ವಿಶ್ವದ ಅತ್ಯಂತ ಶ್ರೀಮಂತ ಕ್ರೀಡಾ ಲೀಗ್​ಗಳು ಇವೇ ನೋಡಿ: ಐಪಿಎಲ್​ ಎಷ್ಟನೇ ಸ್ಥಾನದಲ್ಲಿದೆ ಗೊತ್ತಾ? - Top 6 Richest Sports Leagues

ವಿಶ್ವದಲ್ಲಿ ಆಯೋಜಿಸುವ ಅತ್ಯಂತ ಶ್ರೀಮಂತ ಕ್ರೀಡಾ ಲೀಗ್​ಗಳು ಯಾವವು ಮತ್ತು ಭಾರತದ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಈ ಪಟ್ಟಿಯಲ್ಲಿ ಎಷ್ಟನೇ ಸ್ಥಾನದಲ್ಲಿದೆ ಎಂಬುದರ ಬಗ್ಗೆ ಈ ಸುದ್ದಿಯಲ್ಲಿ ತಿಳಿಯಿರಿ.

ಹೈದರಾಬಾದ್​: ಇತ್ತೀಚಿನ ದಿನಗಳಲ್ಲಿ ಜನರು ಕ್ರೀಡಾ ಕ್ಷೇತ್ರದತ್ತ ಹೆಚ್ಚಿನ ಗಮನ ಹರಿಸುತ್ತಿದ್ದಾರೆ. ದಿನದಿಂದ ದಿನಕ್ಕೆ ಕ್ರೀಡೆಗಳನ್ನು ನೋಡುವವರ ಸಂಖ್ಯೆಯೂ ಹೆಚ್ಚುತ್ತಿದೆ. ಭಾರತ ಸೇರಿ ಹಲವಾರು ದೇಶಗಳು ಟಿ20 ಕ್ರಿಕೆಟ್​ ಲೀಗ್​, ಫುಟ್ಬಾಲ್​ ಲೀಗ್​ನಂತಹ ವಿವಿಧ ಬಗೆಯ ಪಂದ್ಯಾವಳಿಗಳನ್ನು ಆಯೋಜಿಸಿ ಜನರನ್ನು ಮನರಂಜಿಸುತ್ತಿವೆ. ಇದರಿಂದಾಗಿ ಕ್ರೀಡಾ ಕ್ಷೇತ್ರದ ಜನಪ್ರಿಯತೆ ಜತೆಗೆ ಆದಾಯವೂ ಹೆಚ್ಚುತ್ತಿದೆ. ಹಾಗಾದರೆ ಬನ್ನಿ ವಿಶ್ವದಲ್ಲಿ ಆಯೋಜಿಸಲಾಗುತ್ತಿರುವ 6 ಶ್ರೀಮಂತ ಕ್ರೀಡಾ ಲೀಗ್‌ಗಳು ಯಾವುವು ಮತ್ತು ಈ ಪಟ್ಟಿಯಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಎಷ್ಟನೇ ಸ್ಥಾನದಲ್ಲಿದೆ ಎಂದು ತಿಳಿಯೋಣ.

ವಿಶ್ವದ ಟಾಪ್​ 6 ಶ್ರೀಮಂತ್​ ಲೀಗ್​ಗಳು

ಫುಟ್ಬಾಲ್​ (AP)

1. 1. ನ್ಯಾಷನಲ್ ಫುಟ್ಬಾಲ್ ಲೀಗ್ (NFL): 2023ರಲ್ಲಿ, ಅಮೇರಿಕನ್ ಫುಟ್ಬಾಲ್ ಲೀಗ್ NFL 13 ಶತಕೋಟಿ ಡಾಲರ್ (1 ಲಕ್ಷ ಕೋಟಿ) ಆದಾಯದೊಂದಿಗೆ ಶ್ರೀಮಂತ ಕ್ರೀಡಾ ಲೀಗ್ ಆಗಿ ಅಗ್ರಸ್ಥಾನದಲ್ಲಿದೆ. ಈ ಲೀಗ್ 1920 ರಲ್ಲಿ ಪ್ರಾರಂಭವಾಗಿದ್ದು, ಇದರಲ್ಲಿ ಒಟ್ಟು 32 ತಂಡಗಳು ಸ್ಪರ್ಧಿಸುತ್ತವೆ. ಇದು 2027ರ ವೇಳೆಗೆ $25 ಶತಕೋಟಿ ಆದಾಯದ ಗುರಿಯನ್ನು ಹೊಂದಿದೆ.

