ಗುಡ್​ ನ್ಯೂಸ್​! RCBಗೆ ಸ್ಟಾರ್​ ಪ್ಲೇಯರ್​ ಎಂಟ್ರಿ: ತಂಡಕ್ಕೆ ಬಂತು ಆನೆ ಬಲ

ಮೊಣಕಾಲಿನ ಗಾಯಕ್ಕೆ ತುತ್ತಾಗಿ ತಂಡದಿಂದ ಹೊರ ಬಿದ್ದರು. ಆರ್​ಸಿಬಿ ಸ್ಟಾರ್​ ಪ್ಲೇಯರ್​ ಸ್ಥಾನಕ್ಕೆ ಬದಲಿ ಪ್ಲೇಯರ್ ಆಗಿ ಆಲ್​​ರೌಂಡರ್​​ ​ ತಂಡ ಸೇರಿಕೊಂಡಿದ್ದಾರೆ.

ಹೈದರಾಬಾದ್​: ಮುಂದಿನ ತಿಂಗಳಿನಿಂದ 3ನೇ ಆವೃತ್ತಿಯ ಮಹಿಳಾ ಪ್ರೀಮಿಯರ್​ ಲೀಗ್​ ಪ್ರಾರಂಭವಾಗಲಿದೆ. ಹಾಲಿ ಚಾಂಪಿಯನ್​ ಆಗಿರುವ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (RCB) ಎರಡನೇ ಬಾರಿಯೂ ಕಪ್ ಎತ್ತಿ​ ಹಿಡಿಯಲು ಎದರು ನೋಡುತ್ತಿದೆ.

ಆದರೆ WPL ಆರಂಭಕ್ಕೂ ಮುನ್ನವೇ ತಂಡಕ್ಕೆ ಭಾರೀ ಆಘಾತವಾಗಿತ್ತು. ಆಸ್ಟ್ರೇಲಿಯಾದ ಬೌಲಿಂಗ್ ಆಲ್‌ರೌಂಡರ್ ಸೋಫಿ ಮೊಲಿನೆಕ್ಸ್ ಗಾಯಗೊಂಡು ಸರಣಿಯಿಂದಲೇ ಹೊರಬಿದ್ದಿದ್ದಾರೆ. ಮೊಣಕಾಲಿನ ಗಾಯಕ್ಕೆ ತುತ್ತಾಗಿರುವ ಮೋಲಿನೆಕ್ಸ್ ಮುಂದಿನ ಆವೃತ್ತಿಯಿಂದ ಹೊರಗುಳಿಯಲಿದ್ದಾರೆ ಎಂದು RCB ಪ್ರಕಟಿಸಿತ್ತು.

🔊 OFFICIAL ANNOUNCEMENT 🔊

Our champion all-rounder Sophie Molineux has unfortunately been ruled out of #WPL2025 due to a knee injury, and England all-rounder 𝐂𝐡𝐚𝐫𝐥𝐨𝐭𝐭𝐞 𝐄𝐥𝐥𝐞𝐧 𝐃𝐞𝐚𝐧 has been chosen as her replacement.

Welcome to #ನಮ್ಮRCB, Charlie! We can’t… pic.twitter.com/99LrPa1oMl

— Royal Challengers Bengaluru (@RCBTweets) January 16, 2025

ಆದರೆ ಇವರ ಜಾಗಕ್ಕೆ ಯಾರನ್ನು ತಂಡಕ್ಕೆ ಕರೆತರಲಾಗುತ್ತದೆ ಎಂದು ಫ್ಯಾನ್ಸ್​ ಕಾತರದಿಂದ ಎದುರು ನೋಡುತ್ತಿದ್ದರು. ಬದಲಿ ಆಟಗಾರ್ತಿಯಾಗಿ ಆರ್‌ಸಿಬಿ ತಂಡದಲ್ಲಿ ಚಾರ್ಲಿ ಡೀನ್ ಅವರನ್ನು ಸೇರಿಸಲಾಯಿತು. ಆರ್‌ಸಿಬಿ ಡೀನ್‌ರನ್ನು 30 ಲಕ್ಷಕ್ಕೆ ಖರೀದಿಸಿತು. ಇದೀಗ ಮೋಲಿನಿಕ್ಸ್​ ಜಾಗಕ್ಕೆ ಚಾರ್ಲಿ ಡೀನ್​ ಸೇರ್ಪಡೆಗೊಂಡಿದ್ದು ಈ ಬಗ್ಗೆ RCB ತನ್ನ ಅಧಿಕೃತ ಎಕ್ಸ್​ ಖಾತೆಯಲ್ಲಿ ಮಾಹಿತಿಯನ್ನು ಹಂಚಿಕೊಂಡಿದೆ.

