Mike Tyson vs Jake Paul: 58 ವರ್ಷದ ಲೆಜೆಂಡರಿ ಬಾಕ್ಸರ್ ಮೈಕ್ ಟೈಸನ್ ಬಾಕ್ಸಿಂಗ್ ಸ್ಪರ್ಧೆಯಲ್ಲಿ ಸೋಲನುಭವಿಸಿದ್ದಾರೆ. ಸುಮಾರು 19 ವರ್ಷಗಳ ನಂತರ ಬಾಕ್ಸಿಂಗ್ಗೆ ಪ್ರವೇಶಿಸಿದ್ದ ಮೈಕ್ ಟೈಸನ್ ಅವರನ್ನು ಜೇಕ್ ಪಾಲ್ ಸೋಲಿಸಿದ್ದಾರೆ. ಈ ಪಂದ್ಯದಲ್ಲಿ ಜೇಕ್ ಪಾಲ್ 74-78 ಅಂತರದಿಂದ ಮೈಕ್ ಟೈಸನ್ ಅವರನ್ನು ಸೋಲಿಸಿದರು.
ಆರಂಭಿಕ ಎರಡು ಸುತ್ತುಗಳಲ್ಲಿ ಮೈಕ್ ಟೈಸನ್ ಪ್ರಾಬಲ್ಯ ಮೆರೆದರು. ಆದರೆ ಈ ಆಟವನ್ನು ಕೊನೆಯವರೆಗೂ ಉಳಿಸಿಕೊಳ್ಳಲು ಅವರಿಗೆ ಸಾಧ್ಯವಾಗಲಿಲ್ಲ. ಇದರೊಂದಿಗೆ ಯುವ ಬಾಕ್ಸರ್ ಜೇಕ್ ಪಾಲ್ (27 ವರ್ಷ) ಬಲಿಷ್ಠವಾಗಿ ಕಮ್ಬ್ಯಾಕ್ ಮಾಡಿ ಮೂರನೇ ಸುತ್ತಿನಿಂದ ಹಿಡಿತ ಸಾಧಿಸಲಾರಂಭಿಸಿದರು. ನಂತರ ಇಡೀ ಆಟದಲ್ಲಿ ಪ್ರಾಬಲ್ಯ ಸಾಧಿಸಿದರು.
A ringside look at #PaulTyson 👀 pic.twitter.com/WZlzvJ7gKX
— Netflix (@netflix) November 16, 2024
8 ಸುತ್ತು: ಮೈಕ್ ಟೈಸನ್ ಮತ್ತು ಜೇಕ್ ಪಾಲ್ ನಡುವೆ ಒಟ್ಟು 8 ಸುತ್ತಿನ ಸ್ಫರ್ಧೆ ನಡೆಯಿತು. ಪೌಲ್ ಆರು ಸುತ್ತುಗಳಲ್ಲಿ ಗೆಲುವು ಸಾಧಿಸಿದರೇ, ಮೈಕ್ ಟೈಸನ್ ಕೇವಲ ಎರಡು ಸುತ್ತುಗಳಲ್ಲಿ ಗೆದ್ದು ತೃಪ್ತಿಪಟ್ಟುಕೊಂಡರು. ಇದರೊಂದಿಗೆ ಪೌಲ್ 10-9, 10-9, 9-10, 9-10, 9-10, 9-10, 9-10, 9-10 ಅಂಕಗಳಿಂದ ಜಯಭೇರಿ ಬಾರಿಸಿದರು. ಪಂದ್ಯದ ನಂತರ, ಮೈಕ್ ಟೈಸನ್ - ಯುವ ಬಾಕ್ಸರ್ ಕಮ್ ಯೂಟ್ಯೂಬರ್ ಜೇಕ್ ಪೌಲ್ ಅವರನ್ನು ಅಭಿನಂದಿಸಿದರು. ಮೈಕ್ ಟೈಸನ್ ಕೊನೆಯ ಬಾರಿಗೆ 2005ರಲ್ಲಿ ಕೆವಿನ್ ವಿರುದ್ಧ ಸೋಲನುಭವಿಸಿದ್ದರು. ಈ ಪಂದ್ಯದ ಬಳಿಕ ಅವರು ವೃತ್ತಿಪರ ಬಾಕ್ಸಿಂಗ್ಗೆ ವಿದಾಯ ಹೇಳಿದ್ದರು.
