ನವದೆಹಲಿ: ಮಹಿಳಾ ಟಿ20 ವಿಶ್ವಕಪ್ 2024ರ ಪರಿಷ್ಕೃತ ವೇಳಾಪಟ್ಟಿಯನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಸೋಮವಾರ ಪ್ರಕಟಿಸಿದೆ. ಈ ಹೊಸ ವೇಳಾಪಟ್ಟಿಯ ಪ್ರಕಾರ ಅಕ್ಟೋಬರ್ 3 ರಿಂದ ದುಬೈನಲ್ಲಿ ವಿಶ್ವಕಪ್ ಆರಂಭಗೊಳ್ಳಲಿದ್ದು, ಅ.20ಕ್ಕೆ ಫೈನಲ್ ಪಂದ್ಯದೊಂದಿಗೆ ಮುಕ್ತಾಯಗೊಳ್ಳಲಿದೆ. ಅ.6 ರಂದು ಭಾರತ ಸಾಂಪ್ರಾದಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ಸೆಣಸಲಿದೆ.
ಈ ಬಾರಿಯ ಚುಟುಕು ಮಾದರಿ ಟೂರ್ನಿಯ ಆತಿಥ್ಯವನ್ನು ಬಾಂಗ್ಲಾದೇಶ ವಹಿಸಿಕೊಂಡಿತ್ತು. ಆದರೆ ಮೀಸಲಾತಿ ವಿಚಾರವಾಗಿ ಉಂಟಾದ ಗಲಭೆ ಹಿಂಸಾಚಾರಕ್ಕೆ ತಿರುಗಿತ್ತು. ಭದ್ರತ ದೃಷ್ಟಿಯಿಂದ ಪಂದ್ಯಗಳನ್ನು ದುಬೈಗೆ ಸ್ಥಳಾಂತರಿಸಲಾಗಿದೆ. ಈ ಹಿನ್ನೆಲೆ ವಿಶ್ವಕಪ್ ವೇಳಾಪಟ್ಟಿಯಲ್ಲಿ ಕೊಂಚ ಬದಲಾವಣೆ ಮಾಡಲಾಗಿದೆ.
ಸೆ.28ರಿಂದ ಅಭ್ಯಾಸ ಪಂದ್ಯಗಳು: ಐಸಿಸಿ ಮಹಿಳಾ ವಿಶ್ವಕಪ್ 9ನೇ ಆವೃತ್ತಿಯಲ್ಲಿ ಒಟ್ಟು 10 ತಂಡಗಳು ಭಾಗವಹಿಸಲಿವೆ. ಈ ಟೂರ್ನಿಗೂ ಮುನ್ನ 10 ಅಭ್ಯಾಸ ಪಂದ್ಯಗಳೂ ನಡೆಯಲಿವೆ. ಪ್ರತಿ ತಂಡವು ಒಂದು ಅಭ್ಯಾಸ ಪಂದ್ಯವನ್ನು ಆಡಲಿದೆ. ಈ ಪಂದ್ಯಗಳು ಸೆಪ್ಟೆಂಬರ್ 28 ರಿಂದ ಅಕ್ಟೋಬರ್ 1 ರವರೆಗೆ ನಡೆಯಲಿವೆ.
ಸೆಮಿಸ್ ಮತ್ತು ಫೈನಲ್ ಪಂದ್ಯ: ಟೂರ್ನಿಯಲ್ಲಿ ಒಟ್ಟು 23 ಪಂದ್ಯಗಳು ನಡೆಯಲಿದ್ದು, ಪ್ರತಿ ತಂಡ ನಾಲ್ಕು ಗುಂಪು ಪಂದ್ಯಗಳನ್ನು ಆಡಲಿದೆ. ಗುಂಪಿನಲ್ಲಿ ಅಗ್ರ ಎರಡು ಸ್ಥಾನ ಪಡೆದ ತಂಡಗಳು ಮಾತ್ರ ಸೆಮಿಫೈನಲ್ಗೆ ಅರ್ಹತೆ ಪಡೆಯಲಿವೆ. ಅಕ್ಟೋಬರ್ 17 ರಂದು ಮೊದಲ ಸೆಮಿಫೈನಲ್ ನಡೆಯಲಿದ್ದು, ಅಕ್ಟೋಬರ್ 18 ರಂದು 2ನೇ ಸೆಮೀಸ್ ನಡೆಯಲಿದೆ. ಅಕ್ಟೋಬರ್ 20 ರಂದು ಫೈನಲ್ ಪಂದ್ಯ ನಡೆಯಲಿದೆ. ಸೆಮಿಫೈನಲ್ ಮತ್ತು ಫೈನಲ್ಗಳಿಗೆ ಮೀಸಲು ದಿನ ನಿಗದಿ ಪಡಿಸಲಾಗಿದೆ.
