ಮತ್ತೆ ಹುಸಿಯಾಯ್ತು RCB ಅಭಿಮಾನಿಗಳ ನಿರೀಕ್ಷೆ: ಡೆಲ್ಲಿ ಸೇರಿದ ಕನ್ನಡಿಗ KL​ ರಾಹುಲ್

ಆರ್​ಸಿಬಿ ಅಭಿಮಾನಿಗಳ ನಿರೀಕ್ಷೆ ಮತ್ತೆ ಹುಸಿಯಾಗಿದೆ. ಈ ಬಾರಿಯ ಐಪಿಎಲ್​ ಮೆಗಾ ಹರಾಜಿನಲ್ಲಿ ಕೆಎಲ್​ ರಾಹುಲ್​ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಪಾಲಾಗಿದ್ದಾರೆ.

IPL Mega Auction KL Rahul: ಈ ಬಾರಿ ಕನ್ನಡಿಗರಿಗೆ ಹೆಚ್ಚಿನ ಆದ್ಯತೆ ನೀಡುತ್ತೇವೆ ಎಂದು ಹೇಳಿದ್ದ RCB ಫ್ರಾಂಚೈಸಿ ಮೊದಲ ದಿನವೇ ಅಭಿಮಾನಗಳಿಗೆ ನಿರಾಸೆ ಮೂಡಿಸಿದೆ. ಭಾನವಾರ (ಇಂದು) ಅಬುಧಾಬಿಯ ಜೆಡ್ಡಾದಲ್ಲಿ ನಡೆದ ಮೊದಲ ದಿನದ ಮೆಗಾ ಹರಾಜಿನಲ್ಲಿ ಕನ್ನಡಿಗ ಕೆಎಲ್​ ರಾಹುಲ್​ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್​ ತಂಡ 14 ಕೋಟಿಗೆ ಖರೀದಿಸಿತು.

ಕೆಎಲ್​ ರಾಹುಲ್​ರನ್ನು ಈ ಬಾರಿ ಆರ್​ಸಿಬಿ ಖರೀದಿಸುತ್ತದೆ ಎಂದು ಕನ್ನಡಿಗರು ಬೆಟ್ಟದಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದರು. ಹರಾಜು ಪ್ರಕ್ರಿಯೆಯ ಒಂದು ಹಂತದಲ್ಲಿ ಆರ್​ಸಿಬಿ ಕೂಡ ರಾಹುಲ್​ ಮೇಲೆ ಬಿಡ್ಡಿಂಗ್​ ಮಾಡಿತು. ಆದರೇ ಉಳಿದ ಫ್ರಾಂಚೈಸಿಗಳು ಪೈಪೋಟಿ ನೀಡಿದ್ದರಿಂದ ಖರೀದಿಸಲು ಹಿಂದೇಟು ಹಾಕಿತು. ಅಂತಿಮವಾಗಿ ಕನ್ನಡಿಗ ರಾಹುಲ್​ ಡೆಲ್ಲಿ ಪಾಲಾದರು. ಈ ಹಿಂದೆ ಲಕ್ನೋ ಸೂಪರ್​ ಜೈಂಟ್ಸ್​ ಪ್ರತಿನಿಧಿಸಿದ್ದ ರಾಹುಲ್​ ಕೆಲಕಾಲ ನಾಯಕನಾಗಿ ಜವಾಬ್ದಾರಿ ವಹಿಸಿಕೊಂಡಿದ್ದರು. ಆದರೆ ಈ ಬಾರಿ ಲಕ್ನೋ ಅವರನ್ನು ತಂಡದಲ್ಲಿ ಉಳಿಸಿಕೊಳ್ಳಲು ಆಸಕ್ತಿ ತೋರಿದ್ದರು ರಾಹುಲ್​ ನಿರಾಕರಿಸಿ ಹರಾಜಿಗೆ ಎಂಟ್ರಿ ಕೊಟ್ಟಿದ್ದಾರೆ.

