Money Plant: ಇತ್ತೀಚಿನ ದಿನಗಳಲ್ಲಿ ಹಲವರು ತೋಟಗಾರಿಕೆ ಮಾಡಲು ಇಷ್ಟಪಡುತ್ತಿದ್ದಾರೆ. ಮನೆಯಲ್ಲಿ ಜಾಗವಿಲ್ಲದಿದ್ದರೂ ಕುಂಡಗಳಲ್ಲಿ ಬಗೆಬಗೆಯ ಗಿಡಗಳನ್ನು ಬೆಳೆಸುತ್ತಾರೆ. ಅಂತಹ ಸಸ್ಯಗಳಲ್ಲಿ ಮನಿ ಪ್ಲಾಂಟ್ ಕೂಡ ಒಂದು. ಮನೆಬಾಗಿಲೆದುರು, ಬಾಲ್ಕನಿ, ಹಾಲ್ ವಿವಿಧ ಪ್ರದೇಶಗಳಲ್ಲಿ ಮನಿ ಪ್ಲಾಂಟ್ ಬೆಳೆಯುತ್ತಾರೆ. ಈ ಸಸ್ಯವನ್ನು ಮನೆ ಆವರಣದಲ್ಲಿ ಬೆಳೆಯುವುದರಿಂದ ಆರ್ಥಿಕ ಸಮಸ್ಯೆಗಳು ದೂರವಾಗುತ್ತವೆ ಎಂಬುದು ನಂಬಿಕೆ.
ಆದರೆ, ಚಳಿಗಾಲದಲ್ಲಿ ಮನಿ ಪ್ಲಾಂಟ್ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗುತ್ತವೆ ಜೊತೆಗೆ ಒಣಗಿಯೂ ಹೋಗುತ್ತವೆ. ಈ ಪರಿಸ್ಥಿತಿಯಲ್ಲಿ ಸಸಿಯನ್ನು ಮನಸ್ಸಿಗೆ ತುಂಬಾ ನೋವಾಗುತ್ತದೆ. ಆದರೆ ಕೆಳಗೆ ನೀಡಿರುವ ಕೆಲವು ಸಲಹೆಗಳನ್ನು ಪಾಲಿಸಿದರೆ ಮನಿ ಪ್ಲಾಂಟ್ ಸೊಗಸಾಗಿ, ಹಸಿರಾಗಿ ಬೆಳೆಯುತ್ತದೆ ಎನ್ನುತ್ತಾರೆ ತಜ್ಞರು.
ಬಾಳೆಹಣ್ಣಿನ ಸಿಪ್ಪೆ: ನಮ್ಮಲ್ಲಿ ಹೆಚ್ಚಿನವರು ಬಾಳೆಹಣ್ಣಿನ ಸಿಪ್ಪೆಯನ್ನು ಹೊರಗಡೆ ಎಸೆಯುತ್ತಾರೆ. ಆದರೆ, ಈ ಸಿಪ್ಪೆವನ್ನು ಮನಿ ಪ್ಲಾಂಟ್‌ಗೆ ಉತ್ತಮ ಗೊಬ್ಬರವಾಗಿ ಬಳಸಬಹುದು. ಬಾಳೆಹಣ್ಣಿನ ಸಿಪ್ಪೆಯನ್ನು ಚಿಕ್ಕ ಚಿಕ್ಕ ತುಂಡುಗಳಾಗಿ ಕತ್ತರಿಸಿ. ಬಳಿಕ ಅವುಗಳನ್ನು ಮಿಕ್ಸಿಗೆ ಹಾಕಿ ಸ್ವಲ್ಪ ರುಬ್ಬಿಕೊಳ್ಳಿ. ಈ ಮಿಶ್ರಣವನ್ನು ಪ್ಲಾಸ್ಟಿಕ್ ಬಾಕ್ಸ್ನಲ್ಲಿ ತೆಗೆದುಕೊಳ್ಳಿ. ಪೇಸ್ಟ್ಗೆ ಎರಡು ಬಾರಿ ನೀರು ಸೇರಿಸಿ ಮಿಶ್ರಣ ಮಾಡಿಕೊಳ್ಳಿ. ನಂತರ ಬಾಕ್ಸ್ ಮುಚ್ಚಿ ಹಾಗೂ ರಾತ್ರಿಯಿಡೀ ಇರಿಸಿ. ಮರುದಿನ ಈ ಮಿಶ್ರಣವನ್ನು ಮನಿ ಪ್ಲಾಂಟ್‌ಗೆ ಸುರಿಯಿರಿ. ವಾರದಲ್ಲಿ ಎರಡು ಅಥವಾ ಮೂರು ಬಾರಿ ಹೀಗೆ ಮಾಡಿದರೆ ಕೆಲವೇ ದಿನಗಳಲ್ಲಿ ಸಸಿ ಹಚ್ಚ ಹಸಿರಾಗುತ್ತದೆ.
