India vs England, Semi Final 2: ಭಾರತ-ಇಂಗ್ಲೆಂಡ್‌ ಸೆಮಿಫೈನಲ್‌ ಪಂದ್ಯಕ್ಕೆ ಮಳೆ ಅಡ್ಡಿ - T20 World Cup

ಟಿ20 ವಿಶ್ವಕಪ್‌ ಸೆಮಿ ಫೈನಲ್‌ನಲ್ಲಿ ಇಂದು ಭಾರತ ಮತ್ತು ಇಂಗ್ಲೆಂಡ್‌ ತಂಡಗಳು ಪೈಪೋಟಿ ನಡೆಸುತ್ತಿವೆ. ವೆಸ್ಟ್‌ ಇಂಡೀಸ್‌ನ ಗಯಾನದಲ್ಲಿ ಪಂದ್ಯ ನಡೆಯುತ್ತಿದೆ. ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದೆ. ಭಾರತ 2 ವಿಕೆಟ್‌ ನಷ್ಟಕ್ಕೆ 65 ರನ್‌ ಗಳಿಸಿದೆ.

ಜಾರ್ಜ್‌ಟೌನ್(ಗಯಾನ): ಟಿ20 ವಿಶ್ವಕಪ್‌ನ 2ನೇ ಸೆಮಿ ಫೈನಲ್ ಪಂದ್ಯದಲ್ಲಿ ಇಂದು ಭಾರತ ಮತ್ತು ಇಂಗ್ಲೆಂಡ್‌ ತಂಡಗಳು ಮುಖಾಮುಖಿಯಾಗಿದ್ದು, ಪಂದ್ಯಕ್ಕೆ ಮಳೆರಾಯನ ತೊಂದರೆ ಎದುರಾಗಿದೆ. ಭಾರತ 8 ಓವರ್‌ಗಳಲ್ಲಿ 2 ವಿಕೆಟ್‌ ನಷ್ಟಕ್ಕೆ 65 ರನ್ ಗಳಿಸಿ ಆಡುತ್ತಿತ್ತು. ಈ ಸಂದರ್ಭದಲ್ಲಿ ಜೋರಾಗಿ ಮಳೆ ಸುರಿಯಿತು. ಹೀಗಾಗಿ, ಅಂಪೈರ್‌ಗಳು ಪಂದ್ಯವನ್ನು ತಾತ್ಕಾಲಿಕವಾಗಿ ನಿಲ್ಲಿಸಿದರು. ನಾಯಕ ರೋಹಿತ್ ಶರ್ಮಾ ಹಾಗು ಸೂರ್ಯ ಕುಮಾರ್ ಯಾದವ್ ಕ್ರೀಸ್‌ನಲ್ಲಿದ್ದಾರೆ. ರೋಹಿತ್‌ 37 ರನ್ ಹಾಗು ಸೂರ್ಯ 13 ರನ್‌ ಗಳಿಸಿ ಆಡುತ್ತಿದ್ದಾರೆ.

Guyana 📍

The toss between India and England has been delayed due to rain ☔#T20WorldCup | #INDvENG | 📝: https://t.co/2sfIlht8DR pic.twitter.com/1avGhsIca5

— T20 World Cup (@T20WorldCup) June 27, 2024

ಇದಕ್ಕೂ ಮುನ್ನ ಮಳೆಯಿಂದಾಗಿ ಪಂದ್ಯ 1 ಗಂಟೆ ತಡವಾಗಿ ಆರಂಭವಾಯಿತು. ಮೊದಲು ಬ್ಯಾಟ್ ಮಾಡಲು ಕಣಕ್ಕಿಳಿದ ಭಾರತ ತಂಡ, ಆರಂಭಿಕ ವಿರಾಟ್ ಕೊಹ್ಲಿ ವಿಕೆಟ್‌ ಕಳೆದುಕೊಂಡಿತು. ನಂತರ ಕ್ರೀಸ್‌ನಲ್ಲಿ ಜೊತೆಯಾದ ರಿಷಬ್ ಪಂತ್‌ ಕೂಡಾ ಬಂದ ದಾರಿಗೆ ಸುಂಕವಿಲ್ಲ ಎಂಬಂತೆ ಪೆವಿಲಿಯನ್ ಕಡೆಗೆ ಹೆಜ್ಜೆ ಹಾಕಿದರು.