ಎಡಗೈ ಆಫ್-ಸ್ಪಿನ್ ಆಗಿರುವ ಮೊಲಿನಿಕ್ಸ್​ 3 ಟೆಸ್ಟ್, 13 ಏಕದಿನ ಮತ್ತು 28 ಟಿ-20 ಪಂದ್ಯಗಳನ್ನು ಆಡಿರುವ ಅನುಭವ ಹೊಂದಿದ್ದಾರೆ. ಈ ಅವಧಿಯಲ್ಲಿ ಅವರು ಒಟ್ಟು 71 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಟೆಸ್ಟ್‌ನಲ್ಲಿ 7, ಏಕದಿನಗಳಲ್ಲಿ 23 ಮತ್ತು ಟಿ-20ಗಳಲ್ಲಿ 41ವಿಕೆಟ್​ ಕಬಳಿಸಿದ್ದಾರೆ.

ಬಲಗೈ ಬ್ಯಾಟಿಂಗ್ ಆಲ್‌ರೌಂಡರ್ ಆಗಿರುವ ಚಾರ್ಲಿ ಡೀನ್, ಇಂಗ್ಲೆಂಡ್ ಪರ 3 ಟೆಸ್ಟ್, 39 ಏಕದಿನ ಮತ್ತು 36 ಟಿ-20 ಪಂದ್ಯಗಳನ್ನು ಆಡಿದ್ದಾರೆ. ಅವರು ಒಟ್ಟು 122 ವಿಕೆಟ್‌ಗಳನ್ನು ಉರುಳಿಸಿದ್ದಾರೆ. ಟೆಸ್ಟ್‌ನಲ್ಲಿ 7, ಏಕದಿನಗಳಲ್ಲಿ 69 ಮತ್ತು ಟಿ-20ಗಳಲ್ಲಿ 46 ವಿಕೆಟ್​ ಕಬಳಿಸಿದ್ದಾರೆ.

ಏತನ್ಮಧ್ಯೆ, ಮಹಿಳಾ ಐಪಿಎಲ್ ಇಲ್ಲಿಯವರೆಗೆ ಎರಡು ಆವೃತ್ತಿಗಳಿಗೆ ಯಶಸ್ವಿಯಾಗಿ ನಡೆದಿದೆ. ಮೊದಲ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ ವಿಜೇತ ತಂಡವಾಗಿ ಹೊರಹೊಮ್ಮಿತ್ತು. ಬಳಿಕ ಎರಡನೇ ಆವೃತ್ತಿಯಲ್ಲಿ ಆರ್‌ಸಿಬಿ ಚಾಂಪಿಯನ್ ಆಗಿ ಕಪ್​ ಎತ್ತಿ ಹಿಡಿದೆ. ಇದೀಗ ಮೂರನೇ ಆವೃತ್ತಿ ಫೆಬ್ರವರಿ 7 ರಿಂದ ಆರಂಭವಾಗಲಿದ್ದು ಮಾರ್ಚ್ 2 ರವರೆಗೆ ನಡೆಯಲಿದೆ.

ಈ ಬಾರಿಯ WPL ನಾಲ್ಕು ಸ್ಥಳಗಳಲ್ಲಿ ನಡೆಯಲಿದೆ ಎಂದು ಬಿಸಿಸಿಐ ತಿಳಿಸಿದೆ. ಈ ಎಲ್ಲಾ ಪಂದ್ಯಗಳ ಬೆಂಗಳೂರು, ಮುಂಬೈ, ಲಕ್ನೋ ಮತ್ತು ವಡೋದರಾದಲ್ಲಿ ನಡೆಯಲಿವೆ. ಆರ್‌ಸಿಬಿ ಪ್ರಸ್ತುತ ಡಬ್ಲ್ಯೂಪಿಎಲ್‌ನಲ್ಲಿ ಹಾಲಿ ಚಾಂಪಿಯನ್ ಆಗಿದೆ. ಕಳೆದ ಆವೃತ್ತಿಯ ಫೈನಲ್‌ನಲ್ಲಿ ಆರ್‌ಸಿಬಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 8 ವಿಕೆಟ್‌ಗಳಿಂದ ಜಯಗಳಿಸಿತ್ತು.

ಇದನ್ನೂ ಓದಿ: 39,969ರನ್, 4,204 ವಿಕೆಟ್​: ಕ್ರಿಕೆಟ್​ನಲ್ಲಿ 94 ವರ್ಷಗಳಿಂದ ಮುರಿಯಲು ಸಾಧ್ಯವಾಗದ ದಾಖಲೆ ಇದು! ​