Jake Paul and Mike Tyson at the end of 8 rounds. #PaulTyson pic.twitter.com/YFdcUrkPZk
— Netflix (@netflix) November 16, 2024
ಪಂದ್ಯಕ್ಕಾಗಿ ಪಡೆದ ಹಣ: ಈ ಸ್ಪರ್ಧೆಯಲ್ಲಿ ಭಾಗವಹಿಸಿಲು ಜೇಕ್ ಪೌಲ್ ಬರೋಬ್ಬರಿ 40 ಮಿಲಿಯನ್ ಡಾಲರ್ (ರೂ.337 ಕೋಟಿ) ಪಡೆದುಕೊಂಡಿದ್ದು, ಟೈಸನ್ ರೂ.168 ಕೋಟಿ ಪಡೆದುಕೊಂಡಿದ್ದಾರೆ ಎಂದು ವರದಿಗಳಾಗಿವೆ.
Prime @MikeTyson would have destroyed @jakepaul in 90 seconds. A 58yr-old Tyson went 8 rounds against a much fitter and very capable boxer half his age. Mock him all you like, but Mike’s got the heart of a lion, balls of steel, and will always be an absolute legend. pic.twitter.com/VdfUtn7Org
— Piers Morgan (@piersmorgan) November 16, 2024
ಯಾರು ಈ ಟೈಸನ್: ಅಮೆರಿಕದ ಲೆಜೆಂಡರಿ ಬಾಕ್ಸರ್ಗಳಲ್ಲಿ ಮೈಕ್ ಟೈಸನ್ ಕೂಡ ಒಬ್ಬರು. ಟೈಸನ್ 1987 ರಿಂದ 1990ರ ವರೆಗೆ ವಿಶ್ವ ಹೆವಿವೇಟ್ ಬಾಕ್ಸಿಂಗ್ ಚಾಂಪಿಯನ್ ಆಗಿ ದಾಖಲೆ ಬರೆದಿದ್ದಾರೆ. ಟೈಸನ್ ತಮ್ಮ ವೃತ್ತಿ ಜೀವನದಲ್ಲಿ ಒಟ್ಟು 59 ಪಂದ್ಯಗಳನ್ನು ಆಡಿ ಅದರಲ್ಲಿ 50 ಬಾರಿ ಗೆಲುವು ಸಾಧಿಸಿದ್ದಾರೆ. ಎಂಟು ಬಾರಿ ಸೋಲು ಮತ್ತು ಎರಡು ಪಂದ್ಯಗಳನ್ನು ಡ್ರಾ ಮಾಡಿಕೊಂಡಿದ್ದಾರೆ. ಜೇಕ್ ಪೌಲ್ ಒಟ್ಟು 12 ಬಾಕ್ಸಿಂಗ್ ಪಂದ್ಯಗಳನ್ನು ಆಡಿದ್ದು ಇದರಲ್ಲಿ 11 ಗೆಲುವು ಮತ್ತು ಒಂದು ಸೋಲು ಕಂಡಿದ್ದಾರೆ.
Jake Paul bows to Mike Tyson at the end of the match. #PaulTyson pic.twitter.com/FUQGZVyADQ
— Netflix (@netflix) November 16, 2024
ಇದನ್ನೂ ಓದಿ: ಎದುರಾಳಿ ಜ್ಯಾಕ್ ಪೌಲ್ಗೆ ಕಪಾಳಮೋಕ್ಷ ಮಾಡಿದ ಮೈಕ್ ಟೈಸನ್: ವಿಡಿಯೋ
