ಟೀಂ ಇಂಡಿಯಾವನ್ನು ಚಾಂಪಿಯನ್​ ಮಾಡಿದ ಕಿಂಗ್​ ಕೊಹ್ಲಿಗಾಗಿ ರಥಯಾತ್ರೆ ನಡೆಸಿದ ಅಭಿಮಾನಿಗಳು! - Rath Yatra for Virat Kohli

ಟೀಂ ಇಂಡಿಯಾದ ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿಗಾಗಿ ಅಭಿಮಾನಿಗಳು ರಥಯಾತ್ರೆ ನಡೆಸಿ ತಮ್ಮ ಅಭಿಮಾನ ಸಾರಿದ್ದಾರೆ.

ನವದೆಹಲಿ: 2024ರ ಟಿ-20 ವಿಶ್ವಕಪ್ ಟ್ರೋಫಿ ಗೆಲುವಿನ ನಂತರ ಟೀಂ ಇಂಡಿಯಾದ ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಗುಡ್​ಬಾಯ್​ ಹೇಳಿದ್ದರು. ಇದರ ನಡುವೆ ವಿರಾಟ್‌ಗಾಗಿ ಅಭಿಮಾನಿಗಳು ರಥಯಾತ್ರೆ ನಡೆಸಿ ತಮ್ಮ ಅಭಿಮಾನ ಮೆರೆದಿದ್ದಾರೆ.

The 'Viratrath' during the Rath Yatra for Virat Kohli. 🌟

- King Kohli, the crowd favourite! pic.twitter.com/22HW9hNVBl

— Mufaddal Vohra (@mufaddal_vohra) July 8, 2024

ಸದ್ಯ ಈ ಕುರಿತ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ, ವಾಹನವೊಂದರಲ್ಲಿ ಕಿಂಗ್ ಕೊಹ್ಲಿಯ ಭಾವಚಿತ್ರಗಳು ಮತ್ತು ಬ್ಯಾನರ್​ಗಳನ್ನು ಅಳವಡಿಸಿ ಅಭಿಮಾನಿಗಳು ಯಾತ್ರೆ ನಡೆಸಿದ್ದಾರೆ. ಜೊತೆಗೆ ಇಡೀ ವಾಹನಕ್ಕೆ ತ್ರಿವರ್ಣ ಧ್ವಜವನ್ನು ಹೊದಿಸಿರುವ ಅಭಿಮಾನಿಗಳು ಟೀಂ ಇಂಡಿಯಾ ಜೆರ್ಸಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ವಿಡಿಯೋ ಎಲ್ಲಿಂದ ಬಂದಿದೆ ಮತ್ತು ವಿರಾಟ್ ಅಭಿಮಾನಿಗಳು ಅವರಿಗಾಗಿ ರಥಯಾತ್ರೆಯನ್ನು ಎಲ್ಲಿ ನಡೆಸಿದ್ದಾರೆ ಎಂಬುದು ನಿಖರವಾಗಿ ತಿಳಿದು ಬಂದಿಲ್ಲ.

Virat Rath during Rathyatra procession🔥 pic.twitter.com/FJwevjwM2U

— Virat Kohli Fan Club (@Trend_VKohli) July 8, 2024

ಫೈನಲ್​ನಲ್ಲಿ ಮಿಂಚಿದ್ದ ಕೊಹ್ಲಿ: 2024ರ ಟಿ20 ವಿಶ್ವಕಪ್‌ನ ಫೈನಲ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ 76 ರನ್‌ಗಳ ಅದ್ಭುತ ಇನ್ನಿಂಗ್ಸ್ ಆಡುವ ಮೂಲಕ ಭಾರತವನ್ನು ಚಾಂಪಿಯನ್ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಟಿ20 ವಿಶ್ವಕಪ್‌ನಲ್ಲಿ 8 ಪಂದ್ಯಗಳನ್ನು ಆಡಿದ್ದ ಅವರು 1 ಅರ್ಧಶತಕದ ಸಹಾಯದಿಂದ 151 ರನ್ ಗಳಿಸಿದ್ದರು. ವಿರಾಟ್ ಭಾರತದ ಪರ 125 ಟಿ20 ಪಂದ್ಯಗಳನ್ನಾಡಿದ್ದು, 1 ಶತಕ ಮತ್ತು 38 ಅರ್ಧಶತಕಗಳೊಂದಿಗೆ 4188 ರನ್ ಗಳಿಸಿದ್ದಾರೆ. 125 ಅವರು ಭಾರಿಸಿದ ಅತ್ಯುತ್ತಮ ಸ್ಕೋರ್ ಆಗಿದೆ. ಟಿ-20ಯಲ್ಲಿ ಕೊಹ್ಲಿ ಅವರ ಸರಾಸರಿ 48.7 ರನ್​ ಗಳಿಸಿದ್ದಾರೆ ಮತ್ತು ಸ್ಟ್ರೈಕ್ ರೇಟ್ 137.0 ಹೊಂದಿದ್ದಾರೆ.

ಇದನ್ನೂ ಓದಿ: 52ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿ 'ಪ್ರಿನ್ಸ್ ಆಫ್ ಕೋಲ್ಕತ್ತಾ' - Sourav Ganguly Birthday