Laughter Yoga Health Benefits: 'ನಗು ಯೋಗ'ವು ಹೆಸರೇ ಸೂಚಿಸುವಂತೆ, ಇದು ನಗುವಿನೊಂದಿಗೆ ಮಾಡುವ ಯೋಗದ ವಿಧಾನವಾಗಿದೆ. ಈ ಯೋಗವು ಮೋಜು ಮಾತ್ರವಲ್ಲದೇ ಸಂಪೂರ್ಣ ಆರೋಗ್ಯವನ್ನೂ ನೀಡುತ್ತದೆ ಎನ್ನುತ್ತಾರೆ ತಜ್ಞರು. ಹಾಗಾದರೆ ಈ ಯೋಗವನ್ನು ಹೇಗೆ ಮಾಡುವುದು? ಈಗ ಇದರ ಪ್ರಯೋಜನಗಳನ್ನು ತಿಳಿಯೋಣ. 'ನಗು ಯೋಗ' ಎಂದರೆ ಅದರ ಹೆಸರೇ ಸೂಚಿಸುವಂತೆ ನಗುತ್ತಾ ವಿವಿಧ ಯೋಗಾಸನಗಳನ್ನು ಮಾಡುವುದು. ತರಬೇತುದಾರರ ಸೂಚನೆಯಂತೆ ಕೆಲವರು ಗುಂಪಿನಲ್ಲಿ ಅಥವಾ ಕಾರ್ಯಾಗಾರಗಳಲ್ಲಿ/ ತರಬೇತಿ ತರಗತಿಗಳಲ್ಲಿ ಉದ್ದೇಶಪೂರ್ವಕವಾಗಿ ನಗುತ್ತಾ ಕೆಲವು ಆಸನಗಳನ್ನು ಮಾಡಬೇಕಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
ಈ ಹೆಚ್ಚಿನ ಯೋಗ ಅವಧಿಗಳು ಲಯಬದ್ಧವಾದ ಚಪ್ಪಾಳೆ ಮತ್ತು ನಗುವಿನೊಂದಿಗೆ ಪ್ರಾರಂಭವಾಗುತ್ತವೆ. ಅದು 'ಹೋ-ಹೋ' ಅಥವಾ 'ಹ-ಹ-ಹಾ' ಶಬ್ದಗಳನ್ನು ಮಾಡುತ್ತದೆ. ನಂತರ ನಿಧಾನವಾಗಿ ವಿವಿಧ ರೀತಿಯ ಯೋಗಾಸನಗಳು, ಉಸಿರಾಟದ ವ್ಯಾಯಾಮ, ಧ್ಯಾನ ಇತ್ಯಾದಿಗಳನ್ನು ಕಲಿಸುತ್ತಾರೆ. ಆದರೆ, ಇದೊಂದು ಮೋಜಿನ ಹಾಗೂ ನಗುಮೊಗದ ಯೋಗ ಪ್ರಕ್ರಿಯೆಯಾಗಿದ್ದರೂ ಸ್ವಂತವಾಗಿ ಮಾಡುವುದಕ್ಕೂ ಮುನ್ನವೇ, ತಜ್ಞರ ಸಲಹೆ ಮೇರೆಗೆ ಮಾಡಿದರೆ ಉತ್ತಮ ಫಲಿತಾಂಶ ದೊರೆಯುತ್ತದೆ ಎನ್ನಲಾಗಿದೆ.
ಒತ್ತಡ ಕಡಿಮೆ ಮಾಡುತ್ತೆ, ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತೆ: ನಗು ಯೋಗವು ಒತ್ತಡದ ಹಾರ್ಮೋನುಗಳನ್ನು ಕಡಿಮೆ ಮಾಡುತ್ತದೆ. ಇದು ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಆದ್ದರಿಂದ, ದೇಹವು ಸೋಂಕಿನ ವಿರುದ್ಧ ಹೋರಾಡುವ ಪ್ರತಿಕಾಯಗಳನ್ನು ಬಿಡುಗಡೆ ಮಾಡುತ್ತದೆ. ಈ ಯೋಗದ ಮೂಲಕ ರೋಗನಿರೋಧಕ ವ್ಯವಸ್ಥೆಯ ಕಾರ್ಯವು ಸುಮಾರು 40 ಪ್ರತಿಶತದಷ್ಟು ಹೆಚ್ಚಾಗುತ್ತದೆ ಎಂದು ಅಧ್ಯಯನವು ತೋರಿಸಿದೆ. ನಗು ಯೋಗವು ದೇಹದಲ್ಲಿ ಒತ್ತಡವನ್ನು ಉಂಟುಮಾಡುವ ಕಾರ್ಟಿಸೋಲ್ ಹಾರ್ಮೋನ್‌ಗಳ ಉತ್ಪಾದನೆಯನ್ನು ಕಡಿಮೆ ಮಾಡುತ್ತದೆ. ಡೋಪಮೈನ್ ಮತ್ತು ಸಿರೊಟೋನಿನ್‌ನಂತಹ ಹೆಚ್ಚು ಸಂತೋಷದ ಹಾರ್ಮೋನ್‌ಗಳನ್ನು ಬಿಡುಗಡೆ ಮಾಡುತ್ತದೆ. ಇದರಿಂದ ಒತ್ತಡ, ಆತಂಕ ಕಡಿಮೆಯಾಗಿ ಮಾನಸಿಕ ನೆಮ್ಮದಿ ದೊರೆಯುತ್ತದೆ ಎನ್ನುತ್ತಾರೆ ತಜ್ಞರು.
