ಪ್ಯಾರಾಲಾಂಪಿಕ್​ 2024: ಭಾರತದ ಖಾತೆಗೆ 5ನೇ ಪದಕ; ಕಂಚಿಗೆ ಮುತ್ತಿಕ್ಕಿದ ಶೂಟರ್​ ರುಬಿನಾ ಫ್ರಾನ್ಸಿಸ್!​ - Paris Paralympics 2024

ಪ್ಯಾರಿಸ್​ ಪ್ಯಾರಾಲಿಂಪಿಕ್ಸ್​ ಶೂಟಿಂಗ್​ ಸ್ಪರ್ಧೆಯಲ್ಲಿ ಭಾರತದ ಪ್ಯಾರಾ ಶೂಟರ್​ ರುಬಿನಾ ಫ್ರಾನ್ಸಿಸ್​ 3ನೇ ಸ್ಥಾನ ಪಡೆದು ಕಂಚಿನ ಪದಕ ಗೆದ್ದುಕೊಂಡಿದ್ದಾರೆ. ಇವರು 211.1 ಅಂಕ ಗಳಿಸಿದರು.

ನವದೆಹಲಿ: ಪ್ಯಾರಿಸ್​ ಪ್ಯಾರಾಲಿಂಪಿಕ್​ ಕ್ರೀಡಾಕೂಟದ ಮೂರನೇ ದಿನವಾದ ಶನಿವಾರ ಭಾರತದ ಮಹಿಳಾ ಶೂಟರ್ ರುಬಿನಾ ಫ್ರಾನ್ಸಿಸ್​ ಕಂಚಿನ ಪದಕ ಗೆದ್ದಿದ್ದಾರೆ. ಈ ಮೂಲಕ ಭಾರತದ ಖಾತೆಗೆ 5ನೇ ಪದಕ ಸೇರ್ಪಡೆಗೊಂಡಿದೆ. ಮಹಿಳೆಯರ 10 ಮೀಟರ್​ ಏರ್​ ಪಿಸ್ತೂಲ್​ SH1 ಪಂದ್ಯದಲ್ಲಿ ಕಂಚಿನ ಪದಕ ಗೆದ್ದುಕೊಂಡಿದ್ದಾರೆ. ಫೈನಲ್​ ಹಣಾಹಣಿಯಲ್ಲಿ ರುಬಿನಾ ಫ್ರಾನ್ಸಿಸ್​ 211.1 ಅಂಕ ಗಳಿಸಿದರು. ಇರಾನ್​ನ ಜವನ್​ಮಾರ್ದಿ ಸರೆಹ್​ ಚಿನ್ನ ಮತ್ತು ಟರ್ಕಿಯ್​ ಓಜ್ಗನ್​ ಐಸೆಲ್ ಬೆಳ್ಳಿ ಪದಕ ಜಯಿಸಿದರು. ​ಸರೆಹ್​ 236.8 ಅಂಕ ಗಳಿಸಿದರೇ, ಐಸೆಲ್​ 231.1 ಅಂಕಗಳನ್ನು ಪಡೆದರು.

ಮಧ್ಯಪ್ರದೇಶದವರಾದ ರುಬಿನಾ ಪ್ಯಾರಾ ಸ್ಟೋರ್ಟ್​ ವಿಶ್ವಕಪ್​-2023ರಲ್ಲಿ 10 ಮೀಟರ್​ ಏರ್​ ಪಿಸ್ತೂಲ್​ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಗೆದ್ದಿದ್ದರು. 2017ರಲ್ಲಿ ಬ್ಯಾಂಕಾಕ್​ನಲ್ಲಿ ನಡೆದ ವಿಶ್ವ ಶೂಟಿಂಗ್​ ಪ್ಯಾರಾ ಸ್ಪೋರ್ಟ್ಸ್​ ಚಾಮಪಿಯನ್​ಶಿಪ್​ನಲ್ಲಿ ಚಿನ್ನದ ಪದಕ ಗೆದ್ದು ವಿಶ್ವ ದಾಖಲೆ ನಿರ್ಮಿಸಿದ್ದರು. 2019ರ ಕ್ರೋಯೇಷಿಯಾದಲ್ಲಿ ನಡೆದ ವಿಶ್ವ ಪ್ಯಾರಾ ಚಾಂಪಿಯನ್ಸ್​ಶಿಪ್​ನಲ್ಲಿ ಕಂಚಿನ ಪದಕಕ್ಕೆ ಕೊರಳೊಡ್ಡಿದ್ದರು.

And that's medal no. 5⃣ for 🇮🇳 at #ParisParalympics2024🤩🤩

Rubina Francis' magic prevails, she claims a #Bronze🥉in #ParaShooting P2 - Women's 10m Air Pistol SH1 event with a score of 211.1🥳🤩

She becomes 1st Indian female para-shooting athlete to win a medal in Pistol event.… pic.twitter.com/fieVplKhMD

— SAI Media (@Media_SAI) August 31, 2024

ಪ್ಯಾರಾಲಿಂಪಿಕ್​ ​ನಲ್ಲಿ ಇದಕ್ಕೂ ಮೊದಲು ಶೂಟಿಂಗ್‌ನಲ್ಲಿ ಭಾರತಕ್ಕೆ ಮೂರು ಪದಕಗಳು ಬಂದಿವೆ. ಅಥ್ಲೆಟಿಕ್ಸ್‌ನಲ್ಲಿ ಒಂದು ಪದಕ ಸಿಕ್ಕಿದೆ. ಶೂಟರ್​ ಅವನಿ ಲೆಖರಾ ಭಾರತಕ್ಕೆ ಮೊದಲ ಚಿನ್ನದ ಪದಕ ಗೆದ್ದರೇ, ಮೋನಾ ಅಗರ್ವಾಲ್ ಕಂಚಿನ ಪದಕ ಮುಡಿಗೇರಿಸಿಕೊಂಡರು. ಬಳಿಕ ಮನೀಷ್ ನರ್ವಾಲ್ ಶೂಟಿಂಗ್​ನಲ್ಲಿ ಮೂರನೇ ಪದಕ ತಂದುಕೊಟ್ಟರು. ಮನೀಶ್ ಬೆಳ್ಳಿ ಪದಕ ಗೆದ್ದುಕೊಂಡಿದ್ದಾರೆ. ಇವುಗಳ ಹೊರತಾಗಿ, ಪ್ರೀತಿ ಪಾಲ್ ಮಹಿಳೆಯರ 100 ಮೀಟರ್ಸ್ (ಟಿ35 - ಆಂಬ್ಯುಲೇಟರಿ ಅಥ್ಲೀಟ್) ಸ್ಪರ್ಧೆಯಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ.

ಇದನ್ನೂ ಓದಿ: 6,6,6,6,6,6 ;ಒಂದೇ ಓವರ್​ನಲ್ಲಿ ಆರು ಸಿಕ್ಸರ್​ ಸಿಡಿಸಿದ ಯುವ ಬ್ಯಾಟರ್: ಟಿ20 ಇತಿಹಾಸದಲ್ಲೇ ಅತೀ ಹೆಚ್ಚು ಸ್ಕೋರ್​ ದಾಖಲು! - Dehli Premier League