ಜೈಸ್ವಾಲ್​ ಕೆಣಕಿ ಚೆಂಡಿನಿಂದ ಹೊಡೆಸಿಕೊಂಡ 19 ವರ್ಷದ ಸ್ಯಾಮ್​ ಕಾನ್​ಸ್ಟಾಸ್​​: ವಿಡಿಯೋ ವೈರಲ್​

ಆಸೀಸ್​​- ಭಾರತದ ಪಂದ್ಯದಲ್ಲಿ ಸ್ಲೆಡ್ಜಿಂಗ್​ ಸಹಜ. ಅದು ಮಿತಿಮೀರಿ ಘರ್ಷಣೆಯೂ ನಡೆದಿದೆ. 4ನೇ ಟೆಸ್ಟ್​ ಪಂದ್ಯದ ವೇಳೆ ಭಾರತದ ಜೈಸ್ವಾಲ್​ ಕೆಣಕಿ ಆಸೀಸ್​ ಆಟಗಾರ ಬೆಪ್ಪಾಗಿದ್ದಾನೆ.

Jaiswal vs Sam Constas Viral Video: ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿ (MCG) ನಡೆಯುತ್ತಿರುವ ನಾಲ್ಕನೇ ಟೆಸ್ಟ್ ಪಂದ್ಯದ ಐದನೇ ದಿನದಂದು ಟೀಂ ಇಂಡಿಯಾದ ಆರಂಭಿಕ ಬ್ಯಾಟ್ಸ್‌ಮನ್ ಯಶಸ್ವಿ ಜೈಸ್ವಾಲ್ ಅವರು ಸ್ಲೆಡ್ಜಿಂಗ್​ ಮಾಡುತ್ತಿದ್ದ ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ 19 ವರ್ಷದ ಸ್ಯಾಮ್ ಕಾನ್​ಸ್ಟಾಸ್​ಗೆ ತಕ್ಕ ಉತ್ತರ ನೀಡಿದ್ದಾರೆ.

ಸಿಲ್ಲಿ ಪಾಯಿಂಟ್​ನಲ್ಲಿ ಫೀಲ್ಡಿಂಗ್​ ಮಾಡುತ್ತಿದ್ದ ಕಾನ್​ಸ್ಟಾಸ್​ ಬ್ಯಾಟಿಂಗ್​ ಮಾಡುತ್ತಿದ್ದ ಜೈಸ್ವಾಲ್​ ಅವರ ಗಮನ ಬೇರೆಡೆ ಸೆಳೆಯಲು ಪ್ರಯತ್ನಿಸಿದ್ದಾನೆ. ಅಲ್ಲದೇ ಪ್ರತಿ ಬೌಲಿಂಗ್​ ವೇಳೆ ಕೂಗಾಡುತ್ತ ಜೈಸ್ವಾಲ್​ ಅವರ ಏಕಾಗ್ರತೆಗೆ ಭಂಗ ತರಲು ಯತ್ನಿಸಿದ್ದಾನೆ. ಇದರಿಂದ ಕುಪಿತಗೊಂಡ ಜೈಸ್ವಾಲ್​ " ಮೊದಲು ನಿನ್ನ ಕೆಲಸವನ್ನು ನೆಟ್ಟಗೆ ಮಾಡು" ಎಂದು ಮಾತಿನಿಂದ ಚಾಟಿ ಬೀಸಿದ್ದಾರೆ.

ಇಷ್ಟಕ್ಕೆ ಸುಮ್ಮನಾಗದ ಜೈಸ್ವಾಲ್​ ಮುಂದಿನ ಎಸೆತದಲ್ಲಿ, ಸ್ಯಾಮ್​ ಕಾನ್​ಸ್ಟಾಸ್​ ಕಡೆ ಬಲವಾಗಿ ಹೊಡೆದಿದ್ದಾರೆ. ಚೆಂಡು ನೇರವಾಗಿ ಹೋಗಿ ಕಾನ್​ಸ್ಟಾಸ್​ ದೇಹಕ್ಕೆ ಬಲವಾಗಿ ತಾಗಿದೆ. ಚೆಂಡು ಬಿದ್ದ ರಭಸಕ್ಕೆ ನೋವುಂಟಾದರೂ, ಅದನ್ನು ತೋರಿಸಿಕೊಂಡರೆ ಎಲ್ಲಿ ಮರ್ಯಾದೆ ಹೋಗುತ್ತೆ ಎಂದು ತುಟಿ ಪಿಟಕ್​ ಅನ್ನದೆ ಕಾನ್​ಸ್ಟಾಸ್​ ಫೀಲ್ಡಿಂಗ್​ ಮುಂದುವರೆಸಿದ್ದಾರೆ. ಜೈಸ್ವಾಲ್​ ಕೊಟ್ಟ ಉತ್ತರಕ್ಕೆ ಫ್ಯಾನ್ಸ್​ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸಿದೆ.