ಬೇಸ್​ಬಾಲ್​ (AP)

1. 2 ಮೇಜರ್ ಲೀಗ್ ಬೇಸ್‌ಬಾಲ್ (MLB): ಮೇಜರ್ ಲೀಗ್ ಬೇಸ್‌ಬಾಲ್ ಅನ್ನು 1876 ರಲ್ಲಿ ಪ್ರಾರಂಭಿಸಲಾಯಿತು. 2023ರಲ್ಲಿ, ಇದು 11.34 ಬಿಲಿಯನ್ ಡಾಲರ್ (94 ಸಾವಿರ ಕೋಟಿ) ಆದಾಯದೊಂದಿಗೆ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಪಡೆದುಕೊಂಡಿದೆ. ಈ ಲೀಗ್​ನಲ್ಲಿ ಪ್ರತಿ ಋತುವಿನಲ್ಲಿ 30 ತಂಡಗಳು ಭಾಗವಹಿಸುತ್ತವೆ. ಈ ಪ್ರಮುಖ ಬೇಸ್‌ಬಾಲ್ ಪಂದ್ಯಾವಳಿಯಲ್ಲಿ 162 ಪಂದ್ಯಗಳನ್ನು ಆಡಲಾಗುತ್ತದೆ.

ಬಾಸ್ಕೆಟ್​ ಬಾಲ್​ (AP)

1. 3 ರಾಷ್ಟ್ರೀಯ ಬಾಸ್ಕೆಟ್‌ಬಾಲ್ ಅಸೋಸಿಯೇಷನ್ ​​(NBA): 2022-23 ಋತುವಿನಲ್ಲಿ, ರಾಷ್ಟ್ರೀಯ ಬಾಸ್ಕೆಟ್‌ಬಾಲ್ ಅಸೋಸಿಯೇಷನ್ ​​$10.58 ಶತಕೋಟಿ ಡಾಲರ್​ (88 ಸಾವಿರ ಕೋಟಿ) ಆದಾಯದೊಂದಿಗೆ ಮೂರನೇ ಸ್ಥಾನವನ್ನು ಪಡೆದುಕೊಂಡಿದೆ. ಈ ಲೀಗ್ 1946 ರಲ್ಲಿ ಪ್ರಾರಂಭವಾಯಿಗಿದೆ.

ಇಂಡಿಯನ್​ ಪ್ರೀಮಿಯರ್​ ಲೀಗ್​ (IANS)

1. 4 ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್): 2008ರಲ್ಲಿ ಪ್ರಾರಂಭವಾದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಅತೀ ಕಡಿಮೆ ಸಮಯದಲ್ಲಿ ಶ್ರೀಮಂತ ಕ್ರಿಕೆಟ್ ಲೀಗ್ ಎಂದು ಗುರುತಿಸಿಕೊಂಡಿದೆ. 2023 ರ ಋತುವಿನಲ್ಲಿ ಇದರ ಆದಾರ $9.5 ಬಿಲಿಯನ್ ಡಾಲರ್​ (79 ಸಾವಿರ ಕೋಟಿ) ಆಗಿದೆ. ಇದು ವಿಶ್ವದ ನಾಲ್ಕನೇ ಶ್ರೀಮಂತ ಕ್ರಿಕೆಟ್​ ಲೀಗ್​ ಎನಿಸಿಕೊಂಡಿದೆ.

1. 5 ಇಂಗ್ಲಿಷ್ ಪ್ರೀಮಿಯರ್ ಲೀಗ್ (ಇಪಿಎಲ್): ಇಂಗ್ಲಿಷ್ ಪ್ರೀಮಿಯರ್ ಲೀಗ್ (ಇಪಿಎಲ್) ಕೂಡ ಜನಪ್ರಿಯ ಪಡೆದಿದೆ. ಈ ಫುಟ್ಬಾಲ್​ ಲೀಗ್​ 1992ರಲ್ಲಿ ಪ್ರಾರಂಭವಾಗಿದ್ದು, 2022-23ರ ವೇಳೆಗೆ ಒಟ್ಟಾರೆಯಾಗಿ £7 ಬಿಲಿಯನ್ ಫೌಂಡ್​ ​ ಆದಾಯವನ್ನು ಗಳಿಸಿದ್ದುಈ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದೆ.

ವರದಿಗಳ ಪ್ರಕಾರ ಜಾಗತಿಕ ಕ್ರೀಡಾ ಮಾರುಕಟ್ಟೆಯೂ 2021 ರಿಂದ 23ರವರೆಗೆ 486.61 ಶತಕೋಟಿ ಡಾಲರ್ (40 ಲಕ್ಷ ಕೋಟಿ)​ನಿಂದ 512.14 ಬಿಲಿಯನ್​ ಡಾಲರ್​ (42 ಲಕ್ಷ ಕೋಟಿ)ಗೆ ತಲುಪಲಿದೆ. ಇದು 2026ರ ವೇಳೆಗೆ 700 ಶತಕೋಟಿ ಡಾಲರ್ (58 ಲಕ್ಷ ಕೋಟಿ)ಗೆ ತಲುಪುವ ನಿರೀಕ್ಷೆಯಿದೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ: 1 ಎಸೆತದಲ್ಲಿ 286 ರನ್​ ಕಲೆಹಾಕಿದ ತಂಡ​: ಕ್ರಿಕೆಟ್ ಇತಿಹಾಸದಲ್ಲೇ ಯಾರು ಕೇಳರಿಯದ ವಿಚಿತ್ರ ದಾಖಲೆ ಇದು! - 1 ball 286 run