ನವದೆಹಲಿ: ಮದುವೆ ಎಂದರೆ ಅಲ್ಲಿ ಸಂಭ್ರಮದ ಜೊತೆಗೆ ಎಲ್ಲಿಂದ ಹೇಗೆ ಶಾಪಿಂಗ್ ಮಾಡಬೇಕು ಎಂಬ ಲೆಕ್ಕಾಚಾರ ಕೂಡಾ ಆರಂಭವಾಗುತ್ತದೆ. ಅದರಲ್ಲೂ ವಧುವೆ ಅನ್ನೋದು ಭಾವನಾತ್ಮಕವಾಗಿ ಇರುವ ಹಿನ್ನಲೆ ಸಣ್ಣ ಸಣ್ಣ ವಸ್ತುಗಳನ್ನು ಅತ್ಯಂತ ಜಾಗರೂಕತೆಯಿಂದ ಆಯ್ಕೆ ಮಾಡಲಾಗುತ್ತದೆ. ಅದರಲ್ಲೂ ಕೈ ಆಭರಣಗಳು ಒಂದು, ಅದಕ್ಕೆ ಉತ್ತಮ ಮಾರುಕಟ್ಟೆ ಎಂದರೆ ಚಾಂದಿನಿ ಚೌಕ್.
ಮಧುವಿನ ಬಳೆ ಮಾತ್ರವಲ್ಲದೇ, ಉತ್ತರ ಭಾರತದಲ್ಲಿ ಅದರಲ್ಲೂ ಪಂಜಾಬಿ ಮದುವೆಗಳಲ್ಲಿ ಕೈಗೆ ತೊಡುವ ಕಲಿರೆ ಆಭರಣ ಇಲ್ಲಿ ಪ್ರಖ್ಯಾತಿ ಪಡೆದಿದೆ. ಉತ್ತಮ ವಿನ್ಯಾಸದೊಂದಿಗೆ ಸಂಪ್ರದಾಯದ ಜೊತೆಗೆ ಆಧುನಿಕ ಶೈಲಿಯಲ್ಲಿ ಇಲ್ಲಿ ಕಲಿರೆ ಸಿಗುತ್ತದೆ. ಇಲ್ಲಿ ಎಲ್ಲಾ ರೀತಿಯ ಕಲಿರೆಗಳು ಲಭ್ಯವಾಗುವ ಜೊತೆಗೆ ಧಾರ್ಮಿಕ ಮತ್ತು ಸಾಂಸ್ಕೃತಿಕ ತಕ್ಕಂತೆ ಅದರ ವಿನ್ಯಾಸ ಮಾಡಿರುವುದು ವಿಶೇಷವಾಗಿದೆ.
ಮಧುವಿನ ಸೌಂದರ್ಯ ಹೆಚ್ಚಿಸುವ ಕಲಿರೆ: ದೆಹಲಿ ಚಾಂದಿನಿ ಚೌಕ್ನಲ್ಲಿರುವ ಕಿನರಿ ಬಜಾರ್ನಲ್ಲಿ ಆಕರ್ಷಕ ಕಲಿರೆಗಳು ಲಭ್ಯವಾಗುತ್ತವೆ. ವಿವಿಧ ಮದುವೆ ಸಂಪ್ರದಾಯಗಳಿಗೆ ಅನುಗುಣವಾಗಿ ಇಲ್ಲಿ ಕಿಲಿರೆ ಲಭ್ಯವಾಗುತ್ತದೆ. ಹಿಂದೂ, ಮುಸ್ಲಿ ಸಮುದಾಯದ ನಿಖಾ ಹಾಗೂ ಪಂಜಾಬ್ ಸಮುದಾಯದ ರೀತಿಯ ಕಲಿರೆಗಳು ಇಲ್ಲಿ ಸುಲಭವಾಗಿ ಸಿಗುತ್ತವೆ ಎಂದು ಇಲ್ಲಿನ ಉದ್ಯಮಿ ಪ್ರದೀಪ್ ಜೈನ್ ತಿಳಿಸಿದ್ದಾರೆ.
