Restaurant Style Chilli Eggs Recipe: ಮೊಟ್ಟೆಯಿಂದ ಹಲವು ಬಗೆಯ ಅಡುಗೆಗಳನ್ನು ಸಿದ್ಧಪಡಿಸಬಹುದು. ಎಗ್ನಿಂದ ಮಾಡಿದ ಯಾವುದೇ ರೆಸಿಪಿಯ ರುಚಿ ಕೂಡ ಅದ್ಭುತವಾಗಿರುತ್ತದೆ. ಇವುಗಳಿಗಿಂದ ರೆಸ್ಟೋರೆಂಟ್ ಸ್ಟೈಲ್ನ 'ಸ್ಪೈಸಿ ಚಿಲ್ಲಿ ಎಗ್' ತುಂಬಾ ವಿಶೇಷವಾಗಿರುತ್ತದೆ. ಕೆಲವು ಸರಳ ಸಲಹೆಗಳನ್ನು ಅನುಸರಿಸುವ ಮೂಲಕ ನೀವು ಮನೆಯಲ್ಲಿ ಸ್ಪೈಸಿ ಚಿಲ್ಲಿ ಎಗ್ ಅಡುಗೆಯನ್ನು ಸುಲಭವಾಗಿ ತಯಾರಿಸಬಹುದು. ಇದನ್ನು ತಯಾರಿಸಿದರೆ ಮನೆ ಮಂದಿ ಎಲ್ಲರೂ ಬಹಳ ಸಂತೋಷದಿಂದ ತಿನ್ನಬಹುದು. ತಡಮಾಡದೆ ಟೇಸ್ಟಿಯಾದ ಸ್ಪೈಸಿ ಚಿಲ್ಲಿ ಎಗ್ ಮಾಡುವುದು ಹೇಗೆ ಎಂಬುದನ್ನು ನೋಡೋಣ.
ಸ್ಪೈಸಿ ಚಿಲ್ಲಿ ಎಗ್- ಬೇಕಾಗುವ ಪದಾರ್ಥಗಳು:
- ಮೊಟ್ಟೆ - 6
- ಈರುಳ್ಳಿ - 1
- ಹಸಿಮೆಣಸಿನಕಾಯಿ - 4
- ಕ್ಯಾಪ್ಸಿಕಂ - 1
- ಬೆಳ್ಳುಳ್ಳಿ ಎಸಳು - 10
- ಚಿಕ್ಕದಾಗಿ ಕಟ್ ಮಾಡಿದ ಶುಂಠಿ - 2
- ಕಾರ್ನ್ ಫ್ಲೋರ್ - 5 ಟೀಸ್ಪೂನ್
- ಮೈದಾ - 5 ಟೀಸ್ಪೂನ್
- ಬಿಳಿ ಕಾಳು ಮೆಣಸು ಪುಡಿ - 1 ಟೀಸ್ಪೂನ್
- ವೆಜ್ ಆರೊಮ್ಯಾಟಿಕ್ ಪೌಡರ್ - 1 ಟೀಸ್ಪೂನ್
ಸ್ಪೈಸಿ ಚಿಲ್ಲಿ ಎಗ್ ಮಾಡಲು:
- ಎಣ್ಣೆ ಅಗತ್ಯಕ್ಕೆ ತಕ್ಕಷ್ಟು
- ರೆಡ್ ಚಿಲ್ಲಿ ಸಾಸ್ - 2 ಟೀಸ್ಪೂನ್
- ಟೊಮೆಟೊ ಸಾಸ್ - 1 ಟೀಸ್ಪೂನ್
- ಡಾರ್ಕ್ ಸೋಯಾ ಸಾಸ್ - 1 ಟೀಸ್ಪೂನ್
- ಗ್ರೀನ್ ಚಿಲ್ಲಿ ಸಾಸ್ - 1 ಟೀಸ್ಪೂನ್
- ವೆಜ್ ಆರೊಮ್ಯಾಟಿಕ್ ಪೌಡರ್ - ಒಂದು ಟೀಸ್ಪೂನ್
- ಬಿಳಿ ಕಾಳುಮೆಣಸಿನ ಪುಡಿ - ಟೀಸ್ಪೂನ್
- ಸಕ್ಕರೆ - 1 ಟೀಸ್ಪೂನ್
- ಕೊತ್ತಂಬರಿ ಪುಡಿ
ಸ್ಪೈಸಿ ಚಿಲ್ಲಿ ಎಗ್ ತಯಾರಿಸುವ ವಿಧಾನ:
- ಮೊದಲು 5 ಮೊಟ್ಟೆಗಳನ್ನು ಕುದಿಸಿ ಹಾಗೂ ಸಿಪ್ಪೆಗಳನ್ನು ತೆಗೆದುಹಾಕಿ. ನಂತರ ಅವುಗಳನ್ನು ಉದ್ದವಾಗಿ ನಾಲ್ಕು ಭಾಗಗಳಾಗಿ ಕತ್ತರಿಸಿ.
- ಈಗ ಈರುಳ್ಳಿ, ಹಸಿಮೆಣಸಿನಕಾಯಿ ಮತ್ತು ಕ್ಯಾಪ್ಸಿಕಂ ಅನ್ನು ತೆಳುವಾದ ಕತ್ತರಿಸಿ ಇಟ್ಟುಕೊಳ್ಳಿ.
- ಇದಾದ ಬಳಿಕ ಬೆಳ್ಳುಳ್ಳಿ ಎಸಳು ಮತ್ತು ಶುಂಠಿಯನ್ನು ನುಣ್ಣಗೆ ತುರಿದುಕೊಳ್ಳಿ.
