ಪ್ಯಾರಿಸ್: ಭಾರತದ ಸ್ಟಾರ್ ಷಟ್ಲರ್ ಪಿ.ವಿ.ಸಿಂಧು ಗೆಲುವಿನೊಂದಿಗೆ ಪ್ಯಾರಿಸ್ ಒಲಿಂಪಿಕ್ಸ್ ಅಭಿಯಾನ ಆರಂಭಿಸಿದ್ದಾರೆ. ಇಂದು ನಡೆದ ಮಹಿಳೆಯರ ಸಿಂಗಲ್ಸ್ ಬ್ಯಾಡ್ಮಿಂಟನ್ ಪಂದ್ಯದಲ್ಲಿ ಸಿಂಧು, ಮಾಲ್ಡೀವ್ಸ್ ಆಟಗಾರ್ತಿ ಫಾತಿಮತ್‌ ನಬಾಹ್‌ ಅಬ್ದುಲ್ ರಜಾಕ್ ಅವರನ್ನು 21-9, 21-6 ನೇರ ಸೆಟ್‌ಗಳಿಂದ ಮಣಿಸಿದರು.
Super Sindhu works her magic as she opens her #Paris2024 campaign with a win over Maldives'🇲🇻 Fathimath Nabaaha Abdul Razzaq.
— SAI Media (@Media_SAI) July 28, 2024
The star shuttler will next face Estonia’s🇪🇪 Kristin Kubba on July 31st!
Keep chanting #Cheer4Bharat, and let’s cheer for Sindhu. pic.twitter.com/Lamo0X38Wy
ಮೊದಲ ಸೆಟ್‌ನಲ್ಲಿ 13ನೇ ಶ್ರೇಯಾಂಕಿತ ಆಟಗಾರ್ತಿ ಪಿ.ವಿ.ಸಿಂಧು ಎದುರಾಳಿ ಆಟಗಾರ್ತಿಗೆ ಹಲವು ಅವಕಾಶಗಳನ್ನು ನೀಡಿದರು. ಸೆಟ್‌ನ ಆರಂಭದಲ್ಲಿ 3-3ರಲ್ಲಿ ಸಮಬಲಗೊಂಡಿತ್ತು. ಇದಾದ ಬಳಿಕ ಮಾಲ್ಡೀವ್ಸ್ ಆಟಗಾರ್ತಿಗೆ ಯಾವುದೇ ಅವಕಾಶ ನೀಡದ ಸಿಂಧು, ಮಧ್ಯ ವಿರಾಮದವರೆಗೂ 11-4 ಅಂಕಗಳೊಂದಿಗೆ 7 ಅಂಕಗಳ ಮುನ್ನಡೆ ಸಾಧಿಸಿದರು. ವಿರಾಮದ ನಂತರವೂ ಅದ್ಭುತ ಪ್ರದರ್ಶನ ಮುಂದುವರಿಸಿ ಮೊದಲ ಸೆಟ್ ಅನ್ನು 21-9 ಅಂತರದಿಂದ ಗೆದ್ದುಕೊಂಡರು.
ಎರಡನೇ ಸೆಟ್ನಲ್ಲೂ ಅಕ್ರಮಣಕಾರಿ ಸ್ಮ್ಯಾಷ್ಗಳೊಂದಿಗೆ ಸಿಂಧು, ವಿಶ್ವ ರ‍್ಯಾಂಕಿಂಗ್‌ನಲ್ಲಿ 99ನೇ ಸ್ಥಾನದ ಮಾಲ್ಡೀವ್ಸ್‌ನ ಅಬ್ದುಲ್ ರಜಾಕ್ ಮೇಲೆ ಒತ್ತಡ ಹೇರಲು ಆರಂಭಿಸಿದರು. ಪಂದ್ಯದ ಕೊನೆಯವರೆಗೂ ಎದುರಾಳಿ ಮೇಲೆ ಸವಾರಿ ಮಾಡಿ 21-6 ಅಂತರದಿಂದ ಗೆದ್ದು ಬೀಗಿದರು.
ಈ ಹಿಂದೆ ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕೆ ಬೆಳ್ಳಿ ಮತ್ತು ಕಂಚಿನ ಪದಕ ತಂದುಕೊಟ್ಟಿರುವ ಸಿಂಧು, ಈ ಬಾರಿ ಚಿನ್ನದ ಪದಕ ನಿರೀಕ್ಷೆಯಲ್ಲಿದ್ದಾರೆ.
ಇದನ್ನೂ ಓದಿ: ಒಲಿಂಪಿಕ್ಸ್ ಬಾಕ್ಸಿಂಗ್: ವಿಯೆಟ್ನಾಂ ವಿರುದ್ದ ಪ್ರೀತಿ 'ಪವಾರ್'ಫುಲ್! ಪ್ರೀ ಕ್ವಾರ್ಟರ್ ಫೈನಲ್ ಪ್ರವೇಶ - Preeti Pawar