ಈರುಳ್ಳಿ ಸಿಪ್ಪೆ, ಚಹಾ ಎಲೆ: ಈರುಳ್ಳಿಯನ್ನು ಕತ್ತರಿಸುವಾಗ ನಾವು ಅದರ ಮೇಲಿನ ಎರಡು ಅಥವಾ ಮೂರು ಪದರಗಳನ್ನು ತೆಗೆದುಹಾಕುತ್ತೇವೆ. ಆದರೆ, ಸಿಪ್ಪೆಗಳನ್ನು ಮನಿ ಪ್ಲಾಂಟ್ ಗೊಬ್ಬರಕ್ಕಾಗಿ ಬಳಸಬಹುದು. ಈರುಳ್ಳಿಯ ಪದರಗಳನ್ನು ಒಣಗಿಸಿ. ನಂತರ ಮಿಕ್ಸಿಯಲ್ಲಿ ರುಬ್ಬಿಕೊಂಡು ಪುಡಿ ಸಿದ್ಧಪಡಿಸಿಕೊಳ್ಳಿ. ಈ ಪುಡಿಗೆ ತಾಜಾ ಚಹಾ ಎಲೆಗಳನ್ನು ಸೇರಿಸಿ ಮಿಶ್ರಣ ಮಾಡಿ. ಪುಡಿಯನ್ನು ಪ್ಲಾಸ್ಟಿಕ್ ಬಾಕ್ಸ್ನಲ್ಲಿ ಹಾಕಿ ನೀರು ಸೇರಿಸಿ. ಎರಡು ದಿನ ಹಾಗೆಯೇ ಬಿಡಿ. ಈ ನೀರನ್ನು ಮನಿ ಪ್ಲಾಂಟ್‌ಗೆ ಸುರಿದರೆ ಈ ಸಸಿ ಹಸಿರುಮಯವಾಗಿ ಬೆಳೆಯುತ್ತದೆ.
ಇನ್ನಷ್ಟು ಸಲಹೆಗಳು:
- ಸೂರ್ಯನ ಕಿರಣಗಳು ಮನಿ ಪ್ಲಾಂಟ್ ಮೇಲೆ ಬೀಳುವಂತೆ ನೋಡಿಕೊಳ್ಳಿ. ಮನೆಯೊಳಗೆ ಇಡಬೇಡಿ, ಬದಲಿಗೆ ಹೊರಗೆ ಇಡಿ. ನೀವು ಹೀಗೆ ಮಾಡಿದರೆ, ಸಸ್ಯದ ಎಲೆಗಳು ಬಣ್ಣ ಬದಲಾಯಿಸುತ್ತವೆ. ಬಳಿಕ ಈ ಸಸ್ಯವನ್ನು ಮನೆಯಲ್ಲಿ ನೆರಳಿನ ಸ್ಥಳದಲ್ಲಿ ಇರಿಸಿ.
- ಚಳಿಗಾಲದಲ್ಲಿ ಪ್ರತಿದಿನ ಮನಿ ಪ್ಲಾಂಟ್‌ಗೆ ನೀರು ಹಾಕುವ ಅಗತ್ಯವಿಲ್ಲ. ಮಡಕೆಯಲ್ಲಿ ಮಣ್ಣು ಒಣಗಿದಂತೆ ನೋಡಿಕೊಳ್ಳಿ, ಎರಡು ಗ್ಲಾಸ್ ನೀರು ಹಾಕಿದರೆ ಸಾಕು.
- ಸಸ್ಯವನ್ನು ನಿಯಮಿತವಾಗಿ ಕತ್ತರಿಸಬೇಕು.
- ಮಡಕೆಯ ಕೆಳಭಾಗದಲ್ಲಿ ರಂಧ್ರಗಳಿವೆ ಎಂದು ಖಚಿತಪಡಿಸಿಕೊಳ್ಳಿ. ಇದು ನೀರು ನಿಲ್ಲುವುದನ್ನು ತಡೆಯುತ್ತದೆ.
- ಬಾಡಿದ ಎಲೆಗಳು ಮತ್ತು ಹಾನಿಗೊಳಗಾದ ಭಾಗಗಳನ್ನು ತೆಗೆದುಹಾಕಿ. ಹೀಗೆ ಮಾಡಿದರೆ ಮನಿ ಪ್ಲಾಂಟ್ ಹಸಿರಾಗಿ ಬೆಳೆಯುತ್ತದೆ ಎಂದು ತಜ್ಞರು ಸಲಹೆ ನೀಡಿದ್ದಾರೆ.
ಇದನ್ನೂ ಓದಿ: ಗುಲಾಬಿ ಗಿಡದಲ್ಲಿ ಹೂ ಅರಳುತ್ತಿಲ್ಲವೇ? ಇದರ ಒಂದು ಹನಿ ಸಾಕು!