- ಇದೀಗ ಎರಡು ಹಸಿ ಮೊಟ್ಟೆಗಳನ್ನು ಮಿಕ್ಸಿಂಗ್ ಬೌಲ್ನಲ್ಲಿ ಒಡೆಯಿರಿ. ಕಾರ್ನ್ ಫ್ಲೋರ್, ಮೈದಾ, ಬಿಳಿ ಮೆಣಸು ಪುಡಿ, ತರಕಾರಿ ಸುಗಂಧ ಪುಡಿ, ಸ್ವಲ್ಪ ಉಪ್ಪು ಮತ್ತು ನೀರು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. (ಹಿಟ್ಟು ಮಿರ್ಚಿ ಬಾಜಿ ಹಿಟ್ಟಿನಂತಿರಬೇಕು.)
- ಈಗ ಒಲೆಯ ಮೇಲೆ ಕಡಾಯಿ ಹಾಕಿ ಎಣ್ಣೆ ಬಿಸಿ ಮಾಡಿ. ಎಣ್ಣೆ ಬಿಸಿಯಾದ ನಂತರ, ಬೇಯಿಸಿದ ಮೊಟ್ಟೆಗಳ ಪೀಸ್ನ್ನು ಆ ಹಿಟ್ಟಿನಲ್ಲಿ ಅದ್ದಿ ಎಣ್ಣೆಯಲ್ಲಿ ಬಿಡಿ.
- ಅವುಗಳನ್ನು ಎರಡೂ ಬದಿಗಳಲ್ಲಿ ಫ್ರೈ ಮಾಡಿ ಮತ್ತು ತಟ್ಟೆಯಲ್ಲಿ ತೆಗೆದುಕೊಳ್ಳಿ. ಎಲ್ಲವನ್ನೂ ಇದೇ ರೀತಿ ಮಾಡಿಕೊಳ್ಳಬೇಕಾಗುತ್ತದೆ.
- ಈಗ ಚಿಲ್ಲಿ ಮೊಟ್ಟೆಗಳನ್ನು ಹುರಿಯಲು ಪ್ಯಾನ್ ಅನ್ನು ಒಲೆಯ ಮೇಲೆ ಇರಿಸಿ. ಸ್ವಲ್ಪ ಎಣ್ಣೆ ಹಾಕಿ ಬಿಸಿ ಮಾಡಿ. ನಂತರ ತುರಿದ ಬೆಳ್ಳುಳ್ಳಿ ಮತ್ತು ಶುಂಠಿ ಹಾಕಿ ಚೆನ್ನಾಗಿ ಹುರಿಯಿರಿ. ಈಗ ಈರುಳ್ಳಿ, ಹಸಿ ಮೆಣಸಿನಕಾಯಿ ಮತ್ತು ಕ್ಯಾಪ್ಸಿಕಂ ತುಂಡುಗಳನ್ನು ಹಾಕಿ ಫ್ರೈ ಮಾಡಿ.
- ಇವೆಲ್ಲ ಮಿಕ್ಸ್ ಮಾಡಿದ ನಂತರ ರೆಡ್ ಚಿಲ್ಲಿ ಸಾಸ್, ಟೊಮೆಟೊ ಸಾಸ್, ಡಾರ್ಕ್ ಸೋಯಾ ಸಾಸ್, ಗ್ರೀನ್ ಚಿಲ್ಲಿ ಸಾಸ್ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ನಂತರ ಅದರಲ್ಲಿ ಸ್ವಲ್ಪ ನೀರು ಹಾಕಬೇಕಾಗುತ್ತದೆ.
- ಬಳಿಕ ವೆಜ್ ಆರೊಮ್ಯಾಟಿಕ್ ಪೌಡರ್, ಬಿಳಿ ಕಾಳುಮೆಣಸಿನ ಪುಡಿ, ಸ್ವಲ್ಪ ಉಪ್ಪು ಮತ್ತು ಸ್ವಲ್ಪ ನೀರು ಸೇರಿಸಿ ಮತ್ತು ಸ್ಟವ್ ಹೆಚ್ಚಿನ ಉರಿಯಲ್ಲಿ ಹಾಕಿ ಮಿಶ್ರಣ ಮಾಡಿ.
- ನಂತರ ಹುರಿದ ಮೊಟ್ಟೆಗಳನ್ನು ಸೇರಿಸಿ ಮತ್ತು ಮಿಶ್ರಣ ಮಾಡಿ. ಒಂದು ನಿಮಿಷದ ನಂತರ ಕೊತ್ತಂಬರಿ ಸೊಪ್ಪು ಹಾಕಿದ ಬಳಿಕ ಸ್ಟವ್ ಆಫ್ ಮಾಡಿ.
- ಹೀಗೆ ಮಾಡಿದರೆ ಬಿಸಿ ಬಿಸಿಯಾದ ಸ್ಪೈಸಿ ಚಿಲ್ಲಿ ಎಗ್ ರೆಸಿಪಿ ನಿಮ್ಮ ಮುಂದೆ ರೆಡಿ.
- ನೀವು ಬಯಸಿದರೆ ಮೊಟ್ಟೆಗಳೊಂದಿಗೆ ಈ ಹೊಸ ಅಡುಗೆಯನ್ನು ಪ್ರಯತ್ನಿಸಿ.
- ಮನೆಯಲ್ಲಿ ಎಲ್ಲರೂ ಮನಸಾರೆ ಊಟ ಮಾಡುತ್ತಾರೆ.