ಟಿ20 ವಿಶ್ವಕಪ್ ಗುಂಪುಗಳು
ಗುಂಪು ಎ: ಆಸ್ಟ್ರೇಲಿಯಾ, ಭಾರತ, ನ್ಯೂಜಿಲೆಂಡ್, ಪಾಕಿಸ್ತಾನ, ಶ್ರೀಲಂಕಾ
ಗುಂಪು ಬಿ: ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್, ವೆಸ್ಟ್ ಇಂಡೀಸ್, ಬಾಂಗ್ಲಾದೇಶ, ಸ್ಕಾಟ್ಲೆಂಡ್
ಪಂದ್ಯಾವಳಿಗಳ ವೇಳಾಪಟ್ಟಿ
- ಅಕ್ಟೋಬರ್ 3, ಗುರುವಾರ, ಬಾಂಗ್ಲಾದೇಶ ವಿರುದ್ಧ ಸ್ಕಾಟ್ಲೆಂಡ್, ಶಾರ್ಜಾ, ಮಧ್ಯಾಹ್ನ 2 ಗಂಟೆಗೆ
- ಅಕ್ಟೋಬರ್ 3, ಗುರುವಾರ, ಪಾಕಿಸ್ತಾನ ವಿರುದ್ಧ ಶ್ರೀಲಂಕಾ, ಶಾರ್ಜಾ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 4, ಶುಕ್ರವಾರ, ದಕ್ಷಿಣ ಆಫ್ರಿಕಾ vs ವೆಸ್ಟ್ ಇಂಡೀಸ್, ದುಬೈ, ಮಧ್ಯಾಹ್ನ 2 ಗಂಟೆಗೆ
- ಅಕ್ಟೋಬರ್ 4, ಶುಕ್ರವಾರ, ಭಾರತ ವಿರುದ್ಧ ನ್ಯೂಜಿಲೆಂಡ್, ದುಬೈ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 5, ಶನಿವಾರ, ಬಾಂಗ್ಲಾದೇಶ ವಿರುದ್ಧ ಇಂಗ್ಲೆಂಡ್, ಶಾರ್ಜಾ, ಮಧ್ಯಾಹ್ನ 2 ಗಂಟೆಗೆ
- ಅಕ್ಟೋಬರ್ 5, ಶನಿವಾರ, ಆಸ್ಟ್ರೇಲಿಯಾ ವಿರುದ್ಧ ಶ್ರೀಲಂಕಾ, ಶಾರ್ಜಾ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 6, ಭಾನುವಾರ, ಭಾರತ ವಿರುದ್ಧ ಪಾಕಿಸ್ತಾನ, ದುಬೈ, ಮಧ್ಯಾಹ್ನ 2 ಗಂಟೆಗೆ
- ಅಕ್ಟೋಬರ್ 6, ಭಾನುವಾರ, ವೆಸ್ಟ್ ಇಂಡೀಸ್ ವಿರುದ್ಧ ಸ್ಕಾಟ್ಲೆಂಡ್, ದುಬೈ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 7, ಸೋಮವಾರ, ಇಂಗ್ಲೆಂಡ್ ವಿರುದ್ಧ ದಕ್ಷಿಣ ಆಫ್ರಿಕಾ, ಶಾರ್ಜಾ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 8, ಮಂಗಳವಾರ, ಆಸ್ಟ್ರೇಲಿಯಾ ವಿರುದ್ಧ ನ್ಯೂಜಿಲೆಂಡ್, ಶಾರ್ಜಾ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 9, ಬುಧವಾರ, ದಕ್ಷಿಣ ಆಫ್ರಿಕಾ ವಿರುದ್ಧ ಸ್ಕಾಟ್ಲೆಂಡ್, ದುಬೈ, ಮಧ್ಯಾಹ್ನ 2 ಗಂಟೆಗೆ
- ಅಕ್ಟೋಬರ್ 9, ಬುಧವಾರ, ಭಾರತ ವಿರುದ್ಧ ಶ್ರೀಲಂಕಾ, ದುಬೈ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 10, ಗುರುವಾರ, ಬಾಂಗ್ಲಾದೇಶ vs ವೆಸ್ಟ್ ಇಂಡೀಸ್, ಶಾರ್ಜಾ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 11, ಶುಕ್ರವಾರ, ಆಸ್ಟ್ರೇಲಿಯಾ ವಿರುದ್ಧ ಪಾಕಿಸ್ತಾನ, ದುಬೈ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 12, ಶನಿವಾರ, ನ್ಯೂಜಿಲೆಂಡ್ ವಿರುದ್ಧ ಶ್ರೀಲಂಕಾ, ಶಾರ್ಜಾ, ಮಧ್ಯಾಹ್ನ 2 ಗಂಟೆಗೆ
- ಅಕ್ಟೋಬರ್ 12, ಶನಿವಾರ, ಬಾಂಗ್ಲಾದೇಶ ವಿರುದ್ಧ ದಕ್ಷಿಣ ಆಫ್ರಿಕಾ, ದುಬೈ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 13, ಭಾನುವಾರ, ಇಂಗ್ಲೆಂಡ್ ವಿರುದ್ಧ ಸ್ಕಾಟ್ಲೆಂಡ್, ಶಾರ್ಜಾ, ಮಧ್ಯಾಹ್ನ 2 ಗಂಟೆಗೆ
- ಅಕ್ಟೋಬರ್ 13, ಭಾನುವಾರ, ಭಾರತ ವಿರುದ್ಧ ಆಸ್ಟ್ರೇಲಿಯಾ, ಶಾರ್ಜಾ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 14, ಸೋಮವಾರ, ಪಾಕಿಸ್ತಾನ ವಿರುದ್ಧ ನ್ಯೂಜಿಲೆಂಡ್, ದುಬೈ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 15, ಮಂಗಳವಾರ, ಇಂಗ್ಲೆಂಡ್ ವಿರುದ್ಧ ವೆಸ್ಟ್ ಇಂಡೀಸ್, ದುಬೈ, ಸಂಜೆ 6 ಗಂಟೆಗೆ
- ಅಕ್ಟೋಬರ್ 17, ಗುರುವಾರ, ಸೆಮಿಫೈನಲ್ 1, ದುಬೈ, 6 PM
- ಅಕ್ಟೋಬರ್ 18, ಶುಕ್ರವಾರ, ಸೆಮಿಫೈನಲ್ 2, ಶಾರ್ಜಾ, ಸಂಜೆ 6 ಗಂಟೆಗೆ
- 20 ಅಕ್ಟೋಬರ್, ಭಾನುವಾರ, ಫೈನಲ್, ದುಬೈ, ಸಂಜೆ 6 ಗಂಟೆಗೆ