ಈ ಯೋಗದ ವಿಧಾನವು ದೇಹದ ಎಲ್ಲಾ ಅಂಗಗಳಿಗೆ ಉತ್ತಮ ಮಸಾಜ್‌ನಂತೆ ಕೆಲಸ ಮಾಡುತ್ತದೆ ಎಂದು ತಜ್ಞರು ಹೇಳುತ್ತಾರೆ. ನಗು ಯೋಗ ಮಾಡುವಾಗ ನಾವು ಹಲವಾರು ಬಾರಿ ಉಸಿರು ಎಳೆದುಕೊಳ್ಳುತ್ತೇವೆ. ಹೊರಗೆ ಬಿಡುತ್ತೇವೆ ಮತ್ತು ಈ ಪ್ರಕ್ರಿಯೆಯಲ್ಲಿ ದೇಹದ ಎಲ್ಲ ಅಂಗಗಳಿಗೆ ಆಮ್ಲಜನಕದ ಪೂರೈಕೆ ಹೆಚ್ಚಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
ಮೆದುಳಿನ ಸಕ್ರಿಯ ಕಾರ್ಯನಿರ್ವಹಣೆಯ ಜೊತೆಗೆ ಏಕಾಗ್ರತೆಯೂ ಸುಧಾರಿಸುತ್ತದೆ. ನಗುವ ಮೂಲಕ ರಕ್ತನಾಳಗಳು ಸ್ವಲ್ಪ ಹಿಗ್ಗುತ್ತವೆ. ಇದರಿಂದ ರಕ್ತ ಸಂಚಾರ ಉತ್ತಮವಾಗಿರುತ್ತದೆ ಮತ್ತು ಹೃದಯದ ಆರೋಗ್ಯ ಸುಧಾರಿಸುತ್ತದೆ ಎಂದು 2018 ರಲ್ಲಿ ನಡೆಸಿದ ಕೆಲವು ಅಧ್ಯಯನಗಳು ನೀವು ಎಷ್ಟು ನಗುತ್ತಿರೋ ಅಷ್ಟು ನೋವನ್ನು ಸಹಿಸಿಕೊಳ್ಳಬಹುದು ಎಂದು ತಜ್ಞರು ಹೇಳುತ್ತಾರೆ. ನೈಸರ್ಗಿಕ ನೋವು ನಿವಾರಕಗಳೆಂದು ಪರಿಗಣಿಸಲ್ಪಟ್ಟಿರುವ ಎಂಡಾರ್ಫಿನ್ ನಗುವಾಗ ನಮ್ಮ ದೇಹದಲ್ಲಿ ಬಿಡುಗಡೆಯಾಗುತ್ತದೆ ಎನ್ನುತ್ತಾರೆ ತಜ್ಞರು.
ತಜ್ಞರ ಸಲಹೆಯ ಜೊತೆಗೆ, ಕ್ಯಾಲೊರಿಗಳನ್ನು ಸುಡಲು ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸಲು ಈ ಯೋಗ ವಿಧಾನವು ತುಂಬಾ ಉಪಯುಕ್ತವಾಗಿದೆ. ಆದರೆ, ಹೊಸದಾಗಿ ನಗು ಯೋಗ ಮಾಡುವವರು ತಜ್ಞರ ಮೇಲ್ವಿಚಾರಣೆಯಲ್ಲಿ ಇದನ್ನು ಮಾಡಲು ಸಲಹೆ ನೀಡಲಾಗುತ್ತದೆ. ಅಲ್ಲದೇ ಒಂಟಿಯಾಗಿ ಮಾಡುವ ಬದಲು ತಂಡದೊಂದಿಗೆ ಇದನ್ನು ಮಾಡಿದರೆ ಹೆಚ್ಚು ಖುಷಿಯಾಗುತ್ತದೆ. ಮತ್ತು ಇದರ ಎಲ್ಲಾ ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು. ಇಲ್ಲದಿದ್ದಲ್ಲಿ ಗರ್ಭಿಣಿಯರು ಮತ್ತು ವಯಸ್ಸಾದವರು ಈ ಯೋಗ ಮಾಡುವ ಮೊದಲು ತಜ್ಞರ ಸಲಹೆ ಪಡೆದು, ನಂತರ ನಗು ಯೋಗ ಮಾಡಬೇಕು. ನೀವೇ ಸ್ವತಃ ನಗು ಯೋಗ ಮಾಡಬೇಡಿ ಎಂದು ವೈದ್ಯಕೀಯ ತಜ್ಞರು ಸಲಹೆ ನೀಡುತ್ತಾರೆ.
ಹೆಚ್ಚಿನ ಮಾಹಿತಿಗಾಗಿ ಈ ವೆಬ್ಸೈಟ್ನ್ನು ವೀಕ್ಷಿಸದಬಹುದು: https://www.ncbi.nlm.nih.gov/pmc/articles/PMC9254653/
ಓದುಗರಿಗೆ ಸೂಚನೆ: ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ತಿಳುವಳಿಕೆಗಾಗಿ ಮಾತ್ರವೇ ಒದಗಿಸಲಾಗಿದೆ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ನಿಮಗೆ ನೀಡಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣತರ ಸಲಹೆ ಪಡೆದುಕೊಳ್ಳುವುದು ಉತ್ತಮ.
