥರಿನ್ ಬ್ರೈಸ್ (25) ಔಟಗಾದೆ ಕ್ರೀಸ್ನಲ್ಲಿ ಉಳಿದರು.
ತಂಡಗಳು : ಗುಜರಾತ್ ಜೈಂಟ್ಸ್ : ಬೆತ್ ಮೂನಿ(ನಾಯಕಿ/ವಿಕೀ), ವೇದಾ ಕೃಷ್ಣಮೂರ್ತಿ, ಫೋಬೆ ಲಿಚ್ಫೀಲ್ಡ್, ಹರ್ಲೀನ್ ಡಿಯೋಲ್, ಆಶ್ಲೀಗ್ ಗಾರ್ಡ್ನರ್, ದಯಾಲನ್ ಹೇಮಲತಾ, ಸ್ನೇಹ ರಾಣಾ, ತನುಜಾ ಕನ್ವರ್, ಕ್ಯಾಥರಿನ್ ಬ್ರೈಸ್, ಲಿಯಾ ತಹುಹು, ಮೇಘನಾ ಸಿಂಗ್
ಮುಂಬೈ ಇಂಡಿಯನ್ಸ್ ವುಮೆನ್ : ಹೇಲಿ ಮ್ಯಾಥ್ಯೂಸ್, ಯಾಸ್ತಿಕಾ ಭಾಟಿಯಾ (ವಿಕೀ), ನ್ಯಾಟ್ ಸಿವರ್-ಬ್ರಂಟ್, ಹರ್ಮನ್‌ಪ್ರೀತ್ ಕೌರ್ (ನಾಯಕಿ), ಅಮೆಲಿಯಾ ಕೆರ್, ಪೂಜಾ ವಸ್ತ್ರಾಕರ್, ಅಮಂಜೋತ್ ಕೌರ್, ಎಸ್ ಸಜನಾ, ಶಬ್ನಿಮ್ ಇಸ್ಮಾಯಿಲ್, ಕೀರ್ತನಾ ಬಾಲಕೃಷ್ಣನ್, ಸೈಕಾ ಇಶಾಕ್
ಇದನ್ನೂ ಓದಿ : WPL: ರಿಚಾ, ಮೇಘನಾ, ಆಶಾ ಅಬ್ಬರಕ್ಕೆ ಯುಪಿ ವಾರಿಯರ್ಸ್ ತತ್ತರ; ಆರ್ಸಿಬಿಗೆ 2 ರನ್ಗಳ ರೋಚಕ ಗೆಲುವು