Sam Konstas sledging Yashasvi Jaiswal & then Yashasvi Jaiswal replied to him:

Jaiswal- " do your job. why you are talking?".

- yashasvi jaiswal you beauty..!!! 🙇👌pic.twitter.com/FgmjZDijBS

— Tanuj Singh (@ImTanujSingh) December 30, 2024

ವಿವಾದಿತ ತೀರ್ಪಿಗೆ ಬಲಿಯಾದ ಜೈಸ್ವಾಲ್​ ; ಏತನ್ಮಧ್ಯೆ, ಜೈಸ್ವಾಲ್​ ಎರಡನೇ ಇನ್ನಿಂಗ್ಸ್​ನಲ್ಲಿ ಅದ್ಭುತ ಪ್ರದರ್ಶನ ತೋರಿದರು. ಆದರೇ 70.5ನೇ ಓವರ್​ನಲ್ಲಿ ವಿವಾದಾತ್ಮಕ ತೀರ್ಪಿನಿಂದಾಗಿ 84 ರನ್‌ಗಳಿಗೆ ಔಟಾಗಿ ಪೆವಿಲಿಯನ್​ ಸೇರಿದರು. ಇದರೊಂದಿಗೆ 4ನೇ ಪಂದ್ಯದಲ್ಲಿ ಎರಡನೇ ಬಾರಿಗೆ ಶತಕ ವಂಚಿತರಾದರು.

ಇನಿಂಗ್ಸ್‌ನ 71ನೇ ಓವರ್‌ನಲ್ಲಿ ಪ್ಯಾಟ್ ಕಮಿನ್ಸ್ ಅವರ ಎಸೆದ ಲೆಗ್‌ಸೈಡ್‌ ಬೌನ್ಸರ್‌ ಬಾಲ್​ ಪುಲ್​ ಮಾಡಲು ಜೈಸ್ವಾಲ್​ ಯತ್ನಿಸಿದ್ದರು. ಆದರೇ ಬೌಲ್​ ಮಿಸ್​ ಆಗಿ ಕೀಪರ್ ಕೈ ಸೇರಿತ್ತು. ಬಳಿಕ ಆಸೀಸ್ ಪಡೆ ಔಟ್​ಗಾಗಿ ಮನವಿ ಮಾಡಿತ್ತು. ಆದ್ರೆ ಫೀಲ್ಡ್ ಅಂಪೈರ್ ಅವರ ಮನವಿಯನ್ನು ತಿರಸ್ಕರಿಸಿದ್ದರು. ಆಗ ಆಸೀಸ್​ ನಾಯಕ ಪ್ಯಾಟ್​ ಕಮ್ಮಿನ್ಸ್ ತಕ್ಷಣವೇ DRS ತೆಗೆದುಕೊಂಡರು.

ಈ ವೇಳೆ ಮೂರನೇ ಅಂಪೈರ್ ಬೌಲ್​ ಟ್ರಾಕಿಂಗ್​ ಮಾಡುವಾಗ ಚೆಂಡು ಬ್ಯಾಟ್‌ಗೆ ತಾಕಿದ್ದು ಕಂಡು ಬಂದಿರಲಿಲ್ಲ. ಅಲ್ಲದೇ ಸ್ನಿಕೋ ಮೀಟರ್​ನಲ್ಲೂ ಯಾವುದೇ ಸ್ಪೈಕ್‌ಗಳು ಕಾಣಿಸಿಕೊಂಡಿರಲಿಲ್ಲ. ಕೇವಲ ಚೆಂಡಿನಲ್ಲಿ ವೇರಿಯೇಷನ್​ ಕಂಡು ಬಂದ ಕಾರಣ ಮೂರನೇ ಅಂಪೈರ್ ಔಟ್ ಎಂದು ಘೋಷಿಸಿದ್ದರು. ಇದು ಭಾರೀ ಚರ್ಚೆ ಹುಟ್ಟುಹಾಕಿದೆ.

ಇದನ್ನೂ ಓದಿ: 4ನೇ ಟೆಸ್ಟ್​ ಸೋತರೂ WTC ಫೈನಲ್​ ತಲುಪಲು ಭಾರತಕ್ಕಿರೋದು ಇದೋಂದೆ ದಾರಿ: ಹೀಗಾದ್ರೆ ಫೈನಲ್​ ಫಿಕ್ಸ್​!