SMAT 2024: ಟೀಂ ಇಂಡಿಯಾದ ಯುವ ಸ್ಪೋಟಕ ಹಿಟ್ಟರ್ ಅಭಿಷೇಕ್ ಶರ್ಮಾ ಫಾರ್ಮ್ಗೆ ಮರಳಿದ್ದಾರೆ. ಇತ್ತೀಚೆಗೆ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದಿದ್ದ ಟಿ20ಯಲ್ಲಿ ಫಾರ್ಮ್ ಕಳೆದುಕೊಂಡಿದ್ದ ಅಭಿಷೇಕ್ ಇದೀಗ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ಶರವೇಗದ ಶತಕ ಸಿಡಿಸಿ ಘರ್ಜಿಸಿದ್ದಾರೆ.
ಕೇವಲ 28 ಎಸೆತಗಳಲ್ಲಿ ಶತಕ ಸಿಡಿಸಿದ ವೀರ: ಇಂದು ನಡೆದ ಪಂಜಾಬ್ ಮತ್ತು ಮೇಘಾಲಯ ತಂಡದ ನಡುವಿನ ಟಿ20 ಪಂದ್ಯದಲ್ಲಿ, ಪಂಜಾಬ್ ಪರ ಬ್ಯಾಟಿಂಗ್ ಮಾಡಿದ್ದ ಅಭಿಷೇಕ್ ಶರ್ಮಾ ಕೇವಲ 28 ಎಸೆತಗಳಲ್ಲಿ ಶತಕ ಸಿಡಿಸಿ ಪಂತ್ ಅವರ ದಾಖಲೆ ಮುರಿದಿದ್ದಾರೆ. ಇದರೊಂದಿಗೆ ಕೇವಲ ಒಂದು ವಾರದಲ್ಲೆ ಪಂತ್ ದಾಖಲೆ ಮುರಿದ ಎರಡನೇ ಬ್ಯಾಟರ್ ಎನಿಸಿಕೊಂಡಿದ್ದಾರೆ. ಇದಕ್ಕೂ ಮೊದಲು ಉರ್ವೀಲ್ ಪಾಟೇಲ್ ಈ ಸಾಧನೆ ಮಾಡಿದ್ದರು.
ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಮೇಘಾಲಯ ತಂಡ 20 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 142 ರನ್ ಗಳಿಸಿತು. ಇದಕ್ಕುತ್ತರವಾಗಿ ಪಂಜಾಬ್, ಅಭಿಷೇಕ್ ಶರ್ಮಾ ಅವರ ಬಿರುಸಿನ ಶತಕದಿಂದಾಗಿ ಕೇವಲ 9.3 ಓವರ್‌ಗಳಲ್ಲಿ ಗುರಿಯನ್ನು ತಲುಪಿ ಗೆಲುವಿನ ನಗೆ ಬೀರಿತು. ಅಭಿಷೇಕ್ ಶರ್ಮಾ ಒಟ್ಟು 29 ಎಸೆತಗಳನ್ನು ಎದುರಿಸಿ 106 ರನ್ ಗಳಿಸಿದರು. ಅವರ ಇನ್ನಿಂಗ್ಸ್‌ನಲ್ಲಿ 11 ಸಿಕ್ಸರ್ ಮತ್ತು 8 ಬೌಂಡರಿಗಳನ್ನು ಬಾರಿಸಿದ್ದಾರೆ. ಪಂದ್ಯದ ಕೊನೆಯಲ್ಲಿ, ಅವರ ಸ್ಟ್ರೈಕ್ ರೇಟ್ 365 ಕ್ಕಿಂತ ಹೆಚ್ಚಿತ್ತು.
ಉರ್ವಿಲ್ ಕೂಡಾ 28 ಎಸೆತಗಳಲ್ಲಿ ಬಾರಿಸಿದ್ದರು ಸೆಂಚುರಿ: ಕಳೆದ ಮೂರು ದಿನಗಳ ಹಿಂದೆ ಗುಜರಾತ್ ಪರ ಆಡುತ್ತಿದ್ದ ಉರ್ವಿಲ್ ಪಟೇಲ್ ಕೂಡ 28 ಎಸೆತಗಳಲ್ಲಿ ಶತಕ ಸಿಡಿಸುವ ಮೂಲಕ ರಿಷಬ್ ಪಂತ್ ದಾಖಲೆ ಮುರಿದಿದ್ದರು. ಪಂತ್ 32 ಎಸೆತಗಳಲ್ಲಿ ಶತಕ ಬಾರಿಸಿ ದಾಖಲೆ ನಿರ್ಮಿಸಿದ್ದರು, ಇದೀಗ ಈ ದಾಖಲೆಯನ್ನು ಕೆಲವೇ ದಿನಗಳ ಅಂತರದಲ್ಲಿ ಎರಡನೇ ಬಾರಿಗೆ ಮುರಿದಿದೆ.
ಹೆಚ್ಚಿನ ಸ್ಟ್ರೈಕ್ ರೇಟ್: ಏತನ್ಮಧ್ಯೆ, ಸ್ಟ್ರೈಕ್ ರೇಟ್ ಬಗ್ಗೆ ನೋಡುವುದಾದರೇ, ಅಭಿಷೇಕ್ ಶರ್ಮಾ ಅಗ್ರಸ್ಥಾನದಲ್ಲಿದ್ದಾರೆ. ಉಳಿದಂತೆ ಸಾಹಿಲ್ ಚೌಹಾಣ್ 351.21 ಸ್ಟ್ರೈಕ್ ರೇಟ್ನೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಇನ್ನು ತ್ರಿಪುರಾ ವಿರುದ್ಧ ಉರ್ವಿಲ್ ಪಟೇಲ್ ಸ್ಫೋಟಕ ಶತಕ ಸಿಡಿಸಿದ ಅವರ ಸ್ಟ್ರೈಕ್ ರೇಟ್ 322.85 ಆಗಿತ್ತು. ಅದೇನೆಂದರೆ, ಸ್ಟ್ರೈಕ್ ರೇಟ್‌ನಲ್ಲಿ ನೋಡಿದರೆ, ಅವರು ಅತ್ಯಂತ ವೇಗವಾಗಿ ಶತಕ ಗಳಿಸಿದ ಬ್ಯಾಟ್ಸ್‌ಮನ್, ಆದರೆ ಅಂತಹ ದಾಖಲೆಗಳನ್ನು ಹೆಚ್ಚು ಲೆಕ್ಕಿಸುವುದಿಲ್ಲ. ಶತಕ ಪೂರೈಸಿದಾಗ ಬ್ಯಾಟ್ಸ್‌ಮನ್ ಎಷ್ಟು ಎಸೆತಗಳನ್ನು ಎದುರಿಸಿದ್ದರು ಎಂಬುದನ್ನು ಚೆಂಡುಗಳನ್ನು ನೋಡಲಾಗುತ್ತದೆ.
ಇದನ್ನೂ ಓದಿ: 2ನೇ ಟೆಸ್ಟ್: ಟೀಂ ಇಂಡಿಯಾಗೆ ಮರಳಲಿರುವ ಪ್ರಮುಖ ಆಟಗಾರರು; ಕನ್ನಡಿಗ ಸೇರಿ ಇಬ್ಬರು ಔಟ್!