ವಿರಾಟ್​ ಕೊಹ್ಲಿ ವೈಫಲ್ಯ ಮುಂದುವರಿಕೆ: ಸೆಮಿಫೈನಲ್​ನಂತಹ ಮಹತ್ವದ ಪಂದ್ಯದಲ್ಲಿ ಸ್ಟಾರ್​ ಪ್ಲೇಯರ್​ ವಿರಾಟ್​ ಕೊಹ್ಲಿ ಸಿಡಿಯುತ್ತಾರೆ ಎಂಬ ಮಹದಾಸೆ ಇಟ್ಟುಕೊಂಡಿದ್ದ ಅಭಿಮಾನಿಗಳಿಗೆ ಆಟಗಾರ ಮತ್ತೆ ನಿರಾಸೆ ಮೂಡಿಸಿದರು. 9 ಎಸೆತಗಳಲ್ಲಿ 1 ಸಿಕ್ಸರ್​ ಸಮೇತ 9 ರನ್​ಗೆ ರೀಸ್​ ಟಾಪ್ಲೆಗೆ ಕ್ಲೀನ್​ಬೌಲ್ಡ್​ ಆದರು. ಶತಕಗಳ ಮೇಲೆ ಶತಕ ಬಾರಿಸಿ, ಐಪಿಎಲ್​ನಲ್ಲಿ ಅಬ್ಬರಿಸಿದ್ದ ಆಟಗಾರ ವಿಕೆಟ್​​ ನೀಡಿ ದುಬಾರಿಯಾದರು. ಟೂರ್ನಿಯಲ್ಲಿ ಆಡಿದ 7 ಇನಿಂಗ್ಸ್​ಗಳಲ್ಲಿ ಕೊಹ್ಲಿ ಕೇವಲ 75 ರನ್​ ಮಾತ್ರ ಗಳಿಸಿದ್ದಾರೆ. ಬಾಂಗ್ಲಾದೇಶ ವಿರುದ್ಧ 37 ರನ್​ ಗಳಿಸಿದ್ದೇ ಅತ್ಯಧಿಕವಾಗಿದೆ.

Rain returns in Guyana 🌧️

India score 65/2 in eight overs as the players head back to the sheds.#T20WorldCup | #INDvENG | 📝: https://t.co/3odRVPD62W pic.twitter.com/z9Cg2z8JU7

— T20 World Cup (@T20WorldCup) June 27, 2024

ಮಳೆ ಪಂದ್ಯ ನಿಂತರೆ ಏನಾಗುತ್ತೆ?: ಗಯಾನದಲ್ಲಿ ಆಗಾಗ್ಗೆ ಮಳೆ ಬೀಳುತ್ತಿದ್ದು, ಪಂದ್ಯಕ್ಕೆ ಪದೇ ಪದೆ ಅಡ್ಡಿಯಾಗುತ್ತಿದೆ. ಇತ್ತಂಡಗಳ ನಡುವಿನ ಸೆಮಿಫೈನಲ್​ಗೆ ಮೀಸಲು ದಿನದ ಅವಕಾಶವಿಲ್ಲ. ಹೀಗಾಗಿ ಇಂದೇ ಪಂದ್ಯದ ಫಲಿತಾಂಶ ಬರಬೇಕಿದೆ. ಭಾರತೀಯ ಕಾಲಮಾನದ ಪ್ರಕಾರ ರಾತ್ರಿ ಪಂದ್ಯ ನಡೆಯುತ್ತಿದ್ದರೆ, ಅಲ್ಲಿ (ವೆಸ್ಟ್​ ಇಂಡೀಸ್​) ಮಧ್ಯಾಹ್ನದ ಸಮಯವಾಗಿದೆ. ಹೀಗಾಗಿ ಪಂದ್ಯಕ್ಕೆ ಮಳೆ ಸತತ ಅಡ್ಡಿಯುಂಟು ಮಾಡಿದಲ್ಲಿ ಹೆಚ್ಚುವರಿ ಸಮಯವಾಗಿ 250 ನಿಮಿಷ ನೀಡಲಾಗಿದೆ.

ಹಾಗೊಂದು ವೇಳೆ ಈ ಸಮಯ ಮೀರಿಯೂ ಮಳೆ ಸುರಿದಲ್ಲಿ ಕೊನೆಯ ನಿಮಿಷಗಳಲ್ಲಿ ಸೂಪರ್​ ಓವರ್​ ಆಡಿಸಲಾಗುತ್ತದೆ. ಇದಕ್ಕೂ ಅವಕಾಶ ಸಿಗದಿದ್ದಲ್ಲಿ ನಿಯಮದ ಪ್ರಕಾರ, ಸೂಪರ್​-8 ಹಂತದಲ್ಲಿ ಅಗ್ರಸ್ಥಾನ ಪಡೆದ ತಂಡ ನೇರವಾಗಿ ಫೈನಲ್​ಗೆ ಅರ್ಹತೆ ಪಡೆಯುತ್ತದೆ. ಅಂದರೆ ಎ ಗುಂಪಿನಲ್ಲಿ ಭಾರತ ತಂಡ ಮೂರು ಪಂದ್ಯಗಳಲ್ಲಿ ಗೆದ್ದು ಮೊದಲ ಸ್ಥಾನದಲ್ಲಿದ್ದು, ಫೈನಲ್​ ಟಿಕೆಟ್​ ಪಡೆಯಲಿದೆ. ಆಗ ಇಂಗ್ಲೆಂಡ್​ ಮನೆಯ ಹಾದಿ ಹಿಡಿಯಲಿದೆ.

Rain 🌧️ stops play in Guyana! #TeamIndia 65/2 after 8 overs.

Stay Tuned!

Follow The Match ▶️ https://t.co/1vPO2Y5ALw#T20WorldCup | #INDvENG pic.twitter.com/BKfFD04FxV

— BCCI (@BCCI) June 27, 2024

ಇದನ್ನೂ ಓದಿ: T20 World cup: ಇಂದು ವಿಶ್ವಕಪ್ ಸೆಮಿಸ್​ನಲ್ಲಿ ಭಾರತ Vs ಇಂಗ್ಲೆಂಡ್​​ ಫೈಟ್​: ಹವಾಮಾನ ವರದಿ ಹೀಗಿದೆ! - IND Vs ENG Semi Final