ಪಂಜಾಬಿನಲ್ಲಿ ಪ್ರಮುಖ ಸಂಪ್ರದಾಯ: ಇತರ ಸಮುದಾಯಗಳ ಆಚರಣೆಗಿಂತ ಪಂಜಾಬಿ ಮದುವೆಗಳಲ್ಲಿ ಕಲಿರೆ ಆಚರಣೆ ವಿಶೇಷ. ಪಂಜಾಬಿ ಮದುವೆಯಲ್ಲಿ ಕಲಿರೆಯನ್ನು ಮಧು ಮಗಳು ತೊಡುವುದು ಅಗತ್ಯ. ಈ ಬಳೆಯಲ್ಲಿ ನೇತಾಡುವ ವಸ್ತುವನ್ನು ಮದುವೆಯಾಗುವ ತಂಗಿಯ ತಲೆ ಮೇಲೆ ಬೀಳಿಸುವ ಮೂಲಕ ಮುಂದಿನ ಮದುವೆ ನಿನ್ನದು ಎಂಬುದನ್ನು ಸೂಚಿಸಲಾಗುವುದು ಅಲ್ಲಿನ ಸಂಪ್ರದಾಯ. ಹೀಗಾಗಿ ಕಲಿರೆಗೆ ಎಲ್ಲಿಲ್ಲದ ಮಹತ್ವ.
ಕಲಿರೆ ವಿಧಗಳು: ಈ ಹಿಂದೆ ಕೇವಲ ಪಂಜಾಬಿ ಮದುವೆಗಳಲ್ಲಿ ಕಾಣಸಿಗುತ್ತಿದ್ದ ಈ ಕಲಿರೆ ಇದೀಗ ಫ್ಯಾಷನ್ ಆಗಿದ್ದು, ಎಲ್ಲ ಸಮುದಾಯದಲ್ಲಿ ಕಾಣಬಹುದು. ಉತ್ತರ ಭಾರತದ ಮದುವೆಗಳಲ್ಲಿ ಇದು ಸಾಮಾನ್ಯವಾಗಿದೆ. ಸಾಧಾರಣ ಹಗುರದಿಂದ ಭಾರದವರೆಗೆ ವಿವಿಧ ವಿನ್ಯಾಸದಲ್ಲಿ ಕಾಣಬಹುದು. ಇದೀಗ ವಧು ತೊಡುವ ಲೆಹಂಗಾಗೆ ಮ್ಯಾಚಿಂಗ್ ರೀತಿಯ ಕಲಿರೆಗಳನ್ನು ವಿನ್ಯಾಸ ಮಾಡಲಾಗುವುದು.
ಬೆಲೆ: ಸಾಮಾನ್ಯವಾಗಿ ಈ ಕಲಿರೆಯನ್ನು ಲೋಹದಿಂದ ಮಾಡಲಾಗುತ್ತದೆ. ಬಳಿಕ ಅವುಗಳಿಗೆ ವಿವಿಧ ಹರಳು, ಮುತ್ತುಗಳನ್ನು ಪೋಣಿಸಿ ಆಕರ್ಷಿತವಾಗುವಂತೆ ಮಾಡಲಾಗುವುದು. ಆರಂಭದ ಬೆಲೆ 500 ರಿಂದ 6000 ರೂ ವರೆಗೆ ಈ ಕಲಿರೆ ಸಿಗುತ್ತದೆ.
ಇದನ್ನೂ ಓದಿ: ಒಂದೇ ಟೂರ್ನಲ್ಲಿ ಅಜಂತಾ, ಎಲ್ಲೋರಾ, ಮಿನಿ ತಾಜ್ ಮಹಲ್: IRCTC ಸೂಪರ್ ಪ್ಯಾಕೇಜ್, ದರವೂ ಅಗ್ಗ!