He garners interest ✅

He moves to Delhi Capitals ✅#DC & KL Rahul join forces for INR 14 Crore 🙌 🙌#TATAIPLAuction | #TATAIPL | @klrahul | @DelhiCapitals pic.twitter.com/ua1vTBNl4h

— IndianPremierLeague (@IPL) November 24, 2024

ಕಳೆದ ಸೀಸನ್​ ಐಪಿಎಲ್​ನಲ್ಲಿ ಸನ್‌ರೈಸರ್ಸ್ ಹೈದರಾಬಾದ್​ ವಿರುದ್ಧ ನಡೆದಿದ್ದ ಪಂದ್ಯದಲ್ಲಿ ಲಕ್ನೋ ಹೀನಾಯವಾಗಿ ಸೋಲನ್ನು ಕಂಡಿತ್ತು. ಈ ವೇಳೆ ಲಕ್ನೋ ಫ್ರಾಂಚೈಸಿ ಮಾಲೀಕ ಸಂಜೀವ್ ಗೋಯೆಂಕಾ ಸಾರ್ವಜನಿಕವಾಗಿಯೇ ರಾಹುಲ್​ ವಿರುದ್ಧ ಕೋಪ ಹೊರಹಾಕಿದ್ದರು. ಈ ಘಟನೆಯಿಂದಾಗಿ ಗೋಯೆಂಕಾ ವಿರುದ್ಧ ಭಾರೀ ಟೀಕೆಗಳು ವ್ಯಕ್ತವಾಗಿದ್ದವು. ಈ ಘಟನೆ ಬಳಿಕ ರಾಹುಲ್​ ಲಕ್ನೋ ​ಫ್ರಾಂಚೈಸಿಯಿಂದ ದೂರವಿರಲು ನಿರ್ಧರಿಸಿದ್ದರು ಎಂದು ವರದಿಗಳಾಗಿತ್ತು. ಅದಾಗ್ಯೂ ರಾಹುಲ್​ ಅವರು ಈ ಬಾರಿ ಹೊಸ ಫ್ರಾಂಚೈಸಿ ಪರ ಆಡಲು ಬಯಸಿದ್ದು ನನಗೆ ಆಟವಾಡಲು ತಂಡದಲ್ಲಿ ಸ್ವಾತಂತ್ರ್ಯ ಬೇಕು ಎಂದು ತಿಳಿಸಿದ್ದರು.

KLASSSSS 👌👌

KL Rahul is acquired by @DelhiCapitals for INR 14 Crore💥💥#TATAIPLAuction | #TATAIPL

— IndianPremierLeague (@IPL) November 24, 2024

ಈ ಸುದ್ದಿ ಬೆನ್ನಲ್ಲೇ ಕನ್ನಡಿಗ ರಾಹುಲ್​ ಆರ್​ಸಿಬಿಗೆ ಸೇರ್ಪಡೆಯಾಗುತ್ತಾರೆ. ಅವರನ್ನು ಹರಾಜಿನಲ್ಲಿ ಆರ್​ಸಿಬಿ ಖರೀದಿಸುತ್ತದೆ ಎಂದೇ ವರದಿಗಳಾಗಿದ್ದವು. ಆದರೆ ರಾಹುಲ್​ ಹರಾಜಿನಲ್ಲಿ ಡೆಲ್ಲಿ ಕ್ಯಾಪಿಟಲ್ ಪಾಲಾಗಿದ್ದಾರೆ. ರಾಹುಲ್​ ಅವರನ್ನು ಬಿಟ್ಟುಕೊಟ್ಟ ಆರ್​ಸಿಬಿ ಫ್ರಾಂಚೈಸಿ ವಿರುದ್ಧವೂ ಜನ ಅಸಮಾಧಾನ ಹೊರಹಾಕುತ್ತಿದ್ದಾರೆ.​

ಕೆಎಲ್​ ರಾಹುಲ್​ ಐಪಿಎಲ್​ ದಾಖಲೆ: ಇದುವರೆಗೂ ರಾಹುಲ್​ ಒಟ್ಟು 132 ಐಪಿಎಲ್​ ಪಂದ್ಯಗಳನ್ನು ಆಡಿದ್ದಾರೆ. ಈ ಅವಧಿಯಲ್ಲಿ ಅವರು 4683 ರನ್​ ಕಲೆಹಾಕಿದ್ದಾರೆ. ಇದರಲ್ಲಿ 4 ಶತಕ ಮತ್ತು 37 ಅರ್ಧಶತಕ ಸಿಡಿಸಿದ್ದಾರೆ. 132 ಇವರ ಹೈಸ್ಕೋರ್​ ಆಗಿದೆ.

ಇದನ್ನೂ ಓದಿ: IPL Mega Auction: ದಾಖಲೆಯ ಮೊತ್ತಕ್ಕೆ ರಿಷಭ್​ ಪಂತ್ ಬಿಕರಿ; ₹27 ಕೋಟಿ ಕೊಟ್ಟು ಖರೀದಿಸಿದ ಲಕ್ನೋ